மலையகத்தில் முகம் தொலைத்தவன்-37

. அதிகாலையில் ஆற்றில் குளித்து வந்ததும் சுருட்டுக்கடையில்  முதல் வேலை சூடாக்கோப்பி குடித்ததும்.

 இரண்டு கதவில் இருக்கும் கம்பிகளை அகற்றி முழுக்கதவினைத் திறந்து பொருட்களை அடுக்குவது.

 அதை அட்டிபோடுதல் என்று வட்டார் மொழியில் சொல்வார்கள்.

 இன்று பல்பொருள் அங்காடிகளில் பரப்பிவைப்பது போல !

முதலில் நம் சொத்தாக வருவது வெற்றிலைத்தட்டு.

 அதை எல்லாரும் தூக்கவிடமாட்டார்கள் முதலாளி மார் .

சீதேவியைத்தொட்டுத் தூக்குவது வீட்டு பெண்களை கைபிடிப்பது போல !

கொஞ்சம் வெற்றிலைத் தட்டுச்சரிந்தால்  வேலை வாங்குவதை விட அதிகம் சொல்லடி வரும் அன்றைய பொழுது முடியும் வரை.

 முதலில் வெற்றிலையை வைக்கும் பலகை மரத்தை (வெற்றிலைபார்)வைத்து.

 அதன் மீது வெற்றிலையையும் அருகில் பாக்கும் வைக்கவேண்டும்.

 இங்கே இருபது பச்சைப்பாக்கு  அதை நன்கு யூரியாபாக்கில் இரண்டு முன்று வகையாக பிரித்து யூரியா பையை பரப்பினபின் .

சுண்ணாம்பு பைக்கற் வைத்தால் அதன் அருகில்  சாக்கினால் மூடி தனித்தனிதாக தாவடி,கோண்டாவில்.

  இந்த ஊர் புகையிலையின் தனித்துவம் வகை/இனம் சகோதரமொழி புகையிலைக்குப் பழக்கமானவர்களுக்கும் மலையக உறவுகளுக்கும் அத்துப்படி !

புகையிலை சாக்கினால் மூடிவைத்தல் வெற்றிலை வேலை முடியும்.

 தேவையான மளிகைச் சாமன்கள் பின்வரிசையில் வைத்துக் கொண்டு இருக்கும் போதே!

" அந்த பீரிச்ச வெற்றிலையை எப்படி கை பார்க்கின்றது என்று முருகேஸனுக்கு சொல்லிக் கொடு மூக்கையா "

என்று தவம் அண்ணாவின் கட்டளைக்கு இசைந்து !

மூக்கையாவும் .

வெற்றிலைக்காம்பினால் சுற்றி கட்டியிருக்கும்  .

வெற்றிலையினைத் தட்டுடை அவிழ்த்து அதில் இருக்கும் விலைச் சீட்டை எடுத்துக் காட்டினார்.

இந்தக் கடைகளுக்கு வெற்றிலை நுவரெலியாவின் பக்கம் இருந்து அதிகாலை உடரட்டை ரயிலில்  வந்து விடும் .

வெற்றிலை அனுப்பு வதற்கு சில சகோதரமொழி வியாபாரிகள் ஒப்பந்தம்  அடிப்படையில் வாரத்தில் மூன்று நாட்கள் பல வெற்றிலைத் தட்டுக்கள் அனுப்புவார்கள்.

 பீரிச்ச,கந்தப்புல,வட்டங்கொலுங்!என வெற்றிலையில் வகை இருக்கும்.

5000 வெற்றிலை சேர்ந்தால் ஒரு வெற்றிலைத்தட்டு.

 அந்த தட்டில் விலையை புரிந்து கொள்ளும் விதமாக சங்கேத குறியீட்டில் குறித்து வாழையிலையில் மடித்து வெற்றிலை அடுக்கில் செருவி விடுவார்கள்.

  விரித்துப் பார்த்தால் அதன் சங்கேத குறீயீட்டை முதலாளியிடம் சொல்லுவார் மூக்கையா!
18 புள்ளி தவம்! (18 புள்ளி என்றால் 100 வெற்றிலை 9 ரூபாய் அன்நாட்களில்)
நேற்றைய விட இன்று விலை அதிகம் என்று செல்லம் மாமாவுக்கு .விளங்கப்படுத்தினார் தவம் அண்ணா!

 இது வாடிக்கையாளருக்கு தெரியாது !

அதனை முருகேஸன் அண்ணாவுக்கு  சொலிக் காட்டினார்.

. இங்கே தேங்காய் எண்ணெய் வரும் பரல் உருகாது

 குளிருக்கு .கருணாநிதி மனசு போல !

இறுகியிருக்கும் அதன் கீழ் நெருப்பு மூட்டினால் !

பதவி போனபின் புலம்பும் ஈழகோஸம் போல் உருண்ட திரவாகமாக் இருக்கும் தேங்காய் எண்ணெய்  நீராக உருகிவிடும்.

உன்மையில் இது தேங்காய் எண்ணெய் அல்ல .

இந்தக்காலத்தில் தேங்காய் எண்ணெய் உற்பத்தில் மந்தம் இருந்தது .

ஒன்று யாழ் யுத்தம்,மற்றது குருணாகல், அம்பாந்தோட்டைப்பக்கம் தென்னையில் ஏற்பட்ட ஒருவித நோய் காரணமாக தேங்காய் உற்பத்தி வீழ்ச்சியால் !

மலேசியாவில் இருந்து இறக்குமதியானது பாம் ஓயில்.

 (பணங்கழி )பல்மெரா என்பார்கள் ஆங்கிலத்தில் .

தனிமரம் மலேசியாவில் இருந்த போது நேரில் பார்த்திருக்கின்றேன் செய்முறை!


அந்த பரல் வைக்கும்போது கவனமாக உள்ளே இருக்கும் எண்ணெயை இழுக்கும் வண்ணம் ஒரு குழாய் வைத்திருப்பார்கள் .

அதனை சரியாக வைக்கணும்.
அதன் மேம் கருவாட்டு வகை வைப்பார்கள்..

- பொங்கும் பூம்புனல் முடியும் நேரத்தில் வானொலி மூடிவிடுவார் தவம் அண்ணா.

 ரவிக்கு காலைச்  சமையல் வேலை பழக்கத்தொடங்கினார் .

அதுவரை குசினியில் இருந்தவர் பதவி உயர்வு பெற்று மாறிவிடும் இராணுவத்தளபதி போல !

ரவிக்கு சமையல் செய்து பழக்கம் இல்லை.

 பாணுக்கு முதலில் சம்பல் அரைக்கணும் ,அல்லது மைசூர் பருப்பு கொஞ்சம் தண்ணீர்த்தன்மையுடன் வைக்கணும் உறைப்பாக

. அம்மியில் இருக்கும் நத்தையை தள்ளிவிட்டு .கழுவியபின் .

செத்தல் மிளகாய்யோடு ,உப்பும் கொஞ்ச இஞ்சியும் வைத்து அரைத்து அதனோடு தேங்காய்ப்பூவும் சேர்த்தால் சம்பல் தயார்!

உறைப்பு இல்லாவிட்டால்  பாதுகப்பு அமைச்சருக்கு செருப்பு எறிந்த ஊடகவியாலர் போல!
 தலையில் குட்டு விழும் .

சம்பல் கூட அரைக்கத் தெரியல சுருட்டுக்கடைக்கு குப்ப கொட்ட
வந்திட்ட!

அது கேட்பவன் மனசில் புதிதாக ஆட்சி ஏற்ற மந்திரிசபையை நிர்வகிக்கத் தெரியாத வரதராஜப் பெருமாள் ஞாபகம் வரும்!

 அன்று தங்கமணி மாமா தன் வாகனத்தில் ,சின்னத்தாத்தாவையும் ராகுலுயையும் ஏற்றிக்கொண்டு தன் வீட்டுக்கு வந்தார்!

  வீடு இருக்கும் பசரை ஒரு விசித்திரமான பூமி .

வீட்டில் விமலா அத்தை அன்போடு வரவேற்றா.

அதுவரை சின்னவளகாப் பார்த்த மூத்தவளும் ,இரண்டாவதும் இப்போது பெதும்பை,மங்கையாக மாறியிருந்தார்கள். இருந்தார்கள் !

தாத்தா சிரித்துக் கொண்டே சொன்னார் ராகுல் உன்பாடு இனிக் கஸ்ரம் தான் என்று அன்று!

 அதன் அர்த்தம்  அப்போது புரியவில்லை ராகுலுக்கு!

விமலா அத்தை.
 வாங்க மாமா செளக்கியமா ?
என்று இருக்க வைத்தா தன் வீட்டில் இருந்த மரக்கதிரையில்!

தங்கமணி மாமா  சின்னத்தாத்தாவிற்கு  விருப்பமான மெண்டிஸ் சாராயம் பரிமாறினார் .

மாலையில் அவர் ஊர் போக இருந்தபடியால் மதியச் சாப்பாடு கொடுக்கும் ஆர்வத்தில் இருந்தார்.

அத்தை நல்ல நெத்தலிக்கருவாடு பொரிச்சு தங்கம் மாமாவும் சின்னத்தாத்தாவும் குடிப்பதுக்கு சுவையூட்டிகொடுத்தா!

 சின்னவள் மதினி தன் அறையில் இருந்த புத்தகங்கள் எல்லாம் காட்டினாள் ராகுலுக்கு .

வீட்டுச் சுவரில் அவள் ஒட்டியிருந்தாள் அழகிய மலையக கொழுந்து எடுக்கும் சித்திரம்.

  அவளுக்கும் வானொலி ஆர்வம் இருந்தது அது மலையகசேவையில் ஒலிக்கும் நிகழ்ச்சிகள் பல அந்த சேவை மத்திய அலையில் ஒலித்தது அப்போது.

வானொலியில் . மலையக சேவை இன்றும் பன்பலையில்.89.3 மற்றும் 89.7 ஒலிபரப்பு செய்கின்றார்கள்.!

இந்தவானொலி பற்றி இன்னும் சொல்வான் ராகுல்! அதில் ஒலித்தபாடல் இது ஆனால் அவன் மனதில் அனோமா நினைப்பு இருந்தது!

     நினைப்புத் தொடரும்ம்ம்ம்ம்ம்ம்ம்ம்ம்ம்ம்ம்ம்
/////////////

பரல்- எண்ணெய் வருவது-100 கிலோ தாங்கும் /250 லீட்டர்
அத்தை- மாமி யாழ் மொழியில்.
பெதும்பை,மங்கையாக -பெண்களின் பருவயதுகள்