உருகும் பிரெஞ்சுக்காதலி -32

ஈழத்தின் யுத்தம் என்ற சாபம் பலரையும் பல அவமானங்களுக்கும் ,அவலத்துக்கும் காரணியாக்கி இருக்கு .

இனவாத இராணுவத்தின் காமப்பசிக்கு இரையாகாமல் தப்பிச்சரி இருக்க தன் பெண்பிள்ளைகளை கண்கான தேசம் என்றாலும் சரி .நிம்மதியாக இருக்கட்டும் என்று வெளிநாட்டு மாப்பிள்ளைக்கு தங்கள் பெண் பிள்ளைகளை அனுப்பும் தாய் ,தந்தை தன் பிள்ளைகளிடம் அவசர உலகில் அவதானத்துடன் இருக்கணும் என்று சொல்லி அனுப்புவார்களா ?

இல்லை தங்கள் குடும்பத்து கெளரவத்தை நன்கு தெளிவு படுத்தி அனுப்புவார்களா?

மகள் வெளிநாடு போகப்போனவள் இடையில் என்ன நடந்தது என்று தெரியாது .என்று சொல்லிப் புலம்பும் ஒரு சில தாய் தந்தையருக்கு தன் மகளின் செயற்பாடு தங்கள் குடும்பத்தின் கெளரவத்தை சீர்குழைத்துவிட்டாள் என்பதை வெளிக்காட்ட முடியாமல் வெளிநாடு போனவள் தொடர்பில் இல்லை என்று முற்றுப்புள்ளியை ஊருக்குள் வைத்துவிட்டு .

பொதுவெளியில் இதயச்சுமையாக இறக்கி வைக்கமுடியாமல் தவிக்கும் குடும்பத்தின் கதைகள் பலது இருக்கு சொல்லப்படாத கதைகளாக .

இது கதையல்ல நிஜம் என்று பாலுமகேந்திரா போன்றவர்கள் இலக்கியத்தரத்தில் சின்னத்திரைப் பிரியர்களுகு பின் புலம் சேர்க்க வேண்டும் புலம்பெயர்ந்தவர்களின் குடும்பங்களின் மூடப்பட்ட நிஜமுகத்தை.

பெய்முகம் பூசி பவுடர் வாசணைத் திரவியம் கலந்து திரியும் நடிகை ஒழுக்கம் இல்லாதவள் என்று நாறு நாறாக கிழித்து துவைக்கும் ஊடகங்களில் நடிகை பணத்துக்காக விலைபோனால் விட்டுவிடுவோம் நம் சந்ததி ஏன் இப்படியானது?? . வீரமறவில் வந்த இனப் பெண்கள் ??

இப்படித்தான் சங்கவியும் மலேசியாவில் வெளிநாட்டு மாப்பிள்ளைக்கு சம்மதம் சொன்னவள் எப்படி மனசுமாறினால் ?லேலிதாண்டிய வெள்ளாடு போல ஆகிவிட்டாள் கரனுடன் .

"இருவரும் ஒன்றாக தங்கியிருந்த சிவதாஸ் வீட்டில் சேர்ந்து இருந்தபோது கிடைத்த தனிமையும் ,பொழுபோக்கு வசதியும் ,இருவரையும் இன்பம் பொங்கும் துள்ளுவதோ இளமைக் காலங்களில் இருவரும் இணைந்தன் விளைவு கர்பமாகிவிட்டாள் சங்கவி ."

என்றதை சிவதாஸ் குமாரிடம் சொல்லி குமார் என்னிடம் சொல்லிய போது என்னால் நம்ப முடியவில்லை இந்தச் செய்தியை!

எப்படி ஒரு பெண் இன்னொருவருக்கு வெளிநாட்டிம் ஆசையை ஊட்டிவிட்டு, வந்த வழியில் மலேசியாவில் ஊரில் பார்த்தவன் கூட கூடிக்குலாவ முடியும்??

புலம்பெயர் தேசத்தில் அந்த ஆண்மகனுக்கு எத்தனை அவமரியாதை ஆகியிருக்கும், தன் குடும்பத்தின் நிலையை எப்படி உணராமல் போனால் சங்கவி ?என என் சிந்தனை சிறைப்படுத்த நினைவுகள் அலைபாய்ந்து கொண்டிருந்து.

எப்ப என் பயணம் என்ற நிலையில் குமாரின் அழைப்புக்கு காத்திருந்தேன்!

தொடரும்...............

பிற்ச்சேர்க்கை -
அதன் பின் சிலவருடத்தில் நடந்த ஒன்று!
-சங்கவியும் ,கரணும் இருவருமாக ஐரோப்பாவில் அடைக்கலம் புகுந்து இன்பமாக வாழ்கின்றார்கள். சங்கவியின் தந்தை இந்த செய்தி அறிந்ததில் இதயவலி வந்து மரணமாகிவிட்டார்.

சங்கவியை ஐரோப்பாவுக்கு பயணமுகவர் மூலம் வரவைத்த மாப்பிள்ளையானவன் தனக்கு பேசினவள் இன்னொருத்தருடன் போன அவமானத்தோடும் ,தன் அதிக கடன்சுமையினால் இன்று சமுகத்தில் இருந்து ஒதுங்கி இருக்கின்றான்.நம்மவர் முன் வருவதில்லை இன்றுவரை .

தன்னைக்கண்டதும் வேறு பாதையில் சென்றுவிட்டார்கள் இந்த ஜோடி என்பதையும் என்னோடு பகிர்ந்திருந்தான்!ஜீவன்
!ஏன் இப்படி நம் சமூகம் சீரழிகின்றது ???