மலையகத்தில் முகம் தொலைத்தவன்-15

காலை எழுந்ததும் படிப்பு.  பின் மாலை முழுவதும் நல்ல விளையாட்டு என்றான் முட்டாசுக் கவிஞன்.

  சிறுவர்களுக்கும் சிறுமிகளுக்கும் அன்று.

 இன்று எங்கே சிறுவர்கள் எல்லாம் கணனியில் அமெரிக்கன் ஆமி ஈராக்கில் எப்படி  தீவிரவாதிகளை(மக்களைச்) சுட்டது என்று துப்பாக்கியுடன் அல்லவா விளையாடுகின்றார்கள் .கணனி கேம் என்று.

 எங்கள் பாரம்பரிய விளையாட்டு என்று புலம்பெயர் தேசத்தில் தமிழர் விளையாட்டு விழா  நடக்கும் நாட்களில் விளையாட்டா !
 உழைக்க வந்தனியா  ?வருமானவரி கட்டினியா .நாலு வீடு கொழும்பில் வாங்கினியா ?

என்ன சாதித்தாய் இங்க வந்தது. விளையாட வா வந்தாய் நீ ? என்று எண்ணும்  மனநிலையில்  இருக்கும் உறவுகளுக்கு என்ன சொல்வது .  என்று எண்ணும் நிலையில் இருக்கும் ராகுல் .

ஊரில் இருக்கும் போது கிளித்தட்டும்,,தாயம்,கல்லுக்கொத்தல், பட்டம்கட்டி விட்டது ,மரதன் ஓடியது,சாக்குப்போட்டி,தேசிக்காயை வாயில் கரண்டியில் வைத்து விழாமல் ஓடியது ,ஊஞ்சல் ஆடிய நினைவுகளோடு !

அன்று பின்னேரம் அனோமாவுடன் கள்ளன் பொலிஸ் விளையாட்டு விளையாடினான் மாலை நேரத்தில் .!

எப்போதும்.  தேயிலைத் தோட்டத்தின் கீழே பலர் வந்து போவார்கள் .

எங்களுடன்  சேர்ந்து விளையாட  வருவோரின் சிலரின் அம்மாக்கள் எல்லாம் கொழுந்து எடுக்கப் போய் விடுவார்கள் .

அப்பா கவாத்து வெட்டுவார் கை காய்த்துப் போகும் அளவுக்கு.

 தேயிலைச் செடி மரத்தை வெட்டுவது ஒரு சிற்பியைப் போல தேவையில்லாத வாதினை(காம்பு) கீழ் இருந்து வெட்டி மரம் செளிப்பாக வளர விட்டாள் தேயிலைக் கொழுந்து சிலித்துக்கொண்டு சிரிக்கும்.

 அதனை பறிக்கும் பெண்கள்  மனதில்  எரிமலை குமுறும் இந்த மாத வீட்டுச் செலவுக்கு எங்கே துண்டு விழும்.

  இன்றக்கோ நாளைக்கோ பெரியமனிசியாக வரப்போகும் வள்ளியம்மைக்கு ஒரு பவுன்  சங்கிலி வாங்கனும்.

 இந்தப் பாவி மனுசன் இராவானா கசிப்பைக் குடித்திட்டு வந்து மூத்தமவன் கூட சண்டை போடுது .

ஒழுங்காகாகப் படிக்காட்டி வேலைக்கு கடைக்கு கூட்டிக்கொண்டே விடப்போறன் என்று .

எப்பதான்   இந்த ஏழைகளுக்கு நாட்கூலிச் சம்பளம்  கூட்டுவார்களோ ?மரத்துப் போன முதலாளிமார்கள்

. என்று எண்ணும் செல்லம்மாக்கா ஒரு புறம் என்றால் .

அம்மா காலையில் போனா சாயந்திரம் வாரதுக்குள்ள விளையாடலாம் என மனதில் எண்ணும்  சின்னவன் சுகுமார் .

இந்த .மனிதர்களுக்கு இருக்கும் உணர்வுகளைச் சுமப்பது போல  தேயிலைக்கூடையை சுமக்கின்ற பலரிடம்
முதுகில்  பாரம் அதிகம். வலியைத் தந்தாலும் செல்லமா மாமி  சுகுமார் முன் கூட வலியை வெளியுலகிற்குத் தெரியாமல் எரிமலையாய்  இருக்கும்
 .
இப்படி எத்தனை தாய் மார்கள் எங்கள் தேசத்தில் .

அன்று  நாங்கள் கொஞ்சம் அதிகமான நேரம் கள்ளன் பொலிஸ் விளையாட்டு   விளையாடினோம் .அனோமா பிடிக்கனும் சுகுமார்,அயலில் இருக்கும் துசாரா,மூக்கையா மகன் பாலு  வள்ளியம்மை என ஒரு 12 பேர்கள் சேர்ந்து விளையாடினோம்

.ஒளிந்து கொள்வதற்கு தேயிலைச் செடியின் கீழ் ஒதுங்கினோம்!

 அப்போது வேலை முடியும் நேரம் ,மாலைச் சாப்பாடு செய்யனும் அவசரத்தில் இருந்தாலும் கங்கானி நேரத்தைப் பார்த்து கையசைக்கும் வரை இருக்கனும் மலையில்.

 இந்த வேலைக்கு வராமல் வள்ளியம்மையை படிப்பிக்கனும் என மனதில் உறுதி கொள்ளும் மனது செல்லம்மாக்காவுடையது.

செல்லம்மக்கா செய்யும் ரொட்டிக்கு இந்த உலகில் ஈடு இணையில்லை. பீஸா கிட்ட வாராது.

  கோதுமை மாவில் தண்ணீர் ,,தேங்காய் என்ணை ,ஆப்பச் சோடா ,பச்சமிளகாய்,சின்ன வெங்காயம் சேர்த்து குழைத்துவிட்டு சத்த நேரம்  கழித்து தோசைக்கல்லில் வாட்டி .
அதனுடன் தேங்காய்ச் சம்பல் செய்து தரும்.

அப்போது அவர்கள் வீட்டில் சாப்பிடும் போது மனதில் வஞ்சகம் ,சூதுவாது இல்லை  .
கோதுமை மா விலை ஏறும் போதெல்லாம் ரொட்டியின் அளவு கழுதை தேய்ந்து கட்டெரும்பு ஆனது போல !

விலைவாசி ஏற்றம் பற்றி லயத்திற்கு வந்து ஓட்டுக் கேட்ட உதவாத ஜென்மங்களுக்கு பாராளமன்றத்தில் உதவியது இருக்க ஒரு கதிரை .
எங்கள் வயிற்றில் இருந்தது பசியின் கொடுமை மட்டும்தான்!

தன்பிள்ளையின்
நண்பர்களிடம் தன்னால் தன் பிள்ளைகளுக்கு கொடுக்கக்கூடிய நட்சத்திர ஹோட்டல் சாப்பாடு இது தான் என்று ஏங்கும்.

செல்லம்மாக்கா தேயிலைக் கொழுந்து எடுத்துக் கொண்டிருந்தா..!

அப்படி எடுக்கும் போது இரட்டைஇலைக்கொழுந்து ஒன்று  அன்று வந்தது.

 கையில் இப்படி வருவது அபூர்வமான செயல் .அந்த இலையைப் புடுங்கி தன் பாக்குப்பையில் வைத்துக்கொண்டா ,கொழுந்து தாங்கும் கூடையில் போடவில்லை.

 இரட்டைக் கொழுந்து எடுத்தால் அதைச் சிறியவர்களிடம் வெளியே தெரியாமல் கையை மூடிக்கொண்டு கொடுக்கனும் என்பது ஐதீகம் .

சிறியவர்கள் யாரிடம் அதைக் கொடுக்கின்றார்களே! அவர்கள் சிறியவர்களுக்கு பரிசுப் பொருளாக  புத்தாடை அல்லது பழங்கள் வாங்கிக் கொடுக்கனும் .

இல்லையேல் அவர்கள் கடன் கார்களாக இருப்பார்கள் என்பது ஐதீகம்.

 அப்படி அன்று எடுத்த இரட்டைக்கொழுந்தை செல்லம்மாக்கா என்கையில் தினித்தா .நானும் அதை வாங்கிக் கொண்டேன்.

ஜயந்த மாமா வழமைக்கு மாறாக அன்று எல்லோருடன் தானும் விளையாட வாரன் என்று வந்தார்.

 இடையில் நிறுத்திவிட்டு கதை சொல்லுறன் என்றார்.

புரட்சி செய்தால் எங்களுக்கு கஸ்ரம் போய் விடும் இந்த ஆளும் வர்க்கம் ஏழைகளை அரசியல் தீயில் ஆகுதியாக்குது அப்பாவிகளை என்று அவர் கதை சொல்லும் போது புரிந்துகொள்ள முடியாதவர்களாக முழித்தோம்.!

நீங்கள் புரிந்துகொள்வீர்கள். வருங்காலத்தில் என்று தன் கதைப் பிரசங்கத்தை முடித்தார்.

ராகுல் நீ பெரியவனாகினாய் அனோமாவுக்கு நல்லா உதவி செய்யனும் சரியா.

அனோமா உனக்கு மாம்பழம்,கொய்யாப்பழம் எல்லா தாரது தானே .

நீ விரும்பிச் சாப்பிடுவீயே அலிக்கடபேர(??)

அதில் சீனியுடன்  நீ விரும்பும் லக்ஸ்பிறே பால் மா  வீட்டில் இல்லாத போதெல்லாம் அனோமா உங்க வீட்டில் வாங்கியந்து மெனிக்கே மாமியைக் கொண்டு செய்துதாரது  ஏன் தெரியுமா?

என்றபோது .

தென்னக்கோன் மாமா இடையில்  வந்து ஜயந்த.

 சின்னப் பிள்ளைக்கள் முன் என்ன பேச்சு மகன் .ஜயந்த .

உனக்கு மூளையில்லை  என்று திட்டி தடுத்தார்.

தென்னக்கோன்  மாமா அவர் தடுத்ததில் நாங்கள் புரியாத அரசியலில் இருந்து
தப்பித்தோம். என்ற ஆவலில் கையில் இருந்த இட்டைக் கொழுந்து இலையைக் கொடுத்தேன்  ஜயந்த மாமாவிடம்.

அவர் சிரித்துக் கொண்டு வாங்கினார் மேலும் விளையாடிய களைப்புத் தீர

ஆற்றில் குளிர்த்துவிட்டு வீடு வந்தோம் .



அது 1989 இன் பிற்பகுதியை நெருங்கிக் கொண்டிருந்த மாதங்கள்.

 . அவர் எனக்குப் பரிசுப்பொருள் தருவார் என்ற ஆசையில் இருந்தேன் விதி வலியது.. //


மவன் -மகன்
சத்தநேரம்-சற்று நேரம்-
அலிக்கட பேர-???இதன்  தூயதமிழ் யாரவது  பின்னூட்டத்தில் சொல்லுங்க.