உத்தரத்தில் உதிர்த்தவனே! சரணம் ஐய்யப்பா!!!!

எனக்கு எப்போதும் நண்பர்கள் அதிகம்.  அதிலும் கொழும்பில் தொழில் நிமித்தம் இருந்த காலப்பகுதியில் அதிகமான நண்பர்களுடன் தங்க வேண்டிய வாடகை அறை வாழ்க்கை தனிமனித வாழ்வில் பல சுகங்களையும் சோகங்களையும் தந்து என்னை ஒரு முழுமனிதன் ஆக்க பெரும் பங்கு வகித்தது.

இந்த தலைநகர(கொலை) வாழ்க்கை ஒரு திருப்பு முனை கார்த்திக் படம் போல் நாட்டின் பல பலபகுதி நண்பர்கள் பாண்டிருப்பு முதல் மலையகம் ,வடக்கு என பலர் ஒன்றாக ஜாலியாக இருக்க வழிவகுத்தது.  தனிப்பதிவாளர்களை எல்லாம் இணைக்கும் திரட்டியான தமிழ்மணம் போல் எம்மையெல்லாம் அவ்வப்போது இணைந்தது ஐந்துலாம்புச் சந்தியில் இருந்து தொடங்கும் நகைக்கடை வீதியான செட்டியார் தெரு வரை..!

எப்போதும் வேலைகளுக்கிடையிலும் சின்னச் சின்ன சண்டைகள் குறுஞ்செய்திகள் என கலாய்த்தாலும், இரவு வேளையில் சாப்பாட்டுக்கு ஆட்டுப்பட்டித் தெருவிலும் ஜிந்துப்பிட்டி தியேட்டரிலும் ஒன்றுகூடி விடுவோம். சில நண்பர்களுடன் ஜிந்திப்பிட்டியில் இருக்கும் பிரபல மதுபானசாலையில் மல்லுக்கட்டி மைடியர் மார்த்தாண்டன் பட்டணம் போனார் என்பது போல் சட்டையை கிழிந்துக் கொண்டு இருக்கும் நண்பர்களை அடக்கிக் கொண்டு வந்து அறையில் தனிமைப்படுத்த வேண்டிய சுவாரசியங்களுக்கும் பஞ்சம் இருக்காது.

பண்டிகை நாட்களுக்கு அவர்களில் சிலர் அதிகமாக இரவு கண் விழித்து தங்க ஆபரண நகைகள் நெய்வார்கள். அப்போதெல்லாம் பேச்சுத்துணைக்கு அருகில் இருந்தும் கழிந்த நாட்கள் மீண்டும் வராத பொழுதுகள்..! பின்னிரவில் வானொலிகளுக்கு தொலைபேசியூடாக பாடல் கேட்டும், சுவையான ஊர் விடயங்களையும் நாட்டு அரசியல் சூழலை நையாண்டி செய்தும் வேலைப்பளுவை குறைக்கும் வழிவகையில் அவர்களுக்கு உதவியாக என் வேலை முடிந்த பின் நானும் சேர்ந்து இருந்தேன்.

இவர்களின் இப்படியான ஜாலியான ஆட்டம் எல்லாம் ஜனவரி இறுதி வாரத்தில் இருந்து ஐப்பசி மாதம் மட்டும்தான். கார்த்திகை முதல் தேதி முதல் இவர்கள் ஆன்மீகப் பக்கம் திரும்பி விடுவார்கள். முற்றிலும் புதிய மாற்றங்கள் அதுவரை..
ஸ்டார் ஹோட்டலிலும் ஆட்டுப்பட்டித் தெருக் கடைகளிலும் அசைவச் சாப்பாட்டை நிரந்தரம் என்று புதிய பதிவாளர்களின் பதிவுகளைப்படிக்காத மூத்த பதிவாளர்கள் போல் இருப்பவர்கள், திடீர் என்று ஞானோதயம் வந்து குழுவாக இருக்கும் புதியவர்களை தேடிச் செல்பவர்கள் போல அன்னபூரணாவின் வாடிக்கையாளராகிவிடுவார்கள். வானொலிகளில் பல்சுவைக்கதம்பத்தை கேட்பவர்கள் பக்திக் கமலப்பாடல்களை நாடிச் செல்வார்கள். பத்திரிக்கை தலைப்பு மறந்து போகும் அவர்களிடம் இருந்து..

கற்ற இந்த நட்புப்படலம் நானும் ஆன்மீகப்பக்கம் சென்று, ஐயப்பன் பக்தன் ஆனேன். ஆண்டுதோறும் நம் நண்பர்கள் சூழ சபரிமலையானைச் தரிசிக்கின்றோம்.

இன்று பங்குனி உத்தரம் கலியுகத்தின் கண்கண்ட தெய்வமாம் ஐய்யப்பன் அவதரித்த நாள். ஐயப்பன் கோவில்களில் சாஸ்தாவுக்கு 18 வகை பலகாரங்கள் வைத்து படையல் நடக்கும் பகவானின் பாடல் ஒன்றை இன்று கேட்போம்-பஜனையில் இந்த சின்னவன் விரும்பிப் பாடு பாடல் இது