தீராநதி விமர்சனம்

 பாரிஸ் தேசத்தில் நடக்கும் கதைக்களம் .இங்கு வரும் புலம்பெயர் மக்களின் இன்னொரு புதிய விடயமான வதிவிட அனுமதி என்ற ஒரு நடைமுறை தெரியாமல் தாயகத்தில் இருந்து அகதியாக வரும் என் போன்றவர்களின் விடியலுடன் படம் தொடங்குகின்றது.

நாயகன்  ஊரில் இருக்கும் தெய்வங்களை துணைக்கு அழைப்பதுடன் படம் கதை ஓட்டத்தைக் கூறுகிறது.காலையில் மதன் வெளியே போவதும் அதன் பின்னே கமராவும் பயணிக்கிறது.

 மதன் தன் நண்பனுடன் போகும் வழி நெடுக கதைவிரிந்து செல்லுகின்றது .அதற்கிடையில் மதனுக்கு வீடுவாடகைக்கு எடுத்துக் கொடுத்த அவரின் மாமானார்(அருனாகிரி) வீட்டிற்கு வந்து பார்க்கும் போது! நம் நாயகனும் ,அவரின் நண்பர்களும் வீட்டை  எப்படி நாறடித்து வைக்திருக்கிறார்கள் என்பதூடாக நம் சமுகத்தின் இன்றைய நிலையையும் புலம் பெயர்வில் நண்பர்களாக வாழும் குடியிருப்புக்களை வெளிப்படையாக காட்சிப்படுத்தி கைதட்டலை வாங்கிக்கொள்கின்றார்.
மதன் எங்கே போகின்றான் என்பதன் ஊடாக கதை பின்னோக்கி விரிகின்றது .நண்பர்கள் படைசூழ  இங்கு நடக்கும் ஒரு விழாவில் கலந்து கொண்டிருக்கும் போது கதையின் ஊடே வருகின்ற இன்னொரு கிளைக்கதைதான் புலம்பெயர்வில் தீராநதியாக ஓடும் குழுவன்முறை !

இதற்கு நாயகன் எவ்வாறு உள்நுழைகின்றான். என்றாள் நாயகனுக்கு முதலில் வதிவிடத்தைத் தீர்மானிக்கும் (offra) காரியாலாயத்தில் இருந்து வரும் கடிதத்தை மொழி தெரியாமல் இருப்பதால் யாரிடம் காட்டி வாசித்து தெரிந்து கொள்வது என வீதிக்கு வரும் போது கானும் தமிழ் பெண்தான் கதாநாயகி !

பார்க்கும் போது தயக்கத்துடன் நாயகன் கடிதத்தை நீட்ட நாயகி ஒருக்கனம் காதல் கடிதமோ !என நினைத்து பின்னடிக்கும் போது நம்ம நாயகன் என்ன விஜய் போலவா? பார்த்ததும் காதல்கடிதம் நீட்ட .இது வதிவிடக்கடிதம் தயவு செய்து வாசித்துச் சொல்லுங்கள் என கேட்க வாங்கி வாசித்து அவரின் அகதி அந்தஸ்த்து நிராகரிக்கப்பட்டதை .சொல்லும் போது ஈழத்து அகதியானவன் படும் துயரத்தை தத்ரூபமாக மதன் காட்டும் போது !

இதன் வலி புரிந்து அழுதவர்களில் தனிமரமும் சேர்ந்துதான் கலங்கிவிட்டது.!

 கடிதம் படித்து அழுதுகொண்டு செல்லும் மதன் மீது பரிதாபப்பட்டு நாயகி .மறு நாளும் இவ்வழியால் தான் போவேன் தேவையான உதவியை தயங்காமல் கேளுங்கள் என கூறிச் செல்ல மறு நாள் காத்திருக்கும் நாயகன் தன் வதிவிட கோப்புக்கள்  எல்லாவற்றையும் நாயகியிடம் கொடுப்பதுடன் அவர்கள் உறவு தொடங்கிறது .

இது  புலத்தில் நடக்கும் உதவி அதை நம்மவர்கள் பிரிதொரு அர்த்தத்தில் கொள்வதும். கதாநாயகியின் உறவினர்கள் தவறான கண்ணோட்டத்தில் பார்ப்பதும் .கதாநாயகியின்  பின்புலம் என்ன என என்னும் போது! கதை ஓட்டத்தில் நிறுத்தம் போட்டுவிட்டு !

யாதார்த்தத்தில் அவன் பின்னால் சிலர் மோட்டார்சைக்கிளில் துரத்தும் போது இருவரும் இரு திக்கில் ஓடி ஓளிகிறார்கள். அவர்கள் மூச்சு வாங்க நாங்களும் வாங்குறோம் .

ஊரில்  இருந்து பின்கதவாள் வந்துவிட்டு இங்கு வந்து நாம் காட்டும் வீரம்  பிறநாட்டவருக்கு ஈழத்தவன் வன்முறைவாதிகள் என்ற பிம்பம் பதியப்படுகிறது. இதை நாயகனின் மாமா (அருனகிரி)சரியாக  கூறி .அதே நேரம் கத்தி மேல் நின்று  சிந்திக்கவைத்து கைதட்டலையும் இளையோரின் கண்டணத்தையும் பெறுகிறார் .

புத்திமதி சொன்னால் இப்போது புரிவதில்லை பலருக்கு.
நண்பன் ஒருவன் தன் கடந்தகால தவறை மதனுக்கு கூறுகின்றான். தானும் உடம்பில் வலுஇருந்த போது கொலை செய்ததும் அதன் பலன் சிறைவாசம் அனுபவதித்து விட்டு மீண்டும் திருந்தி அமைதியான வாழ்வை பாரிஸ்சின் புறநகர்ப் பகுதியில் வாழ்கின்றேன் என்று கூறிமுடியும் போது !

நிகழ்காலத்தில் மீண்டும் மோட்டார் சைக்கிளில் இவர்களை அவர்கள் தூரத்தும் போது.  இருவரும் ஒடும் காட்சி தமிழ்சினிமாவின் பாதிப்பு அதிகமாக இருக்கின்றது எனலாம் .

காட்சியமைப்பில் முன்னும் பின்னும் என படத்தை நகர்த்தும் உத்தி கஜனி படச்சாயல் தெரிகிறது .உதவி செய்யும் பெண்மீது ஏப்படி மதனுக்கு காதல்வந்தது என்றும்  அதனை நாயகன் எப்படி வெளிப்படுத்தினார் .?
இதன்பின்னே மையக்காட்சியில் கதாநாயகிவீட்டிற்கு வரும் போதுதான் இவர்கள் தூரத்தப்படுகிறார்கள் என்று கூறுவதனூடாக படத்தின் மறுபகுதியில் என்ன நடந்தது என்று காட்சிகளாக விரிகின்றது .

கதாநாயகி வீட்டில் காத்திருக்கும் போது வியக்க வைக்கின்றார் படத்தில் ஹீரோ !இவர் பல இடங்களில் சேரனைப் போல் முகத்தை மூடி அழுவது கொஞ்சம் அதிகம் என்றாலும் .

ஈழத்து அகதி உறவுகள் யாரும் அருகில் இல்லாத போதும் ,பொருளாதார நெருக்குதல், தனிமை ,எதிர்கால பயம் என நினைக்கும் போது அழுவதைத்தவிர கனவுகளுடன் வாழும் ஈழத்து சராசரி இளைஞன் பாத்திரம் கச்சிதமாக பொருந்துகின்றது.

 கதாநாயகி கொடுத்த பாத்திரத்தை சிறப்பாக செய்திருக்கிறார் .ஹீரோவிற்கு கொஞ்சம் அக்காள் போல் இருப்பது அன்று வாடைகைக்காற்று தொடக்கம் இன்று தீராநதி வரை .

எங்கள் வீட்டுப் பெண்கள் ஒரு நடிகையா ?என்ற பார்வையால் நல்ல திறமை இருந்தும் வெளிக்காட்டாமல் பலர் இருப்பது இந்த நாயகியைப் பார்க்கும் போது தெரிகின்றது.

.சோக பாவம் வரமறுக்கிறது .கவலையளிக்கிறது.
 சில காட்சியில் கமரா பயம் இருப்பது புரிகின்றது. என்றாலும் புதுமுகம் நாளடைவில்  இன்னொரு சினேஹா கிடைத்திருக்கிறது .கோடம்பக்கம் இனி படை எடுக்கும் .கதாநாயகி வீட்டில் காத்திருக்கும் போது என்ன நடக்குது !

என்பதை விறுவிறுப்பாகவும் குழுவன்முறையில் யார் வென்றார்கள் ?இந்தக்குழுவன்முறைக்கு முடிவு இல்லையா  ?என பல கேள்விகளுடன் இறுதியில் என்ன நடந்தது என்பதை தீராநதியை  திரையில் கானுங்கள்.!
வில்லனில்  இவனும் ஒருவன்.இவனுடன் ரயில் சிநேகம் 5 வருடம்!

இரு பாடல்கள் அறிமுகப் பாடலே கதையை கூறிவிடுகிறது sujeethG

.அடிதடி வெட்டுக்குத்து  எழுதியவர் சதாபிரனவன் .பாடியிருப்பவர் சுஜித்.காட்சியைப் பாருங்கள்.

http://youtu.be/VFQa42fAJ8U+

  மற்றபபாடல்  கண்ணில் விழுந்த என்ற கனவுப் பாடலும் நல்ல தெரிவு கவிஞர்  கவனிக்க வைக்கிறார்.

படத்திற்கு இசை பலம் சேர்க்கிறது இன்னும் முயன்றால் மற்றொரு நிருவாகலாம் கோடம்பாக்கம்.
 இசையமைப்பாளர் சிறியவர் கஜானந்தன் இவர் லண்டனில் வாழ்கிறார் படத்தின் வெளியீட்டுக்கு வந்திருந்தார் பின்னனி இசை ஆடவிடாமல் கதையை உள்வாங்கி சிறப்பாக செய்திருக்கிறார். சில கீழைத்தேச இசைக்கருவிகளை சேர்த்திருக்கலாம் என்பது என் ஆவல் ஐரோப்பிய வாத்தியக் கருவிகளே அதிகம் இசைக்கப் படுகிறது.இவரின் பேட்டி இதோ!GAJINATH GJ ARTSGAJINATH GJ ARTS

 படத்தொகுப்பு மிகவும் சிறப்பாக தொய்வு இல்லாமல் விறுவிறுப்பாக இருக்கிறது இதை செய்திருப்பவர்  சங்கர்
.
கமரா k.கவிநாத்.!

 கதை திரைக்கதை வசணம் இயக்கம் என்ற பணியுடன் நடிப்பும் மதன் என்கின்ற பாஸ்கரன்.

.படத்தின் சிறப்பு  நடிகர் என்பதைத் தாண்டி வசனகர்த்தாவாக பல இடங்களில் பாஸ்கரன்  கவனிக்க வைக்கிறார் .

புலம்பெயர் புதிய தலைமுறை இளைஞர்களுன் ஒழுக்க நெறிகளை துணிச்சலாக காட்டியிருக்கிறார் .பல பெண்களுடன் உறவு ,தான் போகும் குழுவன்முறை பாதை .எத்தனை பெண்களுடன் இவர்கள் சல்லாபம் ! தான் கட்டும் ஈழத்துப் பெண் மட்டும் கன்னித்தன்மையாக இருக்கனும்  என்ற எதிர்பார்ப்பு கபட நாடகம்!

சபாபதியின் புலம் பெயர் சாதியம் படிமம். முதியவர்களின் தனிமை, முற்போக்கு எண்ணம் ..சபாபதியுடன் தனிமரம்.
.நண்பர்களை உசுப்பேத்தினாலும் தன் சகோதரி இரானுவத்தால் சீரலிக்கப்பட்டதை பத்திரிகையில் படத்துடன் போட்டதால் தன் தமக்கைக்கு நல்ல வாழ்வு கிடைக்கவில்லை. நீ கதாநாயகியை கைவிடக்கூடாது என்று முற்போக்கு வாதியாக தன் நண்பனை அழுகையூடே வழி மொழியும் போது நியத்தில் எத்தனை பேர் அழுதார்கள் என்று பார்த்த போது எல்லோர் முகமும் இருந்த கோலம் என்னால் விபரிக்க
 முடியாது !பல பிரென்சில் பிறந்த அடுத்த தலைமுறை யுவதிகள் அழுது புலம் பியபோது சினிமா ஊடகம் என்பதா? இல்லை ஈழத்து உணர்வு என்பதா?நானும் இதே திரையரங்கில் எத்தனை படம்
 பார்த்திருக்கின்றேன் இப்படி உணர்வுடன் பார்ப்பது இது இரண்டாவது முதலில் ஆணிவேர்.இப்படியான படத்துக்கு கை கொடுப்பது யார் ? புலத்தில் நாம் மற்றவர்களுக்கு பாலா?,கற்பூரமா?பீர் ஊத்துவோரா? இல்லை கோப்பை கழுவினாலும் நம் துயர் சொல்லும் மதனுக்கு கைகொடுத்து ஊக்கிவிக்கும் ஈழத்தவனா??????
.தயாரிப்பாளர் ராணி  கலையகம் இவர் ஒரு பண்முகத்தன்மை  அறிவிப்பாளர் குறும்படத்தயாரிப்பாளர் கஜன்.

 படத்தில் குறை என்றாள் புதிதாக இங்கு வந்த யுவதி விரைவில் ஒரு சட்ட அறிவாளியாக காட்டப்படுவது என்னைப் பொருத்தளவில் காதில் பூ !

பலவிடயங்களை சொல்ல நினைத்து சில விடயங்களை ஆழமாக நோக்கவில்லை !படத்தில் வில்லன் பாத்திரம் தெளிவற்ற முடிவு . !படத்தின் இறுதிக்காட்சி வேறாக இருந்திருக்கலாம்!

 நாயகியின் உடையில் கவனம் செலுத்தியிருக்கலாம் .முக்கியமாக முதல் இரவுக்காட்சியில் தென்னக சின்னத்திரையின் பாதிப்பு அதிகமாக ஆட்கொள்கிறது.

 கலியாணப்பெண்ணின் நகை அலங்காரம். சேலை. இது புதியவர்களுக்கு  சேலை கட்டுவதில் உள்ள சிக்கல்  நாயகியின் உடலில் சேலை நழுவி விடுவது போல் இருக்கிறது.
இந்த வில்லன் பாத்திரத்துடன் தனி மரத்திற்கு நாலு வருட ரயில் சினேகம்!
தென்னக சினிமாவின் தாக்கம் அங்கங்கே எட்டிப் பார்த்தாலும் .ஒட்டு மொத்தத்தில் நம்மவர் படைப்பை தொடர்ந்து குறை கூறுவோர். இதைச் சரியாக இயக்கவில்லை என்போரும் ,நம்மவர்களுக்கு சினிமா சரியாக தெரியவில்லை என்பவர்களுக்கும் பதிலாக வந்திருக்கிறது தீராநதி!

 480 ஆசனங்கள் கொண்ட திரையரங்கில் மிகக்குறைந்தவர்கள் பார்வையாளராக இருந்தது கவலைதருகின்றது.
 இன்னும் நம் கலையின்  ஆர்வம் எழுச்சி பெறவில்லையா ?புதிய பாதையில் போகும் புலம் பெயர் படைப்பும் இன்னொரு சரித்திரம் படைக்க நாம் உதவுவது காலத்தின் கட்டாயம்! தீராநதி தீராத வலி!