மலையகத்தில் முகம் தொலைந்தவன்.....65

நினைப்பது ஒன்று நடப்பது ஒன்று .நினைக்கும் விடயங்கள் நடப்பதை விட நடந்த விடயங்கள் எல்லாம் நன்மைக்குத்தான் .என்பதை மனம் ஏற்கும் காலம் வரும் போது நாம் கடந்து வந்த பாதைகள் அதிகம் தான் .

.விஞ்ஞானம் படிக்கும் ஆசை இருந்திச்சு ராகுலுக்கு.

 ஆனால் மலைக்கும் மடுவுக்கும் இருக்கும் வித்தியாசம் புரியாத கற்பனைவாதி அல்ல அவன் .மலையகத்தில் எப்போதும் அதிகம் பட்டதாரிகள் தட்டுப்பாடு இருக்கும் ஒரு  விடயம் ஆசிரியர்கள் துறை.

 இந்த விஞ்ஞான மற்றும் கணித ஆசிரியர்கள் தொழிலில் இருக்கும் சிலரும்  மாணவர்களின் தகமை என்ன என்பதைவிட எவ்வளவு கறக்கலாம் என்பதைத்தான் பார்ப்பார்கள் . .

அதையும் விட கடைசி வாங்கில் இருக்கும் மாணவனுக்கு இவர்கள் படிப்பிக்கும் எதுவும் கேட்காது .

முதலில் இவர்களுக்கு யாழ்தேவியிலும், உடரட்டையிலும் கடலை விற்பவனும் ,காப்பி
விற்பவனிடமும் சத்தம் போட்டு சொல்லும் விடயத்திகு சல்லி கொடுத்து படிக்க விடனும் கல்வித்துறையில் இருப்போர் .

. அத்தோடு பகிஸ்கரிப்பு நடந்த
 காலத்தில் விஞ்ஞானம் சரியாக ஆரம்ப விளக்கங்கள் படிப்பிக்க வில்லை .

அதன் தாக்கம் பரீட்சையில் உணர்ந்த ஒன்று .எப்போதும் நீண்டகாலத்தாக்கம் என்பது பொருளியலில் வேறு தானே!

 குறுங்காலம் யாரோ கொடி பிடிச்சு குளிர்காய பாதிக்கப்பட்டது .

அடுத்து வந்து பரீட்சை எழுதிய சாதாரன பரீட்சை மாணவர்கள் தான்.

அதனால் ராகுல் விஞ்ஞானம் செய்ய ஆர்வம் இருந்திச்சு ஆனால் கணிதம் தேற்றம் சரியாக  தேற்றவில்லை கணிதம் கழுத்தறுத்தது  சந்திரிக்கா ஆட்சியை கவிழ்த்த மக்கள்  விடுதலை முன்னணிபோல !

 ஆனாலும் வழி இருந்திச்சு அடுத்த கட்சியில் இருப்போரை உள்கட்சிக்கு பேரம்பேசி கொண்டு வருவது போல அடுத்த வருடம் எடுத்துக்கொடுக்கலாம் இன்னும் அதிசிறப்பு பெறுபேறு .

ஆனால் பள்ளியில் என்ன படிக்கவும் முதலில் தேவை பள்ளிக்கு விண்ணப்பிக்கும் கடித்தத்தில் பாதுகாவலர் கையெழுத்து .

அதில் முன்னால் அமைச்சர் போல கள்ளக்கையெழுத்துப் போடமுடியாது.

  செல்லன் மாமா கையொப்பம் அந்த கலைத்தாயின் கல்லூரியில் பலருக்குத் தெரியும்.

 அங்கே விதி வரைந்த கோடுகள் விசித்திரமானது .

நீ ஒன்றும் விஞ்ஞானம் படிக்க வேண்டாம். அது நல்லாப்  படிக்க வேணும்  உன்னால் முடியாது . பக்கத்துக்கடை பொடியன் விஞ்ஞானம் படிக்க போறாது என்றால் கண்டிக்கும் ,ஹட்டணுக்கும் ,போகவேண்டும் .

இல்லை கொழும்பில் தான் சாத்தியம்.

 பேசாம இங்க இருக்கும் பாடத்தைப்படி அதே போதும் .

எல்லாத்துக்கும் காசு கொடுத்து உன்னைப்படிப்பிக்க நான் சத்தரம் நடத்தவில்லை

 .இல்ல சகிலன் விஞ்ஞானம் படிக்கப்போறான் மாமா.


அது அவன் அப்பா காசு இருக்கு படிப்பிக்கின்றார் .

சரியா .

ஏதோ உங்க அம்மாவோட  கூடப்பிறந்த குற்றத்திற்கு உன்னைப் படிப்பிக்கின்றேன்.

 அதுக்கே ஆகும் செலவு நான் ஒருத்தருக்கு சம்பளம் கொடுக்கும் காசு.

 .செல்லன் மாமாவுக்கு தெரிந்தது எல்லாம் எப்படியாவது ராகுலை அந்தக்கடைக்குல் குந்த வைக்கணும் என்ற நோக்கம் .

அவனின் கனவு வேற ,
அதைப்புரிஞ்சுக்க மாட்டார். திருப்பிக்கதைத்தால் வருவது எல்லாம் .

ஏன் ?எனக்குத் தெரியாதோ ?

"துரை நான் சொல்லுறன் வர்த்தகம் படி இல்லை மேல்க்கடையில் ஆள் இல்லை அங்கே போய் நில்லு .உங்க இஸ்ரத்துக்கு எல்லாம் விடமுடியாது .

என் ஐயா இப்படித்தான் வளர்த்தார் .

இப்படி எல்லாம் திருப்பிப் பேசினால் கருக்கு மட்டையால் விழும்.

 இப்பதான் யார் பேசினாலும் போறதுக்கு வழி கொடுத்திட்டாங்களே இனவாதம் யுத்தத்துக்கு ஆள் தேவை என்று."


 உன்ற மற்ற உடன் பிறப்பும் துவக்குத் தூக்க போய்ட்டுதாம் .

நீ சரி மிஞ்சுவியோ தெரியாது?

கொப்பருக்கு கொள்ளிபோட

இதோ இவன் இஞ்ச கஸ்ரப்பட்டு காசு அணுப்புறான் .

அங்க இவன் தங்கையும் போயிட்டாலாம்,!

சாந்தியுமோ ??.ம்ம்ம் !

என்ன சொல்லப்போறாய்?

 இன்று போய் இதை கொடுத்திட்டு தலைமை ஆசிரியரிடம் சொல்லு  .

நானும் வர்த்தகம் படிக்கப்போறன் என்று.

  சரியா என்னடா செவிடோ ?

முதலில் பதில் சொல்லிப்பழகு .

ஓ !துரை வெற்றிலை போட்டு இருக்கிறீயா?

 நீ திருந்த மாட்டாய்  !வைரவர் பாவம் அந்த வார்த்தையை  செல்லன் மாமா ராகுலுக்குச் சொல்லும் போது!

" முதலில் வாயில் இருக்கும் வெற்றிலையை துப்பி விட்டு பள்ளிக்கூடம் போட்டு வா.

 நான் பண்டாரா வளை போகணும்!"


 இனி என்ன செய்வது.

 யுத்தம் என்று ஒன்று அப்பாவியை  எப்படி எல்லாம் பேச்சு வாங்க வைக்கின்றது .

இந்த குறுக்கால போனவங்ககளின் யுத்த வெறிக்கு. என் சுதந்திரம், ஆசை எல்லாம் சீரழிக்கின்றதே ?

சரி இன்னும் இரண்டு வருசம் காத்திருப்பேன் .இந்த ஊரில் அதன் பின் எந்த பாசக்கயிறும் கட்டாமல் ஓடிவிடுவேன் அம்மா .

என்று அவன் போட்டான் மனதுக்குள் சபதம்!

மீண்டும் வெள்ளைச்சீருடைக்கு புகுந்து அந்த கலைத்தாயின் வாசலுக்கு பதிவு செய்தான் .தன் பெயரையும் மாணவர்கள் சேர்க்கைக்கு .

அவனும் பழைய மாணவர் என்பதால் இடம் கிடைப்பதில் பிரச்சனை இல்லை.

 பதிவு செய்தாலும் அடுத்த ஆரம்பம் இந்த உயர்தரத்தில் இருப்போர் ஆகஸ்ரில் பரீட்சை எழுதி வெளியேற வேண்டும் .

அதுவரை வெளியில் டியூசன் தொடங்கி விடும் யாரிடம் டியூசன் போவது?!

தொடரும்...

சல்லி- காசு சகோதரமொழியில்
குறுக்கால போவாங்க- சாவுகிராக்கி!
கொப்பர்- தந்தை/ஐயா யாழ்வட்டார மொழி!