game over.. ஒரு முன்னோட்டம்!

ஈழத்தில் இருந்து மீண்டும் திரைப்படம் வெளிவராதா?.. ஒரு நல்ல படத்தை எப்போது வெள்ளித்திரையில் கொண்டு வருவோம்! என்று ஏங்கிக் கிடக்கும் இன்றைய இளைஞர்களின் கனவுகள் பலரிடம்..!!

வெள்ளித்திரைக்கு முகவரி கொடுக்க சிறிய அளவில் குறுந்திரைப்படம் எடுக்கின்றார்கள் பலர் .

அப்படியான நண்பர்களுக்கு என்றும் தோள் கொடுக்க வேண்டியது ஒரு கலையை நேசிக்கும் ஈழத்தவனின் கடமையாக இருக்க வேண்டும்.

இவை பிரதேசவாதம்,மொழிவாதம்,இனவாதம் என்பவற்றை கடந்து இருக்க வேண்டியதும் காலத்தின் கட்டாயம்!

எனக்கு எப்போதும் பல நண்பர்கள் பல வட்டங்களில் இருப்பது என் பலம் என்பது  ஒரு புறம் என்றால் ! பலவீனமும் அதுதான்!

நம்மவர்கள் தயாரிப்புக்கள் பற்றியும், தேடல் பற்றியும், இருக்கும் ஆர்வம் பற்றியும் அன்று என்னோடு இருந்தவர்கள் கூட இன்று  முகநூல் வழியாக உரையாடும் போதும் , ஸ்கைப்  வழியாக  தொடர்பில் வரும் போதும் காது கிழியும் அளவுக்கு பல விடயங்களை நண்பர்களாக  பேசிக்கொள்வோம்.

அப்போது அருகில் இருப்போர் 'இவன் வாய்க்கு பிளாஸ்டர் ஒட்டனும்' என்று   சொல்லி கிண்டல் பண்ணுவார்கள்.. அது வேறு கதை! ஏன்..இப்போது வலையிலும் பால்கோப்பி கேட்டுப் போனால்  முதலில் பிளாஸ்டர் ஒட்ட காத்திருக்கும் உறவுகளும் பலர்!

மீண்டும் நம் படைப்புக்களுக்கு நாம் வரவேற்பை கொடுக்காமல், அன்னியரின் ஆராதிப்புக்கும்,  அவாடுக்குமாக  ஒரு கலைஞனை கண்கலங்கவிட்டு விட்டு, பிற்காலத்தில் அவனைப்பற்றி பெருமை பேசி பட்டிமன்றம் வைத்து பல பதிவு எழுதி  எதைச் சாதிக்கப்போறோம்? என்ற உணர்வைத் தரும்!

இன்று நம் தேசத்துக் கலைஞர்கள் பலர் முகம் தொலைந்து அரபுலகத்திலும், இன்னும் பிற தேசத்திலும் வாழ்கின்றார்கள். படைப்பாளிகள்,தயாரிப்பாளர்கள் என நொந்து போனவர்கள் பலர்.

இன்னும் நல்ல கதை, இருக்கு நல்ல தயாரிப்பாளர் கிடைக்கவில்லை என்று ஒரு நண்பன் கூறும்போது, நேரம் வராதா அவனுக்கு ஒளி கொடுக்க என ஏங்கும் நெஞ்சங்களும் உண்டு.

இன்னும் அடிபட்ட இடத்தில் இருந்து மீண்டுவராமல் இருக்கும் சிலரிடம் என்றாவது மீண்டும் ஒரு சமுகவிடயத்தை வெள்ளித்திரையில் வலம் வரவிடனும் என்ற கனவுமட்டும் கலையாது!

எப்படியும் இணைவோம் என சிலர் சொல்லிச் செல்வது வெற்றுக் கோசம் அல்ல என எண்ணவைக்கும் என்னை...

இப்படி இருக்கும் ஒரு நண்பனின் குறும்பட முயற்சிக்கு  என்னால் முடிந்த அளவு ஊக்கிவிப்பு.. அவனுக்காக ஒரு பதிவை பதிவு செய்வது மட்டும் தான்!

அந்த வகையில்
மணியின் முதல் குறுப்படம் தேஞ்ச செருப்புக்கு என் விமர்சனம் இங்கே பார்க்கலாம். http://www.thanimaram.org/2011/12/blog-post.html

அடுத்த இயக்கம்  மிகவிரைவில் என்று கூறப்பட்டிருந்தாலும், மிக வேகமாகவே,  இந்த வார இறுதியில் நண்பன் மணிவண்ணன் கொழும்பில் வெளீயீடு செய்ய இருக்கும் குறும்படத்தின் முன்னோட்டத்தை உங்களிடம் கொண்டு வருகின்றேன் -.

விமர்சனம் விரைவில் பின்னே வரும் .

இது 6 நிமிடங்கள் கொண்ட குறும்படம். 'அந்தக் கணத்தில் என்ன நடக்கும்' என்பதை இன்னொரு கோணத்தில் பதிவு செய்யப்பட்டுள்ளது.

வெளீயீட்டை வெற்றிகரமாக செய்து முடி மணிவண்ணா...என்றும் உன் வெற்றிக்கு பக்கபலமாக இந்த தனிமரத்தின் குரல் இருக்கும்! அத்தோடு உங்கள் குறும்படம் வெற்றி வாகைசூட பிரார்த்திக்கின்றேன்!

நல்  வாழ்த்துக்களுடன்
நண்பன் நேசன்!