மலையகத்தில் முகம் தொலைத்தவன்-42

யாழ் விளக்கமறியல்,பதுளை விளக்கமறியல்,தாய்லாந்து,மலேசியா,சிங்கப்பூர்,பிரெஞ்சு விளக்க மறியல் பார்த்தவன் தனிமரம் ஆனால் ரவியின் சித்திரவதை கொடுமையானது. குடாட்டருக்கும்,புரியாணிக்கும் பதிவு எழுதும் அபி அப்பாவைவிட நான் குறைந்து போக வில்லை ஈழத்தவனாக!வெட்கப்படவும் இல்லை இந்த தேசத்தில் பிறந்ததுக்கு இனவாத
ம் பேசும் நாட்டில் இருந்து ஓடிவந்த அகதியாக!


//வரலாற்றில் ஹிட்லர்,முசேலினி,சுலோபோடன் மிலேசிவிக்,கடாபி போன்றோரை குற்றவாளியாக்கி தண்டித்துவிட்ட அனைத்துலக சமுகம் .

அந்த தலைவர்களை வழிநடத்திய அரச கரும முக்கிய பணியாளரை தப்பிக்க விடுவது ஏன் ?

இன்றும் பலரை தூக்கில் போட வேண்டும் என கூறும் பலரும் .

அந்த தலைவரின் பின் இருந்து இயக்கியவர்கள் நல்லவர்கள் என்று எப்படி நினைப்பது?

இப்படித்தான் பேரினவாதம் தமிழர் மீது எத்தனை அட்டூழியங்கள் செய்தது. என்று வெளியுலகம் அறியாது!

 அந்த மலையகம் தாங்கிக் கொண்டு இருக்கும் எரிமலைக் குழம்புகள் அதிகம்.

 பதுளையில் வியாபாரிகளிடம் பேரினவாத சட்டத்தின் காவலர்கள் கப்பம் கோரிக்கொண்டு இருந்தார்கள் .

பலர் மெளனமாக கொடுத்துவிட்டு சுருட்டுக்கடைவியாபாரம் வேண்டாம் என்று ஓடிக்கொண்டு இருந்தார்கள்.

பிரேமதாசாவின் ஆட்சியில் இருந்த சட்டக்காவலர்கள் நாட்டில் ஏற்பட்ட எழுச்சியை அடக்க .

பலரை களை எடுத்தார்கள் .

வடக்கில் புலிகளின் செயல் என்று ஒருபுறம் தெற்கில் இருந்த விடுபட்ட கீழ்மட்ட மக்கள் விடுதலை முன்னணி உறுப்பினர்களை தேடிக்கண்டு பிடித்துக் கொண்டு இருந்தார்கள்.

எரியும் நெருப்புக்கு எண்ணெய் வார்ப்பது போல யாராவது மனதில் ஏற்படும் வன்மத்தை எழுத்தில் பெட்டிசமாக எழுதிவிட்டு.

 அதில் புலி என்று ஒரு வாக்கியம் சேர்த்துவிட்டால் .சிங்கக் கண்கள் சிலிர்த்துக்கொண்டு வந்து  சிறை எடுத்துச் செல்லும்.

  அப்படித்தான் ஒரு புலியிடனும் தொடர்பு இல்லாத ரவி அண்ணா .

புலி உறுப்பினர் என்று பெட்டிசம் போட்ட இக்பாலுக்குத் தெரியாமல் போன பட்டதாரி அறிவுதான் !

சட்டக்காவலர்களுக்கு சன்மானம் அதிகம் கொடுத்தால் .

சாட்சியாக வந்த கடிதம் பிரதி எடுக்கலாம் என்றும்.

 அதை சுருட்டுக்கடையில் இருக்கும் அடுத்த தலைமுறை அதில் என்ன எழுதியிருந்தது என வாசிக்கும் அளவுக்கு கற்பித் திருந்தார்கள் .தங்கள் வம்சத்தை என்றும் புரியாமல் போனதேன்.?

அதுதான் அந்த போக்கிரியின் பட்டதாரி படிப்பா?

ரவி அண்ணாவை கொண்டு போனவர்கள் 5 மாதமாக நீதிமன்றம் கொண்டு வரவில்லை.

 விளக்கமறியல் என்ற போர்வையில்  வைத்திருந்து செய்த சித்திரவதையை நினைக்கும் போதெல்லாம் பேரினவாதம்  மீது வரும் வெறுப்பைவிட.கோபம். இக்பால் மீது.

விளக்கமறியலில் செய்த சித்திரவவைதை எப்படி எழுத்தில் வடிப்பது .

அசோகவனத்தில் சீதை அனுபவிக்காத கொடுமை ரவி அண்ணா அனுபவித்தது. அவர் கொஞ்சம் சிங்களம் கதைப்பார் .ஆனால் எழுத மாட்டார் .

அவர் மேனியில் சிங்களப் பேரினவாதம் எப்படி எல்லாம் சித்திரம் கீறீயது.

 மங்கையைத் தழுவ வேண்டி கையை மண்ணிறைந்த ஸ்லோன் பைப்பினால் அடித்து இயக்கம் இல்லாமல் வரும் வரைக் கேட்டார்கள். நீ ?இயக்கத்துக்கு வேலை செய்யவா இங்கு வந்தாய்  என்று?

கொடுமையிலும் கொடுமை புத்தன் போதித்தான் ஆசையைத் துறந்து வா .என்று ஆனால் இந்த அன்பைப் போதித்த மதத்தில் பிறந்தவர்கள் .

மதி கெட்டுச் செய்த அருவருப்புச் செயல் .ரவி அண்ணாவை நிர்வானத்துடன்  விளக்க மறியலில் வைத்திருந்த காட்சியைக் கண்ட கண்களுக்கு வெறுப்பு பேரினவாதம் மீதல்ல.

   தன் ஆசைக்காக்க ஒரு அப்பாவியை பலி கொடுத்தானே இக்பால். என்ற அயோக்கியன் மீது வன்மம் இன்னும் கொடுத்தது.

 ரவி அண்ணாவுக்கு விளக்கமறியலில் இருந்து  வெளியில் கொண்டு வர செல்லம் மாமா இறைத்த பணமும், ஓல்ட் அறக்கும் கணக்குப் பார்த்தால் .

அப்போது இன்னொரு உறவை புலம் பெயர ஏஜேஸ்ன்சிக்கு  கொடுக்கும் தொகைக்கு போதுமான அளவு.

 5 மாத இருண்டவாழ்வில் இருந்து வெளியில் வர உதவியவர் ஒரு புத்த பிக்கும்  இன்னொரு இராணுவ அதிகாரியும் தான்.

 வந்த கையோடு ரவி அண்ணா போய்ச் சேர்ந்தார் உண்மையில் இயக்கத்துக்கு.

அவரை மீண்டும் ராகுல் பார்த்தது 2003 ஆண்டு முகமாலை பின் அரங்க பாதுகாப்புச் சாவடியில்.

 அவரின் துணைவியும் ஒரு போராளி .விழுப்புண் பட்டு ஒரு கால் செயல் இழந்து இருந்தவருக்கு மறுகால் அகவாழ்வு அந்த வன்னிப் போராளி நங்கை .

ஆசையோடு முன்னல் நண்பன் என்று பரிமாறின சாப்பாடு சாப்பிட்ட போதும். சொல்லவில்லை .

ஓடிப் போன சிந்துஜா அக்காள் ஒரு விலைமாது ஆகி கொழும்பு யூனியன் பிளேஸ் கேக் வீதியில் இரந்து நின்ற காட்சியைப் பற்றி

.அவள் குழந்தையையும் தவிக்க விட்டு ,அவளுக்கு போதைப் பழக்கத்தையும் கொடுத்து விட்டு ஓடிய இக்பால் பற்றியும்.

ராலுகுலுக்கும் நம்பிக்கை இருக்கு. அல்லா அவனை தண்டிப்பார் என்று ஏன்னா அவனுக்கும் !!இந்த தனிமரத்துக்கும் மதவாதிகளை விட மதக்கடவுள் மீது நம்பிக்கை அதிகம்!
////


தொடரும்
பெட்டிசம்- மனுப்போடுதல்.
---ஓல்ட் அறக்கு-மதுபான குடிவகை
ஸ்லோன் பைப்-பிளாஸ்றிக்குழாய்
சன்மானம்-ஊழல்.
காசு கொடுத்தால் விளக்கமறியல்/லாக்கப்பில் இருப்போரைப்பார்க்க  முடியும் இலங்கையில் அது எனக்கு சொந்த அனுபவம்.