மலையகத்தில் முகம் தொலைந்தவன்...-78

இந்தத்தொடரில் யாரையும் புண்படுத்தும் நோக்கம் தனிமரத்திற்கு  இல்லை கதையின் காலப்பகுதியில் இப்படி எல்லாம் நடந்ததை காட்சியாக சொல்லவே  என் நட்புச் சகோதரிகளின் படக்காட்சியை இணைத்தது. இனவாதம் மூடிய பக்கத்தை சொல்லவேண்டியது காலத்தின் கட்டாயம். யாரையும் நிந்திக்கவில்லை  மீண்டும் மன்னிப்போடு  தொடருக்குள்!

தலைவன் தவிப்போடு காத்திருக்க தலைவி வராத நிலையை வழியில் என்னாச்சு என்றதை குறுந்தொகைப் பாடலில் சொல்லியதை குழைந்து கொடுத்த கண்ணதாசன். நான் மலரோடு தனியாக என்ற இரு மலர்கள் சிவாஜி படப்பாடல் போல அடுத்த நாள் பள்ளி செல்லும் வழியில் தயாளன்,தினேஸ்,சுகுமார்,ராகுல் எல்லாறும் வீட்டில் வீசிய சூறாவளியை கடந்து இயல்பு வாழ்வுக்குத் திரும்பும் மக்கள் போல பள்ளிக்குள் நுழைந்தோம்.

 வீட்டில் நடந்த அறிவுறுத்தல் போர், ஆலோசனைக்கூட்டம், காதல் இல்லை இது காமம் ,குலப் பெருமை ,மதப்பெருமை ,குடும்பப் பெருமை, அண்ணாகடமை ,வீட்டுக்கடன் ,நம்பிக்கை நட்சத்திரம், வீட்டில் இருந்து கடைக்கு மாற்றம் என பட்டியல் இட்ட காதல் பல பிரச்சனைக்கு மூல காரணியான அஞ்சகம் அம்மாவும் அவ பெற்ற அடுத்த வாரிசு பிரகாஸ்சும். . யுத்தக்களத்தின் இழப்புக்களை பார்வையிட வருவார் அரச அதிகாரி போல என காத்திருந்தோம். வயிற்கதவு பூட்டியதும் கலைந்து போகும் மனுக்கொடுக்க !மந்திரியைப் பார்க்க வந்த வாக்குப் போட்டவர்கள் போல காதிருந்தும் பிரகாஸ் வரவில்லை. மக்கள் பணத்தை திவாலாக்கின சீட்டுக்கம்பனி அதிபர் போல தலைமறைவு . அதனால் அன்று தப்பி விட்டான் இல்லை என்றால் பங்கு மூலதனம் ஒதுக்கியது போல அவன் உடம்பில் ஒவ்வொருத்தரும் கைகள் ஒப்பம் இட்டு விளம்பரம்படுத்தி இருப்போம் .இனி மேல் எங்களுடன் உறவா இருக்க உனக்கு தகுதியில்லை என்று தப்பி விட்டான் பள்ளி வராமல். ஒவ்வொருத்தரும் வீட்டில் விழுந்த !ஆர்ச்சனைப்பூக்களை ஆளாளுக்கு மாலையாக கட்டிப் போட்டோம் வார்த்தைகள் கொண்டு. 

கலைந்து போக பள்ளி முடிந்த போது டியூசன் வகுப்புக்கு அறிவுச் சோலைக்கு வரவில்லை சுகுமார் .உணர்ச்சிக்கொதியில் இருந்தான் அலை போல




 . தனியாக ராகுல் அறிவுச் சோலைக்குப் போனான் ".வசந்தா டீச்சர் என்னதம்பி ஒற்றை மாடு வருகின்றது? வழமையாக இரட்டைமாட்டு வண்டி இல்லையோ ? 

இன்று ஒற்றைமாட்டு வண்டிதான் டீச்சர். இந்த மாட்டை யுத்தம் என்ற மூக்கனாங்கயிறு இல்லையோ அடக்கி வைச்சிருக்கு .அறுத்துட்டு ஓடாமல் . ஒற்றை மாடும் ஊரில் தண்ணீர் வண்டியும் இழுக்கும் ,ஊரில் குடும்ப திருவிழாவுக்கு ஊறவுகளையும் இழுத்துச் செல்லும் டீச்சர்.. அவன் குமரன் சேரிடம் போய்விட்டான் படிக்க.


 ஓ !அப்படியா ! "சரி நாங்க இன்று பாராளமன்றத்தில் பாதீடு பார்வை பற்றி பார்ப்போம். அதாங்க பட்ஜெட் என்று தொடங்கும் போது வந்தாள் அவள்




.முழுமதி நிலவாம் அன்னை ஹதீயா என்று நபிகள் நாயகம் வாழ்க்கை வரலாறு படித்த தமிழ் பாடத்தில் நிலவுக்கும் கறை உண்டு என்று சொல்லிவிட்டுப் போனவள் . அவள் பெயரைக்குகூட ஜாமீலா எழுதக்கூட மனதில் வன்மம் வருகின்றது .




 "மதம் ஒரு அபின் என்றார் லெனின் மதம் என்பது மனதை பண்படுத்தும் ஒரு விடயம் ஆனால் மதவாதிகள் இனவாதிகள் ஆனால் எப்படி நாடு இருக்கும் என்றால் இலங்கையை ஒரு உதாரணம் சொல்லுவான் ஐரோப்பிய குடிமகன். 


" மதம் என்ற கோடு ஒரு குடும்பம் போல இருந்த நண்பர்கள் நண்பிகளுக்கு கோடு போடமுடியுமா ?அண்ணா என்றும் பாய் என்றும் அன்போடு சொல்லிய உதடுகள் எல்லாம் பெய்யா ??என்ற தாத்தா போலஎன்று சொல்லிய விமலாவுக்கும் அயிசாவுக்கும் இடையில் நீ ஒரு முஸ்லிம் நான் ஒரு இந்து என்ற மதக்கோட்பாடு எவ்வாறு சிந்திக்காமல் சித்தாந்தம் ஆனது ?

உண்மையில் இதில் யார் யார் எல்லாம் பாதிக்கப்பட்டார்கள் என்று எத்தனை பேர் சிந்தித்தார்கள் ?? 


மதம் என்ற தீ முதலில் அறிவுச் சோலையில் பற்றியது. அது எப்படி நாட்டின் தேசிய நாளிதழ்களில் சந்தியில் நின்று திரிச்சு சிரித்தது என்று எத்தனை மாணவர்கள் அறிவார்கள்??


 சட்டம் இயற்றும் பாராளமன்றத்தில் இனவாத ஆட்சியில் இருந்த சிறுபான்மையின் தமிழ் இந்துக்களும் ,முஸ்லிம்களும் ஒத்துக் கொண்டு வாக்குப் போடும் போது தெரியவில்லை? மதக்கட்டுப்பாடு என்ன, நிர்வாக கட்டுப்பாடு என்ன என்று ? ஏன் வாக்கு போட வேண்டிய பெட்டியில் வந்த பணம் சொல்லவில்லையா இந்துத்துவவாதிக்கு பணம் ஒரு இலக்சுமி இந்துக்கடவுள் என்று? அதே நிலை பாய்க்குத் தெரியாத அராம் இது தப்பான வழியில் வந்த பணம் என்று ஏன் இவர்கள் சிந்திக்கவில்லை?

 மதவாதிகள் எப்படி எல்லாம் ஒரு அறிவு வளக்கும் இடங்களில் எல்லாம் கல்லும் ,காடைத்தணமும் செய்ய முடிந்தது அந்தளவு ஒரு மதவெறியா ? அந்த வெறியில் பலியானது எத்தனை முஸ்லிம் மாணவிகளின் பல்கலைக்கழகக் கனவு ,எத்தனை ரவிக்களின் அறிவிப்பாளர் கனவு ,கணக்காய்வாளர் கனவு ,வெளிக்கள ஆய்வாளர் கனவு எல்லாம் மதத்தீயில் மரித்துப் போன நிலை பேசமாட்டார்கள் பலர் . 


.நாட்டில் போர்க்கால நிலையில் சந்திரிக்கா ஆட்சியில் இனவாதிகள் செய்தது பாடசாலைக்குள்ளும் வெடிகுண்டு தேடி எடுத்தது. இதில் எந்தளவு அரசியல் பாதாள உலகம் இருந்தது என்று பலரும் ஜோசிப்பார்கள் ?ஆனால் பள்ளியின் பாதுகாப்புக்கு முன் எச்சரிக்கையாக பள்ளியின் வாயில் கதவில் சகல மாணவர் மாணவிகளும் கொண்டு வரும் புத்தக்கப்பை மற்றும் உடமைகள் சோதனை செய்ய வேண்டும் என்றும் உடல் சோதனை என்றும் பல இடங்களில் பாதுகாப்பு உஸ்தியோகத்தர்களை ஈடுபடுத்தியது .




அப்போது தான் பர்தா அணிந்தும் வெடிகுண்டு வரலாம் என்ற பிரச்சாரம் செய்தார்கள் இனவாதிகள் . வடக்கில் எத்தனை பள்ளிகள் மீதும் மதத்தலங்கள் மீதும் தாக்குதல்!நடத்தினார்கள் என்பதை தனிக்கை மூலம் மறைத்து விட்டு. சோதனை என்ற நிலையை இராணுவப் பகுதியில் நடைமுறைப் படுத்தினார்கள் .




.அப்போது பள்ளி நிர்வாகம் கூறியிருந்தது .பள்ளியின் உள்ளே வரும் போது பர்தா விலக்கிவிட்டு வாருங்கள் வெளி வாசலில் அணிந்து செல்லுங்கள் என்று .

 வெடிகுண்டு வீசும் அரசியலில் பாதுகாப்புக்கு முக்கியம் ஆன நிலையில் சில மதவெறியர்களின் பின் தூண்டலில் அறிவுச் சோலை கல்லூரியில் ஆரம்பித்தார்கள் இஸ்லாமிய மாணவிகள் தங்கள் மத அடையாளத்தை இந்து நிர்வாகம் சீண்டுகின்றது .அதுக்கு எதிராக பகிஸ்கரிப்பு என்று. அன்று தான் மதியம் தொடங்கிய நிலையில் அமைதியாக இருந்த அறிவிச் சோலைக்குள் மாலை வகுப்புக்கு ராகுல் நுழைந்தது.


 . அப்போது வசந்தா டீச்சர் மீது! இஸ்லாமிய மாணவி அவரிடம் மாலை வகுப்பு படித்த மாணவியின் வாயில் இருந்து வந்த வார்த்தைகள் மிகவும் நாகரிகம் அற்றது


 "நீங்க தான் தூண்டிவிடுகின்றீங்க இந்த பர்தா கழற்றணும் என்று" 


இத்தனைக்கும் அது பெண்கள் கல்லூரி மாலை வகுப்பில் ஒரு சில ஆண்கள் இந்துக்கள், முஸ்லிம்கள் படிக்க வருவது. மாலையில் பிரச்சனை இல்லையே அணிந்து தான் இருந்தார்கள் . அடுத்த நாள் முதல் இனி அறிவுச் சோலைக்குள் கால் வைக்க முடியாத நிலை வரும் என்று அன்று ராகுலுக்குத் தெரியவில்லை.




 இனிவரும் நாட்கள் படிப்பு கெட்டுப் போகும் என்று