மலையகத்தில் முகம் தொலைத்தவன்!---61

நாட்களும் நகர்கின்ற வேகத்திற்கு வாழ்க்கைச் சக்கரம் ஈடுகொடுக்க  வேண்டும் என்பதைச் சொல்லிக்கொண்டது .

சாதாரண தரப்பரீட்சையும்  1996 நெருங்கிவிட்டது .எல்லாரும் விழுந்து விழுந்து படித்த போது பரீட்சை எழுத வேண்டிய நகுலேஸ் .

வனிதாவின் வாலிப விளையாட்டுக்கு வினையாகிப் போனதன் விளைவாக  அவளைத் தேடி ஆட்டோவில்  அவள் இருக்கும் கிராமத்திற்குப் போகும் போது போதையில் ஓட்டிய ஆட்டோ நண்பன் பிரட்டிவிட்டான் வாழ்க்கைப்பாதையையும்.

 இருவரும் இனியும் பிழைப்பார்களா என்ற நிலையில்  வைத்தியசாலையில் சேர்த்தார்கள் வழிப்போக்கர்கள் .

விடயம் கேள்விப்பட்டு பரீட்சை நேரத்திலும் போனான் ராகுல் !

விழிகள் மட்டும் இயங்க வார்த்தை இயக்கம் இல்லாது அவன் கிடந்த நிலையை கண்ட போது.

 வனிதா மீது அதீத வெறுப்பு வந்தது ராகுலுக்கு .

தாய் அருகில் இருந்து அழுதுவடிக்கும் போது மனதில் குற்ற உணர்வு .

"தம்பி நீங்க எல்லாம் அவனுக்கு சொல்லியிருக்கலாமே பரீட்சை நேரம் நல்லாப் படியடா என்று  "நீங்கள் எல்லாரும் நண்பர்கள் என்று நம்பித்தானே விட்டுட்டு நான் கிராமத்தில் இருந்தேன் "

நகரில் இவன் படிக்கின்றான் என்று .

ஆனால் நான் கேள்விப்படும்  செய்தி எல்லாம் .என்ற பிள்ளையை தனியாவிட்டது தவறு என்று புரியுது.

என்  தம்பியுடன் இருந்து படிக்க விட்டால் இவன் இப்படிக் குட்டிச் சுவராகி இந்தப் படுக்கையில் வந்து கிடக்கின்றான் .என்று நகுலேஸ் அம்மா அழுதபோது மனம் அழுதது நிஜம் .

அவனுக்காக பரீட்சையும் எழுதாமல் அந்த ஆட்டக்காரி பின்னால் போய் இப்போது ஆட்டம் அசைவு எல்லாம் அடிபட்டு கட்டிலில் கிடக்கின்றானே என்று எண்ணியது..

பரீட்சை நேரம் என்று யாருமே அவனிடம் வரவில்லை. ராகுலும். அவனோடு சங்கரும்.  தான் நண்பர்கள் பட்டியலில் முதலில் போனது .

பரீட்சையும் முடிய நகுலேஸ் கொஞ்சம்!தெளிவு பெற்றான் .

விழிகள் கண்ணீர்ப்பூக்கள் சிந்தியது .மேத்தாவின் பக்கம் பார்த்துப் பேசுகின்றேன் போல அவனும் சொன்னான்

"மச்சான் உன்னைப்புரிஞ்சுக்க மறந்திட்டன் .எத்தனையோ பேர் என்னோட இருந்தாங்க .அமைச்சர் பதவியில் இருக்கும் போது ஆயிரம் பேருடன் இருப்பது போல "

இப்ப பதவி போனபின் விட்டம் பார்க்கும்  நிலை! ஆனால் உங்க ரெண்டு பேரையும் நான் கணக்கு எடுக்காமல் இருந்தன் இப்ப புரியுதுடா யாரு உண்மையான நண்பன் என்று. அவன் கலங்கியபோது !சங்கர் சொன்னான்

"யாரு யாரைத்தான் ஒழுங்க புரிஞ்சுக்கொள்ளுறாங்க .

காசு இருந்தால் கூட்டம் சேரும் .ஆனால் அன்பு நெஞ்சில் இருந்து வரணும் "

நீ யோசிக்காத அடுத்த வருசம் பரீட்சை எழுதலாம் உன்னால் முடியும் மச்சான் நாங்க இருக்கின்றோம் .

அவனுக்கு அப்போது ஊண்டி நடக்க ஒரு கம்பு தேவையாக இருந்திச்சு.ஆஸ்பத்தியில்  .ஊன்றுகோலாக நல்ல நட்பு இருவர் அவனுக்கு

! அதிகாலை ,மாலை என போய் வந்த போது .நகுலேஸ் வாசிக்க கொடுத்தான் ராகுல் வைகரைமேகங்கள்,காவி நிறத்தில் ஒரு காதல் என தெளிவு பெற்றான் நகுலேஸ் .

"நீ இன்னும் இதை விடலயா வாசிக்கின்றதை.?

 எப்படிடா மச்சான் வாசிப்பு  என் நேசிப்பு !

உன்னைப்பிரிந்து இருக்க முடிந்த   எனக்கு வாசிக்காமல் இருக்க முடியல .

அப்ப இப்போதும் கவிதை எழுதுறீயா ?

ஆமாடா மச்சான் .

இந்த வாரம் இ.ஒலிபரப்புக்கூட்டுத்தாபனத்தில் கவிதைக்கலசத்தில் அடுக்கடுக்கா என கவிதை வருகின்றது .,மலையகசேவை குன்றில் குரல் ,புதுசாக சிந்தாமணி என காற்றிலும் காகிதத்திலும் வருகின்றது என் பெயர்.

 ஆனால் முகவரி மாற்றத்தில் .புனைபெயரில் இருந்து .

என்ன உன்னோட மட்டும்  என் சந்தோஸத்தைப் பகிர்கின்றேன் .

"இங்கு மழை பொழிகின்றது வானத்தில் இருந்து
நீராக அல்ல
வன்னியில் செல்லாக !"

அங்கிட்டு கொஞ்சம்  எழுதியதை மறந்திட்டன் .முன்னர்  நாட்குறிப்பில் எழுதிவைப்பேன் .இப்ப அதுவும் இல்லை மச்சான் .

இந்த கவிதையை வாசித்தவரும் நம்ம ஊர்க்காரர் .

அவர் ஊர்க்காற்று என்றால் நான் ஒரு கூடைக்கொழுந்து அவரும் ஒரு கவிஞர் நகுலேஸ்!

மச்சான்   வெளியால சொல்லாத .

பிறகு காதல் கவிதையோ என்று நக்கல் வரும் !

 சொல்ல மறந்திட்டன் உனக்கு வெளிக்காயம் அதிகம் .எனக்கு உள்காயம் அதிகம்.

 சங்கீத டீச்சர் எப்ப  பொய்முகத்தை கிழிப்பாங்கலோ அந்த பிள்ளைகள் இடம் என்று பயமா இருக்கு .

என்னாச்சு ராகுல்?

 இல்ல புதுசா பாட்டு எழுத்திப்பார்த்தன் கவிதை வரும் கட்டுரை வரும் என்பதால் பாட்டு  வருதா என்று .

பாட்டில் காதல் வார்த்தைகள் அதிகம் சேர்த்தேன் .பள்ளிக்கூடம் போகும் போது வீட்டில் மறந்து போய் கொப்பியை வைத்தேனா .அது செல்லன் மாமா கைக்குப் போய் விட்டது.

 மருமகன் காதல் பட்டம் விடுகின்றான் உங்க எரியாப்பக்கம் .

சங்கீதம் பரீட்சைக்கு படிக்கவாரன்  என்றுவிட்டு  இப்படிச் செய்யிறான் .

இந்தாங்க உங்க சங்கீதம் படிக்கும்  கொப்பி  எப்படி எழுதியிருக்கின்றான் .

நான் சொன்னால் துரைக்கு சுடும் .

இப்ப நீங்களே வகுப்புக்கு வீட்டை  வரும் போது வீட்டில்  விசாரியுங்கோ !

படிக்க இங்க அனுப்பிவிட்டு தகப்பன் தாய் வன்னியில்  இருக்க .இவன் நாட்டுநிலமை,வீட்டு நிலமை தெரியாமல் செய்யிற வேலையை நினைச்சா பெலிட்டால் அடித்தாலும் திருந்தா ஜென்மாக இருக்கு.

 பெட்டையள் முன்னுக்கு கிழியுங்கோ அப்ப சரி ரோஸம் வருதா என்று பார்ப்போம் .

என்று நம்ம சங்கீத டீச்சரிடம் மாட்டிவிட்டு இருக்கின்றார் .கடையில் வைத்து .

நம்ம டீச்சர் எங்க கடையில் தானே பலசரக்குச் சாமான் வேண்டுவா அதைக்கட்டுவது கூட நான் தானே மச்சான் .

 டீச்சர் வீட்டில் படிக்க வரும் மகளிர்கள் பாடசாலை பிள்ளைகள் ஏற்கனவே அதுகள் எல்லாம் சங்கீதக் குயில்கள் .

நானோ ஒரு காகம் .இன்னொரு காகம்  நம்ம அவண்டா நம்ம தெனாலி.

இருவரும் அந்த தொங்களுக்கு நடந்தே போய் வாரம் .

இந்த பகிஸ்கரிப்பு வராவிட்டால் நானும் சித்திரமோ,இல்லை ,விவசாய விஞ்ஞானமோ படித்திருப்பேன் .

ஆவலில் ஆசையில் போய் இப்ப .சீ ஏண்டா என்று எனக்கே இருக்குடா நகுலேஸ். !

வீட்டில் சாப்பாட்டு மேசையில் ஏதோ தப்பான வழியில் போறன் என்று ஒரே குத்திக்காட்டு .

"நல்லாச் சாப்பிட்டு நல்லா எழுது இந்த வீட்டிலும் குமரிகள் இருக்கினம் என்று தெரியாமல் தடிமாடு போல வளர்ந்தாலும் மூளை வளரவில்லை "

காதல் பாட்டு எழுதுறவிட்டுட்டுப் போய் பாக்கு வெட்டு.இனி புத்தகம் ஏதாவது வீட்ட வரட்டும் நெருப்பில் போடுறன் சரோஜா மாமி திட்டிறது பிடிக்கல மச்சான்! "

"மாமிமாரே இப்படித்தாண்டா.இதுக்கு ஏண்டா ?நீ முகத்தை தொங்கப்போடுறாய். என்ன காதல்கடிதம் எழுதியா கொடுத்தாய் இல்லையே பாட்டுத்தானே!

 ஏண்டா உங்கமாமா இப்படி இருக்கின்றார்,? "

அவர் பாவம்  என்னைப்படிப்பிக்கணும் என் கவனம் வேற பக்கம் சிதறிவிடும் என்று பயம் அதுதான் .

"நீ விட்டுக்கொடுக்க மாட்டாயே உன் மாமாவை" ஆமா அழகான மச்சாள் இல்லையா அவங்க மகள் .உன் முறைப்பொண்ணு!

 "இல்லடா அவள் எங்க தேவதை .

தேவதையை ரசிக்கலாம் வாழ்க்கையாக்க முடியாது ."

நம்ம ரெண்டு பேருமே ஒன்றாக சண்டைபோடுவம் ஆனால் அப்படி ஒரு நினைப்பு வராதுடா !

யார் என்ன சொன்னாலும் மச்சான் நீ நல்லா வருவாய். நான் சொல்லுறன் .என் நண்பன்  ராகுல் என்று.

 நகுலேஸ்சிடம் அதிகம் பிடிப்தே தகமை இருந்தால் தட்டிக்கொடுக்கும் தண்மை!

மனம்விட்டு அவனோடு பேசலாம் பேச்சுத்துணைக்கு அவனுக்கு ஆஸ்பத்திரியில் யாரும் இல்லாத குறை போய்விடும்!
/
தொடரும்....

நக்கல்/ நையாண்டி...
பெட்டை- மங்கை
ஒரு கூடைக்கொழுந்து -- மலையக இலக்கியத் தொகுப்பு நூலாக வந்தது துரை வி பதிப்பகம்-கண்டி.