மலையகத்தில் முகம் தொலைத்தவன்-38

குறிப்பு-மீண்டும் சொல்வது தான் தனிமரத்திற்கும் நேசனுக்கும் இந்த தொடர் தொடர்பு இல்லை!        
////////////////////////
தங்கமணி மாமாவின் வீட்டில் இருந்து வந்த கையோடு மாலையில் கொழும்பு போகும் உடரட்டையில் சின்னத்தாத்தா வன்னி போனார் !

 போகும் போது சொல்லிவிட்டுப் போனார்!

"பேரா ஒழுங்காக சுருட்டுக்கடை வேலையும் படிச்சுக்கொள்

பள்ளிப்படிப்பு முடிய யாரிடமும் போய் கைகட்டி வேலை செய்யக்கூடாது."

 இது பரம்பரைத் தொழில் விளையாடக்கூடாது.

 .இனி எப்ப சந்திப்போனா !தெரியாது ?

கிளிநொச்சியில் அவங்கள் என்ன பாடோ தெரியாது ?

அடிக்கடி முருகேசனோடு சேர்ந்து கடிதம் போடு .

உன்னை விட்டுப் போறன் என்றாலும் உன் எதிர்கால நல்லதுக்குத் தான் .

பங்கஜம் பாட்டியின் வார்த்தைகள் ஞாபகம் இருக்கட்டும் .

நீ வளர வளர அந்தப் பாட்டியையும் இந்த தாத்தாவையும் மறந்திடாத!

இந்த காசு 100 ரூபாய் வைத்துக்கொள்!

சின்னத்தாத்தா தந்துவிட்டுப் போக சூரியனும் போனான் பள்ளிகொள்ள!பஞ்சாலையில் புத்தங்சரணம் கச்சாமி ஒலிக்கக் தொடங்கியது.

ஐப்பசியில்  வந்த ராகுல் மார்கழியில் சுருட்டுக்கடையில் முதலில் பழகும் வேலைகளையும் தவம் அண்ணாவின் வழிகாட்டுதழில் கற்றான் .

வெற்றிலை அடுக்கவும் பாக்கு வெட்டவும் .

இந்த ஊரில் பச்சப்பாக்கு வெட்டுவதே ஒரு திறமை வேணும் .

சந்திரிக்காவின் வரவின் பின் உயிர் பெற்ற மகஜன எக்ஜக்பெரமுனவும் சுதந்திரக்கட்சியும் போல!

 பச்சப்பாக்கினை பின் பக்கத்தில் இருந்து பாக்கு வெட்டியில் ஒரு இழுவை இழுத்தால் முதல் வெட்டு சறுக்காமல் இருக்கும்.

 அது சரியாக வெட்டினால் இரு பக்கமும் பின் நாலு வெட்டு வெட்டினால் பச்சப்பாக்கு தோல் போய் விடும் .

பாக்கில் ஒரு சிறிய தோலும் இருக்கக் கூடாது .கச்சல் பாக்கு வெட்டக்கூடாது .சுவையிருக்காது மயக்கம் வரும் போட்டால் .

அரை மணித்தியாலத்தில் 500 பாக்கு வெட்டினால் போதும் ஒரு நாள் வியாபாரத்திற்கு  .

ஒரு பாக்கினை நான்கு துண்டாக வெட்டி ! இரண்டு வெற்றிலைமடித்து அதன் உள்ளே சிறிய கடதாசியில் சுண்ணாம்பு கொஞ்சம்,புகையிலைத்துண்டு கொஞ்சம் வைத்து சுருட்டி வைத்தால் வெற்றிலைக்கூர் தயார்.

சாமானிய அப்பையாவும் அப்புகாமியும் இந்த வெற்றிலைகூர் சகிதம் கவாத்து வெட்டுவதும்   குமாஸ்தா வேலை செய்வதும் அப்போது இயல்பாக இருந்திச்சு!

அது தெரிந்த பின் சுருட்டுக்கு கோடா போடணும். !
யாழ்ப்பாணச் சுருட்டு   மரப்பலகையில் செய்தபெட்டியில் வரும் அடுக்கி .

10 ஆக இருக்கும் சுருட்டை 250 வரும் வண்ணம் கட்டி 5000 சுருட்டுத் தயார் செய்தால். அன்றைய பொழுது கழிந்து விடும் புலமைப்பித்தனின் ஒரு நாள் கழிந்தது போல!

சுருட்டின் பின் பகுதியில் இரு புறமும் இந்த கோடா பூசினால் கறுப்பான மாதுரிக்கு மெழுகூட்டிய அழகு போல இருக்கும். சுருட்டும் .

இந்த கோடா தாயாரிப்பது தண்ணீர் மற்றும் சாராயம் ,அத்தோடு யாழ்லில் இருந்து சிறப்பான தனித்து ஒரு கலவை கறுப்புகலரில் வரும் .

இது புகையிலை வியாபாரிகள் செய்து அனுப்புவதால் அதன் சூத்திரம்  ராகுல் கற்றது இல்லை .

அவற்றை அளவோடு கலந்தால் கோடா தயார் .அதனை சரியாக கலக்க வேண்டும் சுருட்டுக்கு !

இல்லையேல் சாராயத்தில் கோலாவை அளவோடு கலக்காமல் விட்டால் எப்படி சாராய வாசம் போய் விடுமோ அது போலதான்!

 உடலில் ஏற்படும் காயத்திற்கு உடன் மருந்து இந்த கோடா .

அது பூசினால் உயிர் போய் வரும் மரணவலி வரும்.

 ஆமிக்காரன் காதிலுனுள் பேனையை விட்டு சொல்லுடா நீ புலியா ?என்று அடிப்பது போல!

கோடா பிழையாக போட்டால் தவம் அண்ணா தலையில் குட்டிச் சொல்லுவார் !

"சுருட்டுக்கு ஒழுங்கா கோடாப் போடத்தெரியல நாளைக்கு பொண்டாட்டி சாரியை எப்படி தோய்க்கப் போறாய் "

அப்போது தெரிந்து இருக்காது அவருக்கு வெளிநாட்டில் அதிகம் போடுவது பதினொண்டு என்றும் அதனைத் தோய்ப்பது ல்வை இயந்திரம் என்று

!கோடா போட்டு வைத்தால் கிராமத்தில் இருந்து வரும் அப்புகாமியும், சுப்பையாவும் சுருட்டு வாங்கிக் கொண்டு போவார்கள் .

சிங்களச்சுருட்டும் இருக்கும் அதை பெட்டிச் சுருட்டு என்பார்கள்.

 யாழ் சுருட்டு கதலி வாழைப்பழம் என்றால் பெட்டிச்சுருட்டு யானை வாழப்பழம் போல நீண்டது

.காரம் குறைந்த புகையிலையில் செய்வது அது. ஆனாலும் அதன் உள்ளீட்டுப் புகையிலையும் யாழ்ப்பாணத்தில் இருந்து தான் கொள்வனவு செய்தார்கள் சிங்கள முதலாளிமார்.

 அவர்களிடம் இனவாதம் சேரவில்லை அப்போது !அது தங்கிவாழும் நிலை என்பதால் போலும்!

 இந்தவகை பெட்டிச் சுருட்டு  கல்கமுவ,மாவனல்ல போன்ற இடங்களில் செய்வார்கள்.

யாழ் சுருட்டு காரம் கூடியது ராகுலுக்குத் தெரிந்த புடவைக்கடை முதலாளி ஆண்டியப்பன் ஒருவர் இந்த சுருட்டுக்கு கடை மூடினாலும் இரவு 11மணிக்கு எல்லாம் பின் பக்கத்தால் வந்து வாங்குவார்!

அவர் இந்தியாவின் கோயம்புத்தூரினை பின் புலமாக கொண்டவர் .

ராகுலுக்கு தெரிந்து சின்னப்பாட்டியைத் தவிர பதுளையில்  இருந்து அந்த நாட்களிலே சமரிமலைக்கு வருடா வருடம் போகும் ஐய்யப்பன் பக்தர் அவர்.

7 பிள்ளை பெற்றவர் ஒவ்வொரு முறையும் பெண்குழந்தை வேண்டி அவர் விரதம் இருந்து போனார் .

ஆனால் அவருக்கு பிறந்த 8  குழந்தையும் ஆண்வாரிசு .

ஒரு பேர்த்தி கூட ராகுல் இருந்த காலம் வரை அவர்களுக்கு பிறக்கவில்லை.

 பெண் குழந்தை என்றால் சரியான பாசம் ஆண்டிய்ப்ப்னுக்கு!

அவர் கடையில் சனிக்கிழமையில் படக் கொப்பி வாங்கிக் கொண்டு போனால் சுருட்டுக் கொடுக்கும் சலுகைக்காக படம் பார்க்கலாம் .

அப்போது அவர் கடையில் தான் ரீவியும் சொனிக் டெக்கும் இருந்தது.!-இந்தப்படம் பார்த்தது அங்கே.---ராகுல்.----
////////////////
பதினொண்டு-நீள்காற்சட்டை
மகஜன எக்ஜக்பெரமுனவும்-மக்கள் ஐக்கிய முண்ணணி - விஜயகுமாரதுங்கவினால் ஆரம்பிக்கப்பட்டது.
 சுதந்திரக்கட்சியும் போல!-பண்டார நாயக்க தொடங்கியது- மாமா, மருமகன் ,மகள்-அம்மையார்  சந்திரிக்கா!