என் உயிரைக் கொல்லாதே!

சிலபாடலின் பின் சில சுவாரசியமான, மற்றும் சில புரியாத விடயங்களும் பின்னால் ஒழிந்து இருக்கும்.

 அப்படியான விடயங்களை பலருடன் பகிரும் ஆவல் முன்னர் இருந்தது. இப்போதெல்லாம் சராசரி ரசிகனாகவும், சிலதை விலக்கியும் போகவேண்டிய உணர்வாளனாக காலச் சக்கரம் !

இந்த தனியார் வேலையில் சேர்ந்த பின் நானும் அதிகம் பணி நிமித்தம் சில பகுதிகளுக்கு  ஒரு வாரம் மற்ற நண்பர்களுக்கு உதவும் நோக்கில் பலபகுதிகளுக்குப் போய் இருக்கின்றேன்.

 அப்படிப் போன இடங்களில் சிலரைச் சந்தித்து அவர்களுடன் கொஞ்சம் பழகும் வாய்ப்பு வந்திருக்கின்றது.

 அப்படி நான் நுவரெலியாப்பகுதியில் வேலை செய்யும் போது அறிமுகமானவள் தாட்சாயினி..

தக்கனின் மகள் அல்ல சாதாரண தேயிலைத் தோட்டத்து கொழுந்து எடுக்கும்    சுப்பையாவின் கொழுங்கொடி.

 இவள் பேசுவதற்கும் பழகுவதற்கும் இனிமையானவள். வீட்டில் மூத்தவள் பொருளாதாரத்தில் முன்னேறவும் தான் கற்ற கணக்கியல் துறையை முடக்கிவிடாமலும் வருமானம் ஈட்டவும் தனியார் நிறுவனத்தில் பிரதம கணக்காளராக இருந்தாள்.

எங்களுடைய ஏகவினியோகஸ்தராக இருந்த அந்த தனியார் நிறுவனத்தின் கணக்கு வழக்கைப் பார்ப்பவள் என்பதால் . சில நேரங்களில் அதிகமான நேரம் எங்களுடன் பணிபுரிவதாள் தாமதமாகி பணிமுடியும் நாட்களில் அவளை அவர்கள் வீட்டில் கொண்டுபோய் விடும் நிலைகளும் இருந்தது .

சில நாட்களில் அவளும் பணிதாமதமானால் அன்பாக கேட்பாள் வீட்டிற்கு கூட்டிக்கொண்டே விடும்படி .

அந்தப்பகுதியில் சில சகோதர மொழி நண்பர்கள் வேலையற்று இருக்கும் வேங்கைகள் .இவளுக்கு வேட்பு மனுத்தாக்கள் செய்வதால் இது ஒரு தொல்லையாக அவளுக்கு இருந்த தாள்!

 நாங்கள் யாரும் இப்படி உடன் போகும் போது இம்சையாக இருக்காது என பின் ஒரு கோப்பி நேரத்தில் சொன்னாள்!

தட்சாயினி சுமாரான அழகு எதையும் ஆராய்ந்து பார்க்கும் கூர்மையான அறிவு.

 சில நேரங்களில் நாம் அவசரத்தில் விடும் விற்பனைப் பிழைகளை விரைவாக சுட்டிக்காட்டுவாள்.

 நான் அவளுடன் தயங்காமல்  விற்பனை பற்றி சிலநேரங்களில் அதிகம் பேசும்போது அவளுக்கு இம்சையாக இருக்கும் போது அருகில் இருக்கும் வானொலியில் மிகவும் சிறிய ஒலியுடன் பாடல் ஒலிக்கவிட்டு என் பேச்சை திசைமாற்றத் தெரிந்தவள்

.எனக்கு இருக்கும் பாடல் ரசனையைத் தெரிந்து பிடித்தபாடல் ஒலிக்கும் போது உங்கள் பாடல் போகுது சேர் என்பாள் வேடிக்கையாக.

  இப்போதும் போல் அப்போதும்  ஒரே பாடலை திருப்பித்திருப்பி என் வாகனத்தில் ஒலிக்கவிடுவதால்.

 என்னுடன் வரும் போது சில நேரங்களில் "இந்தப்பாட்டில் ஏன் இப்படி உங்களுக்கு ஈடுபாடு "என்பாள்?

 நானோ "சிலபாடலுக்கு தாட்சாயினி விளக்கம் கொடுக்க நினைத்தால் ஆயிரம் காரணம் சொல்ல முடியும் "என்றால் .

"சார் நீங்க இந்த வேலைக்கு வராமல் அங்கேயே போயிருக்கலாம் என்பாள்"

நான் பட்டு நொந்ததை இவளிடம் சொல்லி ஏன் புலம்பவைப்பான். என்று விட்டு சொன்னே!

" நான் விரைவில் நாட்டை விட்டுப் போய் விடுவேன் பிறகு எதற்கு என்று"

" அது எப்படிச் சேர் உங்களப்போல சிலர் இந்த சந்தைப்படுத்தலில் இருந்து விட்டு வெளிநாடு ஓடும் "சூட்சுமம் என்றாள்?

.இது நாட்டையாளுவோரின் தூரநோக்கு இல்லாமையால் இப்படி ஓடவேண்டியிருக்கு என்று மட்டும் சொன்னேன்.

" நீங்கள் எல்லாம் சுயநலவாதிகள் சேர்" . அவள் மனதில் இருக்கும் எண்ணத்தை என்னால் மாற்ற முடியாது.

 நான் மீளவும் என் நிரந்தர  பணியாற்றும் இடத்துக்கு (வவுனியாவிற்கு )திரும்புவதால் அவளை மீண்டும் காணவில்லை .

அவளுக்கும் இப்பாடல் பிடிக்கும் என்பது மட்டும் நிஜம்!

இந்தப்படத்தில் எல்லாப்பாடலும் பிரமாதம். பழனிபாரதியின் கவிதை கிறங்கடிக்கும்!எனக்கு எல்லாப்பாடலும் பிடிக்கும் .

இந்தப்பாடல் அதிகம் பிடிக்கும் !

பாடல் பாடும் சித்திராவின் குரல் வளம் ஏற்ற இறக்கத்தில் காட்டும் பாவம்.

கோபால் ராவ் குரல் தடித்தது என்றாளும் ஒரு ஆண்மகனின் கம்பீரம் தெரியும் !

இசையில் இவர்கள் பாடலின் உயிரை தந்து இருப்பார்கள்.

ரகுமான் அறிமுகப்படுத்திய பாடகர்களில் கோபால் ராவ் ஒருவர். பாடகராக இருந்தவர் இந்தப்படத்தில் இசையமைப்பாளராகவும் சேர்ந்து கொண்டார்.

இந்தப்படம் வெளியாகி இருந்தால்
 இன்னொரு வாரிசு தமிழ்த்துறையில் சில படங்கள் நடித்திருக்கும் .

சிம்ரனுக்கு இன்னும் சில படவாய்ப்புக்கள் கிடைத்திருக்கும்.
அந்தப்படம் கோடீஸ்வரன்! வாரிசு எமி குஞ்சுமேனன்.

இன்று சங்கர் என்ற இயக்குனரை தமிழ்சினிமாவுக்கு தந்தவர் K.T.குஞ்சுமேனன் அவர் தூக்கிவிட்டவர்கள் பலர் இன்று பிரபல்யமாக இருந்தாலும் இந்த நொந்து போய் இருக்கும் தயாரிப்பாளர் பற்றி யாரும் அக்கறைப்பட்டதாக தெரியவில்லை!

அந்தப்படத்தில்  மூவர் இசையமைப்பாளர்கள்.


 கோடீஸ்வரன் இசை  ஆகோஸ்.

 இதன் விரிவு --ஆ-ஆனந்த்




                                    கோ- கோபால்ராவ்
ஸ்-ஸ்வரசர்மா.


 இவர்களின் முக்கூட்டணிதான் ஆகோஸ்.




 அதன் பின் வேற படங்களுக்கு இசையமைத்த தாக தெரியவில்லை .

ஆனந்த முதலில் கொடுத்த வெற்றிகள் கூட இந்தப்படம் வெளிவராமல் போனதால் கானமல் போய்விட்டார்!

பாடல்காட்சி எப்படி இயக்கியிருப்பார்கள் என்று ஒரே ஆர்வமாக இருந்தேன் விடியாத இரவாகிப்போனது வெளிவராத இந்தப் படம்.


 ஆனாலும் என்னிடம் இப்படத்தின் முழுப்பாடலும் விருப்பத்தேர்வாக இத்தனை வருடங்கள் ஒரு உடலின் இரத்தோட்டம் போல் ஓடுகின்றது.

 மனதில் எழும் சலனங்களின் இப்பாடலைக் கேட்கும் போது மனசு அதிகாலை ஆற்றினைப் போல் அமைதியாக இருக்கின்றது!


பழனிபாரதியின் ஆங்கில வரிக்கலப்பில்லாத அற்புதப்பாடல்களில் இதுவும் ஒன்று

!பழனியின் கவிதை ஒரு பெண் எப்படி ஆணுக்கு தன் அழகின்  அதிகாரத்தையும் மயக்கத்தையும் கொடுப்பாள் என்பதையும் சவால்விடக்கூடிய தன்மையுள்ளவள் என்பதை மிகவுல் நளினமாக சொல்லியிருப்பார் !

கிளியோபட்ரா பற்றி பல கருத்துக்கள் இருந்தாலும் அவள் ஒரு அழகு தேவதை என்பதை மட்டும் நானும் நம்புகின்றேன்!

கவிஞர்களுக்கும் , வாசகருக்கும் ஒவ்வொரு உணர்வைத் தரக்கூடியவள் கிளியோபட்ரா!

 தபால் அட்டை போய் தொலைபேசி வந்தாலும் இன்னும் மனசு அந்த தபால் அட்டை அனுப்பிக் கேட்ட பாடல்களைத்தான் பிரிந்து வரமுடியாத காதலியின் வழியணுப்பைப் போல் மீளவும் நாடுகின்றது .

  நீங்களும் கேளுங்கள் தனிமரத்தின் வலையில்.

http://s01.download.tamilwire.com/songs/__K_O_By_Movies/Kodeswaran/Naan%20Kezy%20Naattu%20-%20TamilWire.com.mp3