மலையகத்தில் முகம் தொலைத்தவன்-25

நினைவுத் தூபிகள் நீண்டு வந்தது .
விளம்பரங்கள் காட்சி கொடுத்தது. எத்தனை வீரர்கள் மாவீரர்கள் என்று தெரிந்த முகங்கள் போய் .

ஊருக்குள் புதிய முகங்கள் புதிய வரியுடை உடன் கொக்காவில்,கொக்குத் தொடுவாய்,திருகோணமலை ,வவுனியா,கொடிகாமம் என கேள்விப்படாத பெயர்கள் சொன்னார்கள் .

எங்கட பொடியன்கள் என்றார்கள்  சைக்கிள் கடை வைத்திருக்கும் சின்னனராசு மாமா!

ஏன் மாமா ?இவர்கள் எங்கள் ஊருக்குள் வருகினம் .

அது ஒன்றுக்கும் இல்லை .

யாழ்கோட்டையை அடிக்கிறாங்க எங்கட பொடியங்கள் .ஆமிக்காரனுக்கு ஆதரவாக நேவிக்காரன் வெளிக்கிடாம


இருக்க .

முன் தடுப்பு நடவடிக்கைக்கு வருகின்றனம்.

.என்ன பார்க்கின்றாய்?

 இல்ல இந்தத் துவக்கு எப்படியிருக்கும் தோளில் தூக்கினால்.!

படிக்கிற வயசில பேச்சைப்பாரு .

சினனராசு மாமாவின் சின்னவனும் இயக்கத்தில் இருக்கின்றான்.

 எந்தப் பகுதியில் என்று அப்போது தெரியாது ராகுலுக்கு!

அவனை பின் நாட்களில் நானாட்டன் பகுதியில் இருந்து இங்கே வரவளைத்திருக்கின்றார் தன் பொறுப்பாளர் என்று  சொன்ன
நாள் மறக்கமுடியாது!!

அடுத்த  வாரங்களில் மண்மூட்டைகள் மதில்கள் அளவு உயர்ந்தது

.இரவுகளில் நிலவு வெளிச்சத்தில் பதுங்கு குழிகள் தோண்டினார்கள் பலர் சேர்ந்து .

போராளிகள் வரைபடத்தைக்காட்ட அதற்கேற்ப மண்கள் வெட்டி அள்ளப்பட்டது. பனைமரங்கள் பாதுகாப்பு அரனாக நிமிர்ந்து நின்றது .

பல வீடுகளில் இருந்து போராளிகளுக்கு பார்சல்கள் பரிமாறப்பட்டது

. அம்மன் கோயில் பக்கம் போவதற்கு தடை வந்தது.

போராளிகள் பலர் நண்பர்கள் ஆனதில் சிறுவர்கள் முகத்தில் புதிய உற்சாகம் பிறந்தது ..

எங்கும் ஒரு வித இறுக்கமான பார்வை பெரியவர்கள் முகத்தில்.

 சிறியவர்களுக்கு தூப்பாக்கி கைகளில் தொட்டுப் பார்க்க பழகிய போராளிகள் அனுமதித்தார்கள் .

புதிய மோட்டார் சைக்கிளில் பலர் ஏறிப்பார்த்தார்கள்.

பட்டம் விடச் சண்டை போட்ட அண்ணாமார்கள் எல்லாம் எங்கே போறம் என்று  சொல்லாமல் போய்ச் சேர்ந்தார்கள்.

 கேணியில் சின்னவர்களை மூழ்கடித்து மூச்சுவாங்குவதைப் பார்த்வர்கள் பலர் பறையாமல் போனார்கள்.

 அதுவரை தராத ஒல்லிக்கோழைகள் எல்லாம் கரை ஒதுங்கிக் கிடந்தது அடுத்தவர்கள் நீந்திப்பழக வசதியாக

. எங்கள் கேணிகள் சொல்லித்தரவில்லை
"நீந்துவார் நீந்தத் தெரிந்தவர்கள் தாண்டுவார்கள்
தாண்டிக் கிளாளிக்கரை சேர்வார்கள் "என்று.

வீடுகளில் ஒப்பாரி கேட்டது. நம்பி இருந்தன் நாட்டுக்காக போய்ட்டானாம். !

நான் என்ன செய்வன் நான்கு  குமர்ப்பிள்ளைகளை வைத்துக்கொண்டு. தலையில் அடித்துக்கொண்டு அழுதா எதிர் வீட்டு இன்பம் மாமி!

இத்தனையும்  பார்த்தவர்கள் பத்திரிக்கை படிப்பார்கள் சனசமுக நிலைய்த்தில் .

அடுத்த அடி இங்க தானோ? என்று முரசெலியும் ,ஈழநாடும்,ஈழமுரசும் எண்ணத்தில் எழதிக் கொண்டிருந்த பத்திரிகை பறந்து கொண்டிருந்தது.

போராளிகள் பலரிடம் அப்போது வோக்மன் ரேடியோ பழக்கத்தில் வந்தது.

அதுவரை ஊருக்குள் பார்த்ததில்லை ராகுல் .

அவர்கள் ஒலிநாடா போட்டு பெண்டோச் பற்றி போட்டுப் பாட்டுக் கேட்டுக் கொண்டிருந்தார்கள் .

அவர்களில் தம்பி என்ற போராளி எப்போதும் சைக்கிள் கைமாத்து வாங்கிச் செல்வான்   அடுத்த
நாள்!!!

தொலைந்தவன் வருவான் விரைந்து!!!!!!!!!!!!!!!!


//////////////////////////////////
ஒல்லிக்கோழை-தேங்காயின் நீர்த்தன்மையற்ற நிலை!
நேவிக்காரன்-கடற்படையினர்
ஆமிக்காரம்-தரைப்படையினர்
இயக்கம்/போராளிகள்-த.வி.பு
பொண்டோச் பற்றி-சிறிய பட்டரி!