நிராகரிப்பின் நிலை !!!

இன்று காலையில் என்னைப்பார்த்தாய்,
ஓடும் ரயிலில் இன்னொருத்தியின் கணவனாக..!
என்னால் மறக்க முடியல உன்னை!
முடிக்கவில்லை படிப்பு, பாவி நீ ஏன் முன்னே வந்தாய்!
 கட்டில் சுகம் முக்கியம் என்று போனாயா மூதேவி!

நான்நிமிர்ந்து பார்த்தேன் அவள் முகத்தை,
 அலைகளைப் போல கோடுகள்
ஆசையாக அள்ளிப்பருக நினைத்த அந்த முகம் இது தானா..?
 ஆழியில் இட்ட உடல்போல உருக்குலைந்து பொலிவிழந்து..!

பிரெஞ்சு வைனைப்போல சுவைக்கத் துடித்த அந்த உதடுகள்!
 இன்று கலிங்கத்துபரனி பூமிபோல வெடித்துக்கிடக்கின்றது..
.புன்னகையில்லாது வேதனையில் வெடித்துக்கிடக்கின்றது!
 குற்றம் என்ன செய்தேன்?.. கேள்விகள் குத்திக்குதறியது.
 இதயத்தை வார்த்தையால்!

 கட்டில் சுகம்தான் முக்கியம் என்று காத்திருக்காமல்
 கைவிட்டிப் போனீயா மூதேவி..
 விடைசொல்லு இரக்கம் இல்லாதவனே!
வருகின்றது ரயில் வா ஏறிக்கொள்!
 முடியாது போய்விடு நீ!

 நான் போய்க்கொண்டுதான் இருக்கின்றேன்.
 வாழ்க்கையில் இன்னொருத்தியின் இதயம் நிறைந்த கணவனாக!

முன்னம் கோயில் போகும் போதெல்லாம்
 முன்னூறுதரம் மூச்சுவாங்கிப் பார்பேன்,!
 ஒரு வார்த்தை பேசமாட்டாயா!
 அபிராமி அந்ததியாக
.. அம்மா இவள் எனக்குவேண்டும். !!
என்ன தவம் செய்வேன்! இவளை அடைய!!
 ஏங்கியதும் உன்னையடைய உன் தாயின் சம்மதம் வாங்க.
 உன் வீடு வந்தேன், .விருப்புடன்.

 வா என்றாள் உன் அம்மா..
வந்த விடயம் .
கோடி சீதனம் வேண்டாம்.
கட்டிய புடவையுடன் கைபிடித்துத் தாங்கள்.
 காலம் எல்லாம் இராஜகுமாரி போல
கண்கலங்காமல் பார்ப்பேன் என்றேன்!

என்ஜினியர் படிக்கனும் என் மகள்
  சாட்டுச் சொன்னா!
சம்மதம் சொல்லுங்கோ.  காத்திருக்கின்றேன்..!!
 கண்டிப்பாக கதைக்கச் சொல்லுங்கோ,.
 காதலியை அம்மா ஆக்க மாட்டன் அவசரத்தில்!!
 அறுதியிட்டுச் சொன்னேன்.
 அது எல்லாம் கேட்டுக் கொண்டு .
அடுத்த அறையில் நீயிருந்தாய் .
என் இதயத்தில் அழியாத கோலமாக.

.
"இப்ப படிக்கட்டும் நீங்கள் அவளை கரைச்சல்
கொடுக்காமல் இருங்கோ.
 கதவு மூடவேண்டும்"
 முகத்தில் அறைந்தா
, வெளியில் வந்தேன்!

 விட்டுட்டுப் போன செருப்பை எடுக்க
 கதவருகில் வந்தேன்.
 காதில் கேட்டது.
குடிகாரன் மகன்.
 கொண்டு நடத்த மாட்டான் குடித்தனம்;
 விசா இல்லை வேண்டாம் இவன் சம்மந்தம்!.

சாய்ந்து போகவில்லை.. .
சன்னதியான் முடிவு தந்தான்!
 வதிவிட விசா வடிவில்.
 வந்து சேர்ந்தாள் மச்சாள் என்ற இல்லதரசி!

 இத்தனையும் சொன்னேன்.
  அவள் கொடுத்து வைக்கவில்லை.
 தங்கமான மச்சானை முடிந்து கொள்ள!
 எனக்கு தாலி கொடுத்தவள்.
 நல்லா இருக்கட்டும் என்று வேண்டுவாள்!
 வெள்ளி செவ்வாய்!

இப்போது வந்து இருக்கின்றாய்!!
 அம்மாவும் இல்லை, அன்பு செலுத்திய நானும் இல்லை.
 என்றாலும் ஒருவன் உனக்காக வருவான்,
 நீ நல்லா இருக்கோணும்!
 நான் காதலித்தவள்.
 முகத்தை கழுவிக்கொள்கின்றேன்.
 கண்ணீரையும் தான் .
கற்பூரம் ஏற்றனும் கடவுளுக்கு!

/////
மூதேவி- அதிகம் யாழ்ப்பாணாத்தவர் சாடும் சுடுசொல்!
சீதனம்-வரதட்சனை.
விசா- குடியிருக்க வழங்கும் பத்திரம்.