மலையகத்தில் முகம் தொலைத்தவன்-23

தேவராம் பாடிவிட்டால். அதுவரை வசந்த மண்டபத்தில்  இருந்து வாசித்த
 ஈழத்தில் தவில் நாதஸ்வர  வித்துவான்கள்.

  தங்களின் திறமையை மழையாகப் பொழிவார்கள் தோளில் தொங்கவிட்டு தவில் அடிப்பவர்கள். டிண்டடிண்டக்க டிண்டடின்=

 காட்சியின்பின்னால் ஒலியைக் கேளுங்கள்

என்று ஒலி எழுப்ப நாதஸ்வரம் பீபீபீ பீபீபீ என்ற ஒற்றை ஒலிக்க  அம்மனுக்கு ஆராட்டு நடக்க அம்மன் உள்வீதி  வலம் வந்து கொண்டிருந்தா!

அம்மனுக்குப் பின்னால் அங்கப்பிரதட்சனையில் முதலாவதாக மூர்த்தி மாமா வருவார்.

 முதலில் ஆண்பிள்ளை பிறக்கணும் ஆத்தா .அடுத்துவருவார் கதிரேசன் இந்த முறை என்ஜினியர் ஆக இடம் கிடைக்கணும் கம்பஸ்சுக்கு கைவிடாத தாயே!
தட்டிவிடுவான் பின்னால் இருந்து தங்கவேல் சாமி போகுது தொடர்ந்து போ பின்னால் பலர் வருகினம் என்று அவன் மனதில் அடுத்த வீட்டுக் கிளியிருப்பாள் இந்த வருடம் சரி தன் காதலை ஏற்றுக்கொள்வாளா? என்று .

இடது புறத்தில் முத்தாச்சிப்பாட்டி கற்பூரச் சட்டியோடு வருவா .

அடுத்து வருவா அம்புஜம் பாட்டி ஆத்தா என்ற பிள்ளை இன்னும் உயிரோடு இருக்கிறானா ஊரெல்லாம் தேடிவிட்டேன்.

இந்தியன் ஆமி எங்கே கொண்டு போனான் என்ற ஒரு பிள்ளையை கற்பூரச்சட்டியை விட அந்தப்பாட்டியின் மனசு சுடும் .

எத்தனை குடம் தண்ணீர் அந்தப் பாட்டியின் கண்களில் பல காலமாகப் பார்த்திருக்கின்றான் ராகுல்!

 இப்படியும் சிலர் ஊருக்குள் உண்டு  கற்பூரச்சட்டிக்குப் பின்னால் பாக்கியம் மாமி பால்குடத்துடன் வருவா.

 பச்சைச் சாரி கட்டி பாலன் மாமி வருவா கூடவே பஞ்சவர்ணக்கிளி போல தேவகி அடி அடிப்பாள் அம்மனுக்கு.

 அடுத்து  முறை ராகுலை விட அதிகம் மார்க் வாங்கனும் என்று.

எப்படித்தான் இவன் குதிரை ஓடுவான் என்னைவிட எட்டு புள்ளி முன்னுக்கு.இரண்டு பேரும் கடைசி வாங்கில் இருந்து தானே படிப்போம்!ராகுலுக்கு

அம்மா எழுப்பி விட்டு அதிகாலையில் தேவாரம் பாடமாக்கி அதிகம் சமயத்தில் புள்ளிவாங்கும் திறமை அவளுக்குத் தெரியாது.அந்தக்கிராமத்தில் படிக்கும் போது.

 இதை  எல்லாம் அனோமாவிற்கு சின்னத்துரைத் தாத்தாவின் தோளில் தூக்கி வைத்து அம்மனைக்கும்பிடு என்ற போது அனோமாவுக்குச் சொல்லியிருந்தான் ராகுல்.


வெளிவீதி வலம் வரத்தேருக்கு ஏற்றினதும் !தீபராதனை காட்டியதும் தேர் நகரப் போகின்றது என்ற செய்தி கிடைக்க அதுவரை தேரடியில் அடிக்கக் காத்திருக்கும் சிதறு தேங்காய்களுக்கு சின்னச் சின்ன களைகளுக்கும் முதியவர்களுக்கும் போர்த்தேங்காயாக யார் உடைப்பது எத்தனை தேங்காய் என்று  போட்டி முடிய .

குருக்கள் மணி அடிக்க அரோகரா என்றால் தேர் பவனி!  ஆசைகளைக்கடந்து தான் ஆன்மீகத்திற்கு வரனும் .என்பதைச் சொல்லும் வடம்பிடிக்கும் கயிறு பலர் இழுக்க இழுக்க இடையில் சில்லுக்கு சக்கை வைப்பது தேர் எத்தனை தடைகள் இருந்தாலும் தாண்டி வரும் என்ற ஐதீகத்தில் .

அப்படித் தாண்டி மேற்கு வீதியில் வரும் போது தேர் கொஞ்சம் சரிந்துவிட்டது.
 அப்போதே சொன்னார்கள் ஊருக்குள் அம்மன் ஆடிவிட்டது.

 எங்களை அசைத்துப் பார்க்கப் போறா என்று அப்படியில்லை .

மூடத்தனம் உங்களுக்கு அதிகம்.

வட்டிக்காரமுருகேசு வாயடைத்தார்.

 அந்தப்பக்கம் கொஞ்சம் பள்ளம் அது தேர் சரியவில்லை.

 கொஞ்சம் சாய்ந்தமாதிரித் தெரியும் சங்கடம் இல்லை பங்கஜம் .எல்லாம் அவன் செயல் என்று சொன்ன போது பாட்டியின் மனதில் தைரியம் இருந்தது .

திருவிழா முடிய தவில் காரர் எல்லோருக்கும் ரூபன் தட்சனை வெற்றிலையில் வைத்துக் கொடுத்த போது அருகில் இருந்தவன் ராகுல்.

 அப்போது சிஞ்சா போட்ட பொடியனை பின்நாளில் ஐரோப்பாவில் பார்ப்பான் என்று அன்று நினைக்கவில்லை.ராகுல்!

அது எல்லாம் ஒரு காலம் !

அடுத்த நாள் தீர்த்தம் முடிந்து தங்கமணி மாமாவும்,செல்வம் மாமா,செல்லன் மாமா குடும்பம்கள்  பதுளை போனார்கள் .

பேரன்  ராகுல் இனி இங்கே படிக்கட்டும் என்று பங்கஜம் பாட்டி மீண்டும் கிராமத்தில் படிக்கச் செய்துவிட்டா .

மருமகளையும் சேர்க்கவில்லை .பேர்த்திமாருக்கு சங்கிலின்போட்டுவிட்டா..

அன்று போகும் போது அனோமா கைகாட்டிவிட்டுப் போனாள்!

 அப்போது தெரியாது அவனைவிட்டு அவள் தொலைந்து விடுவாள் என்று!

இந்தப்பாட்டு!அந்தக்காட்சிக்குப் பொருந்தும் என்று இந்தத் தனிமரம் எண்ணுகின்றது கேட்டுப்பாருங்கள்!-

              தொலைந்தவன் வருவான் தொடர்ந்து
///////////////
அங்கப்பிரதட்சனை- இந்து ஆண்கள் செய்வது /உருலுதல் பேச்சு வழக்கு