மலையகத்தில் முகம் தொலைத்தவன்-43

ரவி அண்ணாவின் விடுதலைக்கு செலவழித்த காசுகளினால் வியாபாரம் கொஞ்சம் ஆட்டம் கண்டது செல்லன் மாமாவுக்கு .

அந்த நேரம் கைகொடுத்தது .

இனி விற்க முடியாது ஊத்தையில் போட வேண்டும் என்று இருந்த புகையிலைச் சிற்பம் தான்.

யாழ் போக்குவரத்து சரியாக வில்லை அதனால் புகையிலை கப்பலில் வரக் காலதாமதமாகியது.

பழைய புகையிலைக்கு பாணி காய்ச்சுவதே வேலையாகிப்போனது ராகுலுக்கு .விஞ்ஞானத்தில்  இரசாயன குறியீடு(coco2) எப்படி உருவாக்கம் என்பதைவிட பாணி காய்ச்சுவது  சுகமானது .

கிராமத்தில் இருந்து வரும் அப்புகாமியும் ,பியதாசாவும் எவ்வளவு விலை என்றாலும் தாவடிப் புகையிலையைபோட்டி போட்டு வாங்குவார்கள்.

தாவடி புகையிலை  பெரியகாம்பு சொரி என்பார்கள் .இது தரம் கூடியது 25 புகையிலை! 800-1000 ரூபாய் அன் நாட்களில் .

கோண்டாவில் புகையிலை தி.காம்பு நடுத்தரமானது. சுவை வேறுபடும் .

மற்றது சொரிகாம்பு. என்பது கழிக்கப்பட்ட புகையிலை .தம்பசிட்டிப்பக்கம் உற்பத்தியாகும்  வகை இது. இப்படி வர்கம் /பிரிவுகள் புகையிலைச்சிற்பம் இருக்கும்.

ஒரு புகையிலைச்சிற்பம் ஒன்றே ஒரு லட்சம் ரூபாய் பெறுமதியாக இருந்தது அன்நாட்களில்.

 செல்லன் மாமாவுக்கு தம்பசிட்டியில் இருக்கும் மொத்த புகையிலை வியாபாரி ஒருவர் 30-50 சிற்பம் புகையிலை மூன்று மாதத்துக்கு ஒரு தடவை அனுப்புவார் .

யாழ் பிரச்சனை தொடங்கியதன் பின் 1992 இன் பிற்பகுதியில் கப்பலில் அவர் ஏனோ ஒரே தடவையில் 150 சிற்பம்  புகையிலை அனுப்பியிருந்தார் .

செல்லன் மாமா அவரைத் திட்டிவிட்டு உடனே வாடகைக்கு ஒரு அறை எடுத்து அங்கே இறக்கி வைத்த புகையிலைதான்.உண்மையில் கைகொடுத்தது.

 வருடம் பிறக்க இருப்பதால் சித்திரை வருடம் வியாபாரம் களைகட்டியது .

அப்போது தான் வந்தாள் . தேடிவந்தாள் என்று சொல்வதா "கருணாநிதியின் கவிதையில் என்றால் மரணத்திலும் மறவாது கண்மணியே என்பதா  ?

மூன்று வருடத்தின் பின் அனோமைவைப் பார்த்த கனங்கள் .ராகுல் நினைக்கும் போதெல்லாம்!.!

இத்தனை வருடம் தேடிவராத உறவு ,எங்கள் குடும்பம் பல திக்கில் ஓடி ஒளிந்து சிதறிக்கிடக்கும் நிலையில் ஒரு கடிதம் போடாதவளிடம் எப்படி ஆத்திரம் வருமோ அந்தளவு  அனல் பார்வைகள்  அவள் மீது !

அவளோடுகூடவே செல்வம் மாமி .துசாரி எல்லாரும் வந்தார்கள் கடைக்கு.

ராலுக்கு எப்போதும் பேரம்பலத்தாரின் பிடிவாதம் அதிகம் .

ஆனால் அனோமாவிடம் தோற்றுவிட்டது அவள் இப்போது உணர்வைத் தீயில் இடும் குமாரிக்கா(மங்கை மாங்கனி) அனோமா .

அந்த .சமகாலத்தில் சட்டத்தில் இருந்தவர்கள் பாதுகாப்பு களை எடுத்தார்கள் .

மூன்று எழுத்துக்காரர் (jvp)ஆதரவாளர்களை அது பற்றி ஊடகம் பேசியதில்லை.

 பேசியவர்கள் ரிச்சட் டி சொய்சா கதை நாடறிந்தது.

விக்டர் ஐவன் செயல் கொஞ்சம் வெளியில் சில விடயங்களை பேசியது.

பாதுகாப்பு வேலி நீண்டு சென்ற போது ஜயந்த மாமாவும் இந்தக் குழுவில் இருந்த படியால்  அவர்கள் குடும்பத்திற்கும் மன உளைச்சல் நிலையைக் கொடுத்தது.

செல்வம் மாமியின் செயல்பாடுகளையும்  நோட்டம் இட்டுக்கொண்டிருந்தார்கள் அதனால் செல்வம் மாமாவும் வியாபார்த்தை கல்கமுவையில் மூடிவிட்டு புலம் பெயர்ந்து சென்று விட்டார் யாருக்கும் தகவல் சொல்லாமல் .

அது தெரியாமல்! அவளோடு ராகுல் கோபிப்பது அறியாமைதானே?

அவள் தெளிவுபடுத்திவிட்டாள்.

தென்னக்கோன் தாத்தா இவர்களுக்கு உதவியாக அங்கே (கல்கமுவையில்) இருந்தார் .

மாமியும் சில மாதங்களில் போய் விடும் நிலை என்பதால் எல்லாரையும்!
காண வந்திருந்தா பதுளைக்கு.

அப்போது ராகுல் அங்கு இருப்பான் என்று நினைக்கவில்லை வந்ததில்  மாமிக்கு சரியான சந்தோஸம்!

அந்த சித்திரை மாதம்  மறக்க முடியாது ராகுல்  வாழ்வில் .

தங்கமணி மாமா வீட்டில் தங்கி இருந்தார்கள் அனோமா மற்றும் துசாரி.

ஏற்கனவே தங்கமணி மாமாவின் இரண்டாவது மகள்(மதினிக்கு )ராகுல் அனோமாவோடு  கதைப்பது பிடிக்காது ஆனால் ராகுல் மனதில்?

இந்தப்பாடல் தான் அப்போது டூயட் ராகுலுக்கு.








உனக்காக எழுதிய கவிதைகள் மறக்கலாம்
உன்னோடு மலையடிவார சில்மிசங்கள் தொலையலாம்.
என் நாட்குறிப்பு தொலைந்து போகலாம்
என் தவிப்பு  மலைகடந்த நிஜம்!

        ராகுலின் நாட்குறிப்பில்!



தொடரும்.......