மலையகத்தில் முகம் தொலைத்தவன்!-72

எழுதியவன் ஏட்டைக்கெடுத்தான் பாடியவன் பாட்டைக்கெடுத்தான் என்ற நினைப்பில் இருக்கும் செல்லன் மாமாவின் எண்ணத்தில் மாற்றம் வந்த நாட்களில், அவன் மாமா என்று சொல்லமுடியாத நிலையில் வேலைக்காரன் என்று மட்டும் சொல்லும் நிலையில் தான்  இருந்தான்!

சுருட்டுக்கடையில் சொந்தம் சொல்லிக்கொண்டு இருந்தால் பலருக்கு வியாபாரம் செய்ய முடியாது கடன் கேட்பார்கள்! இரக்கம் இருந்தால் இப்படி சுருட்டுக்கடை வியாபாரம் செய்ய முடியாது என்ற காரணம் இருந்த நிலையில்...

என் மருமகன் ஜனாதிபதி முன்னிலையில் ஊடக அமைச்சரிடம் காசோலை பரிசு வாங்கும் படம் வந்திருக்கு பார்த்தீங்களா? என்று பெருமை பேசும் முதலாளி வெற்றி பெற்றதை விளம்பரம் செய்யும் போது, வெற்றிக்கு மட்டும் முகம் கொடுக்கும் முக்கியத்துவம்!

 அந்த பரிசு பெற்ற வெற்றிச் செய்தியில் தேர்தலில் தொண்டரின் பங்களிப்பை வெளியில் சொல்லாத மந்திரி இல்லை ராகுல்... 

அவன் வென்ற செய்தியில் பின் புலம் இருந்தது! அதில் எழுத்துப்பிழை திருத்திய கல்பனாவின் பங்கு, எழுதியதை தட்டச்சில் தரமாக, வார்த்தையை சிதைக்காமல் அச்சடித்த நண்பர்..அதுக்கு காசுகொடுத்த சுகியின் பிறந்தநாள் உண்டியல் காசு... இந்தக்கட்டுரை தனித்துவம் மிக்கது என்று தெரிவு செய்த முகம் தெரியாத பிரபல்யமான படைப்பாளி பண்டிதர்கள்.... 

அத்தோடு ராகுலையும் என் பேரன் என்று சொல்லி கொழும்பைச் சுற்றிக்காட்டியது தென்னக்கோன் தாத்தா என்பதும் விசேஸ செய்தியாகும்.

 கொழும்பையும், சர்வதேச பண்டாரநாயக்கா மண்டபத்தையும் பார்க்க ஒரு வழி கொடுத்தது அந்த பரிசளிப்பு விழா .

இந்தவிழா நடைபெறும்போது மின்னிய புகைப்பட ஒளிகள் எல்லாம் தீவில் இருந்த பங்கஜம் பாட்டிக்கும் ,வன்னியில் இருந்த தாய் தந்தைக்கு தெரிய முடியாதவாறு   தனிக்கை இருந்த நிலையில்...என் மகனும் விருது வாங்கினான்.. முதல் பெண் ஜனாதிபதியின் ஆட்சியில் என்று மட்டும் சொல்ல முடியும்...! 

சமாதான தேவதை என்று வந்து சங்காரம் செய்து, வடக்கில் இருந்து விரட்டிவிட்ட ஜானதிபதி சந்திரிக்கா ஆட்சியில் தான் சந்திரிக்கா அம்மையார் அருகில் இருக்க, நானும் பரிசு பெற்றவன் என்று எந்த மாணவன் வெளியில் சொல்ல முடியும்?!

வடக்கில் பிறந்தாலும் ராகுலின் இலக்கிய ஆர்வத்தை விழக்கேற்றிய மலைமகள் இந்த பதுளைதான் என்றதை அவன் மறந்து போகவில்லை.

வடக்கில் போர் வெற்றிச் செய்தியில் ராகுலின் படமும் 7 பக்கத்தில் பிரசூரித்தது ஏரிக்கரை தினகரன்நாளிதழ்!

இது எல்லாம் பின்னால் இருக்கும் நிஜம் .

தென்னக்கோன் தாத்தா ராகுலின் அடுத்த வாழ்கை ஒளிக்கும் பதுளையில் இருந்து முகம் தொலைந்தவன் மீண்டும் முகவரி தேடவும் வழிகாட்டியதும் இந்தப்பயணத்தில் தான்..இது பின் இருக்கும் சொல்லப்படாத செய்தியாகும்! 

எப்போதும் இனவாதம் பேசும் பலர் மறந்துவிடும் நல்ல விடயங்களில் ஒன்று இந்த வழித்துணைவந்தோரின் பின் பல சிங்களவர் இருப்பார்கள் நீக்கமற இனவாதம் இல்லாமல் என்பதையும் தான்! 

இது எல்லாம் நடந்து கொண்டு இருக்கும் போது ராகுல் சுருட்டுக் கடையில் பில் போடும் சாமானியன்.

 அந்த இயல்பை அவனுக்கு பழக்கியதில் செல்லன் மாமா என்றும் முதன்மையானவர்தான்.

 அவருக்கு தெரியாது மருமகன் எல்லாம் நல்லா படம்  பாக்கின்றான் என்று..

ரெக்ஸ் தியேட்டரில் இல் ஒரு படம் மூன்று மாதம் கடந்து வெற்றி நடை போடுகின்றது. என்றால் அது ஏதோ கில்மா படம் இல்லை. அது ஒரு காவியம் . ஆனால் அதனை மொழிகடந்து உடல் மொழி புரிந்துகொள்ளும் உணர்வு தேவை. 

இந்தப்படத்தை ராகுல் 100 தடவை தாண்டிப்பார்த்துக்கொண்டு இருந்த மாணவன் . அதை வெளியில் சொல்லதவன்!

ஆனால் இதை பள்ளிக்கூடத்தில் பரபரப்புச் செய்தி ஆக்கினவள் சீலா . விளையாட்டுக்கு சீலாவின் சுருட்டுக்கடையில் வேலை செய்யும் கண்ணனுடன் அவர்களின் கடையில் பேசிக்கொண்டு இருந்ததை குமரன் சேர் வகுப்பில் தன் தோழியான பிரியாவிடம் சொல்ல, பிரியாவின் பிரியமானவன் தினேஸ் கலைத்தாயின் கல்லூரியில் கணக்கியல் படிப்பிக்கும் யசோ ஆசிரியை அவர்களுடன் சண்டையாகிப்போனது! 

தொடரும்!

ரெக்ஸ் - பதுளையில் ஒரு திரையரங்கு!