மலையகத்தில் முகம் தொலைத்தவன்---53

கிராமங்களில் இருக்கும் இயல்பை .நகரத்தில் காணுவது மிகவும் கடினம் .

இப்படியான இயற்கைத்தாய் வாழும் கிராமம்  .எல்லாம் யுத்த அரங்கில் கிழித்தெறியப்பட்ட மேடைகளைப்போலகாட்சி கொடுத்தது எங்கள் கிராமம் !

அதிகமானவர்கள் கூட்டுக்குடும்பங்களாக வாழ்ந்த பூமி. குட்டி போட்ட வாழையைப்போல பிரித்து எடுக்கப்பட்டு பல திக்கில் .

பலர் வன்னியில் அப்படி இருந்தும் பாட்டி வீட்டை இழந்து வேற வீட்டில் இருந்தா !

மூன்று தலைமுறையாக வாழ்ந்த வீடு கல்லும் மண்ணும் கலந்து கட்டினாலும் அதில் பேரம்பலத்தாரின் கண்ணீரும் வியர்வையும் முக்கியமாக  கட்டிய மனைவியை ஊரில் விட்டுட்டு பலமைல் தூரம் போய் வியாபாரம் செய்து சேர்த்த பணம் .

.அந்தப்பணம் இருந்தும் அகதியாக வாழ்ந்து கொண்டிருக்கும்  ஈழத்துக் கணவன்களுக்குத் தான் புரியும் கட்டிய மனைவியைப் பிரிந்து வாழும் வலிகள்!

  இதைப்போல பொருள் ஈட்டச்சென்று இருக்கும் வெளிநாட்டுக் கணவன்கள் தவிப்புக்கள் போல  செல்லன் மாமாவும் இருந்தார் பல காலம் இந்த வீட்டில் சரோஜா மாமியைப் விட்டுப் பிரிந்து பதுளையில்.இரண்டாவது தலைமுறையாக

 மூன்று தலைமுறையின்  சுகதுக்கங்கள் கண்ட எங்கள் வீடு

.குண்டு போட்டு அழித்ததால் அடியோடு பெயர்க்கப்பட்டு அத்திவாரம் மட்டும் இருந்திச்சு .

அதைப் பார்த்தவர்கள் இன்றுவரை அந்த பங்கஜம் பாட்டியும் ,செல்வம் மாமா மற்றும் ராகுலும் தான் .அந்தக்குடும்பத்தில் !

மற்றவர்கள் மறந்தும் ஊருக்குப் போகவில்லை ,இடம்பெயர்ந்தும் ,புலம் பெயர்ந்தும் விட்டதால்!

 பாட்டி ஓடிவரும் போது பேர்த்திமாருக்கு என சேர்த்து வைத்த நகைகள் எல்லாம் கொண்டுவர முடியாத நிலையில் .

தங்கமணிமாமாவின் மகள்களுக்கும் செல்வன் மாமாவின் மகளுக்கும் அனோமாயை அந்தப்பாட்டி அகிலா என்று தான் அப்போது அழைத்து வந்தா .

.எப்போதும் ஒருநாள் ஊர் கோயில் தேருக்கு  வருவினம் என்ற ஆசையில் சேர்த்து வைத்த பல ஜோடிக்காப்பு ,மல்லிகை மொட்டுச் சங்கிலிகள் ,அட்டியல்கள் ,காதணிகள் எல்லாம்  செம்பில் செய்த தூக்குச்சட்டியில் போட்டு .

அதனை ஒரு தண்ணி அள்ளும் வாளியில் போட்டு .

அதை ஒரு சாக்கினில் போட்டு .

சாக்கினுல் வளவுக்கு மதில் கட்ட வைத்திருந்த அரிகல் உள்ளே போட்டு .

எல்லாத்தையும் போட்டு வைத்த இடம் தான் .

சின்னவர்கள் முதல் பெரியவர்கள் எல்லாரையும் தன் ஊற்றினால் .

ஊத்தை போக்கிய கிணற்றில்.


இலங்கையில் வடக்கில் இருக்கும் தீவுகள் கிணறுகள் ஆய்வு செய்தால் பலது உப்புத்தண்ணீரும் நல்ல தண்ணீரும் தான் இருக்கும் .

சிலது ஆழம் அதிகம் நிலாவரைக்கிணறு   போல!

 எங்கள் ஊர் கிணற்றுக்கும் சில வழக்குகளும் ,மோதல்களும் வழிவழியாக நடந்து வந்தது .

அப்போது எங்கள் ஊரில் ஒரு தீர்ப்புச்சொல்லியவர் தியாகி திலீபன்.

 .வரலாற்றில் விலக்குத் தீர்த்தவர் வரலாறு நேர்மையில்'  எழுதும் எழுத்தாளர்கள் எழுதினால் .

அதில் ஒரு புள்ளியாக  எங்கள் ஊர் கிணறு எப்போதும் இருக்கும் .

அதை நேர்மையில் எழுதனும். நடுவன் அரசுக்கு வாக்காளத்து வாங்க  வரலாற்றை  மாற்றி எழுதும்  விஸ்ணுபுரத்தவர் போல இருக்கக்கூடாது !

முழுச்சோற்றில் பூசனிக்காயைப் புதைக்க நினைத்தாலும் !

முகம் தெரிந்தவர்கள் மறந்து போவார்கள் என்று எண்ணுவது செவிலிக்கதை வாழும் காலத்திலும் பலர் பேரன்களாக வந்தவர்கள் ,பார்த்தவர்கள் ,வளர்ந்தவர்கள் பிற் காலத்தில் நாகரிக வளர்ச்சியில் இணையத்திலும் கிறுக்குவார்கள் என்பதைப் போலத்தான்

. அப்படித்தான் ராகுலும் சின்னத்தாத்தாவும் பங்கஜம் பாட்டியின் சொத்தை எல்லாம் வீட்டுக்கிணற்றில் போட்டுவிட்டு.

 அதற்கு மேல் மாட்டுக்கொட்டகையில் கிடந்த  உரிக்காத தேங்காய் எல்லாம் போட்டுவிட்டு காத்திருந்தோம்

!.நேவிக்காரன் வெளிக்கிட்ட போது!

அதன் மேல் பூவரசம் சருகையும் ,தென்னோலையையும் போட்டு விட்டு ஓடிவந்தோம்

 அது ரகசியம் மூவருக்குத் தான் தெரியும் கிணற்றைப்பார்க்கும் வெளியிடத்தவர்கள் பாழடைந்த கிணறு என்று விட்டு விடுவார்கள் .

வீட்டில் இருக்கும்  பொருட்ளை  சூறையாடும் கூட்டங்கள் .எரிகிறவீட்டில் பிடுங்குவது இலாபம் !!என எடுத்துக்கொண்டு போவோர் .

கிணற்றைத் தோண்டமாட்டார்கள் என்று பங்கஜம் பாட்டி கணித்து இருந்தா .

தான் நெல்லுவித்தும் ,ஆடுகள் ,மாடுகள் வித்துக் கஸ்ரப்பட்டுச் சேர்த்த காசில் தன் பேர்த்திகளுக்குச் செய்த நகைகள் களவு போகாது .

எங்கள் குலதெய்வம் அம்மன் காக்கும் என்ற ஆதங்கத்தோடுதான் முதல்நாள் இரவு கிணற்றுக்குள் போட்டுவிட்டோம் .

ஒவ்வொரு திக்கில் யாராவது உயிரோடு இருந்தால்!

 இதை மறக்க வேண்டாம்  என்றுதான் பங்கஜம் பாட்டி பேரன் ராகுலையும் இதில் ஞாபகம் இருக்கட்டும் என்று சொல்லி வைத்ததை .

பதுளை வந்து சென்ற சின்னத்தாத்தா சொல்லியது செல்லன் மாமாவுக்கு .

.அதனை எடுத்துக் கொண்டு வரவழி தெரியாது நின்ற போதுதான் ! பாட்டி மறந்து போயிருக்கலாம்

சந்திரிக்கா அரசில் பலர் வன்னியில் இருந்து ஊருக்கு விரும்பினால் போகலாம் என்ற நிலையில் .

முத்தாச்சிப்பாட்டி வெளிக்கிட்டதை  சாட்டாக வைத்து.பாட்டி மறந்து போயிருக்கலாம் என்றுதான் செல்லன் மாமா ஓம் என்றது. அதன் பின்புதான்

 மூவரும் ஊருக்குப் போனது .போனகாரியம் தெய்வ அருளினால் ஒன்றும் களவு போகவில்லை .

போட்டது சில வருடம் என்றாலும் யாரும் கிணற்றுக்குள் பார்க்கவில்லை .

ராகுல் நீந்தும் அளவுக்கு ஆற்றில் பழகியிருந்த படியால் .செல்லன் மாமாவோடு இறங்கித் தேடியதில் கிடைத்தது. நகைகள்  .

அதை  பாட்டி செல்லன் மாமாவிடமே எல்லாத்தையும் இரவு கொடுத்தா .

அடுத்த நாள் அங்கிருந்து பாட்டியைப் பிரிந்து வர இருந்த. முதல்நாள் இரவின்  போதுதான் .!

பாட்டியிடம் செல்லன் மாமா சொன்னது எல்லாம் கேட்டுக்கொண்டிருந்தான் ராகுல்.

 புலம்பெயர்ந்து போன  செல்வன் மாமா மகள் அனோமா ராகுலுக்குப் போட்ட கடிதங்களையும் , விளம்பர தபால்   அட்டைகளையும் அவனிடம் கொடுக்கவில்லை என்றும்.

 படிக்கின்றவயதில் அவன் போக்கில் விடமுடியாது மச்சான் என்னிடம் பொறுப்புத் தந்தவர் என்று சொல்லிய போதுதான் தெரியும் .

தன் அறியாமையால் மீண்டும் அனோமாவைப் பற்றி தவறாக எண்ணி விட்டோமே! என்று.

 எப்படியும் அனோமாவை பாட்டியோடு சேர்க்க வழி கிடைக்கும்

 என்ற நினைவில் உறங்கியவனை !
.

அதிகாலையில் எழுப்பிவிட்டா பங்கஜம் பாட்டி . எழுப்பியதும்  சொல்லியது தான் கோப்பியைவிட சுட்டது வாயில் இல்லை மனசில்!

..தொடரும்!

/////////////////////////////////
 நிலாவரை கிணறு -யாழ்ப்பாணத்தில் பிரபல்யமான கிணறு!