மலையகத்தில் முகம் தொலைந்தவன்....67

பள்ளியில் வரும் பாவைகளின் பார்வையில் பகிடிவதை என்று தொடங்கிய !பயணம் இதயத்தேடலில் நீ என் இதயக்கமலம் என்று இறங்கிவிட்டான் தயாளன் .

இவன் குடுமபத்தில் ஒரே ஆண்மகன் தாய் ,தந்தை அரச உத்தியோகம் .வேண்டாம் .இந்த உறவு என்று சொல்லியும் கேட்காதவன் ..

பள்ளிக்கூடக் காதல் படலை வரைக்கும் என்று சொல்லும் குமரன் சாரின் வார்த்தையை .

இல்லை சேர் இவளை அடைய நான் எந்த உறவையும் கடந்து போவேன் கைபிடிக்க என்று செயலில் பின் நாட்களில் செய்து காட்டியவன் .

ராகுலுக்கும் இவனுக்கும் நட்பு இரு தலைக் கொள்ளியாக இருக்க இந்த உயர்தரத்தில் வந்த விமலா ஒரு காரணம் .

விமலாவின் அண்ணாவும் இதே பாடசாலையில் முன்னர் படித்தவன்.

ஆரம்பத்தில் இவன் தான் பாடசாலையில் பாண்டு வாத்தியக்குழுவுக்குத்
தலைவன் .இந்தக்குழுவில் ராகுலும் இருந்தான் .அதனால் கொஞ்சம் நட்பு தமையனுடன் .

ஆனால் தங்கச்சி மீது ஏனோ ஒரு அக்கினிப் பார்வைதான்!

சுகுமார் சுண்டியிழுக்கும் அயிசாவிடம் சுருண்டு விட்டான் ..

அயிசா இவனை நிமிர்ந்து பார்க்க மாட்டாள் என்ற எண்ணத்தில் இருந்த ராகுலுக்கு.

கொடுத்தால் சாக்லேட் .இல்லை எனக்கும் இவரைப் பிடித்து இருக்கு என்று.

உண்மையில் இவள் மன்னாரில் இருந்து இடம் பெயர்ந்து வந்தவள் பதுளைக்கு .

காலத்துயரம் இவளை 9 வயதில் யாழில் இருந்து ஒரே இரவுக்குள் வெளியேறச் சொன்ன போது!

மன்னாரில் அடைக்கலம் ஆகியவர்கள். இவள் குடும்பத்தவர்கள் அங்கே படிப்புச்சூழல் சீர் இலாத காரணத்தால் பதுளை வந்தவள். .

ராகுலுக்கும் இவளுக்கும் எப்போதும் எதிர்க்கட்சி உறவு. ஆனால் பொதுக்கொள்கையில் இனையும் கூட்டணி போல சேர்ந்தது நண்பன் நட்புக்கு.

சுகுமாருக்கு பல தடவை வேண்டாம் வேண்டாம் இந்த உறவு என்று மாமியார் வீட்டுப் பேச்சுவார்தைக்கு ராகுல் தான் தலைவர் .

இதயம் பேசும் போது இடையில் வெட்டி விடுவது முதலில் நல்ல புத்தி சொல்லும் நட்பைத்தானே!

எப்படி சொல்லியும் கேட்கும் நிலையில் சுகுமார் இல்லை .காதலுக்கு மரியாதை செய்யடா என்ற நிலையில் இருந்தான் .

அவனைப் பிரிந்து தனித்துப் போகமுடியாது. காரணம் சுகுமாரும் ,ராகுலும் டியூஸன் போவது சுகுமாரின் மச்சாள் முறையான வசந்தா ஆசிரியையிடம்.!

அதற்கு முன் சுகுமாருக்கும், ராகுலுக்கும் நட்பு 6 வருடங்கள் .ஆனால் இரு வாரம் வந்த அயிசா அவனோடு அதிகம் பேசுவது பிடிக்காது ராகுலுக்கு .

சுகுமார் பலதடவை சொல்லுவான் என் காதலுக்கு நீ வில்லன் ரகுவரன்டா!சிரிச்சு சிரிச்சு சதி செய்வதில் என்று ! 14 வருடம் இதையே சொல்லுகின்றான் அவனின் நண்பர்களிடம் ராகுலைப்பற்றி!இன்றும்!

உண்மையில் நான் வில்லனா ?ஏன் புரிந்து கொள்ளவில்லை அன்று ராகுலை.சுகுமார்

.அன்றைய தினம் ராகுல் சொன்னபோது .யதார்த்தத்தை .

நாட்டில் ஒரு பக்கத்தில் போர் முடியாமல் நீள்கின்றது. ஆனால் படிக்க வந்த இடத்தில் பாதை மாறும் இருவரையும் எப்படி காதலே நிம்மதி என்று காதலுக்கு மரியாதை செய்வது ?

சுகுமார் தாய் ஒரு யாழ்ப்பாணம் பின் புலம் தந்தை மலையகம் பின் புலம் .வீட்டில் அவன் கடைசி என்பதால் செல்லம் அதிகம்.

அவர்கள் இருப்பது தூர இடத்தில் .ஆனால் மாமி முறை வீட்டில் இருந்து பதுளையில் படித்துவரும் சுகுமாருக்கும் ராகுலுக்கும் ஒரே இடத்தில் வீடு .

தினமும் அவனோடு ஒன்றாக பல கதைகள் பேசிக்கொண்டு பள்ளி செல்லும் நண்பர்கள் .

அயிசா ஒரு இஸ்லாமிய மங்கை. அவள் குடும்பத்தில் 7 பெண்பிள்ளைகள் .இவள் 5வது பெண் .இவளுக்குப் பின் இரு தங்கைகள் .

இவர்களுக்கு எல்லாம் வழிகாட்ட வேண்டிய மூத்தவள் அயிசா .காதல் வேதம் ஓத

 இது என்ன சினிமாவா ஊரைவிட்டுப் போய் பம்பாயில் சேர்ந்து வாழ?

விழித்துக்கொல்லுமே மதவாதம்!

அயிசா 15 மைல் தூரம் பஸ்சில் கடந்து பட்டணம் வந்து படிக்கும் மாணவி.

.பெற்றவர்கள் எத்தனை கனவோடு இருப்பார்கள் .இதை எல்லாம் சொன்னான் ராகுல் அயிசாவுக்கு முதலில் .

சொல்ல வந்த விடத்தைப் புரியாமல் சொல்வது தவறு என்று உள்குத்துப் போடும் பதிவாளர் போல அயிசாவும் போட்டாள் ராகுல் ஒரு பிற்போக்குவாதி சுகுமார்!

" இவணுங்கள் ஊரைத் தாண்டி வந்தாலும் செம்பு தூக்குவாங்க.

செப்புப்படலம் படிக்கும் இவன் ஒரு வம்பன்.

கம்பன் படிக்கும் பாடத்தில் கூட சீதை கட்டினவன் கூடப் போவது சரி ஏன் இலக்குவன் மனைவி ஊர்மிளா ஊர் தாண்டவில்லை என்று உப்புச்சப்பில்லாமல் தமிழ் பாடத்தில் கேட்கும் அறிவில்லாதவன் "
என்ற போது தான் ராகுல் உணர்ந்து கொண்டான் .

வர்த்தகத்தில் தமிழ்படிக்கும் ஆண்கள் ஸப்த ஸ்வரங்களில் ராகுலும் ஒரு ஆரோகணம் என்று இருப்பவனை இழித்துப் பேசுகின்றாள். தமிழ்ப்பாடத்தின் நேரத்தில் பொழுது போக்க புவியியல் பாடம் எடுக்கும் சுகுமாரிடம் என்று .

என்றாலும் அறிவில்லாதவன் என்பதைப் பிரித்தால் .அறிவில் +ஆதவன்= அதாவது அறிவில் சூரியன் என்று வரும் டீச்சர்.

டீச்சர் சொல்லுங்கோ முன்னுக்கு இருப்பவர்கள் முகம் பார்த்துச் சொல்லட்டும் பின்னுக்கு இருப்பவனுக்கு ..

"எனக்கு திருவிழாவில் ஒரு தெருப்பாடகன் தான் தெரியும். அவளுக்குப் பெயர் நிலா என்றும் வேதம் புதிது என்றும் ஓத நான் கலிங்கத்துப்பரணி பாடும் பூமியில் நாடற்றவன் கதை படித்த மரணங்கள் மலிந்த பூமியில் வாழ்ந்த உயரப்பறக்கும் காகங்கள் எல்லாம் முகாரி தான் பாடும் .
காதல் கோட்டை கட்ட என்ன நான் யதார்த்தம் புரியாதவனோ தேவாயானியே தேவையா இது என்று."

உன்னோடு தமிழ்ப்பாடம் முடிய கதைக்கின்றன் .ராகுல். படத்திற்கு விளக்கம் கேட்டால் நீ அயிசாவோடு சண்டையா என்ற தமிழ் ஆசிரியர் திருமதி இந்திரன் யாழ்ப்பாணம் பூர்வீகம்.

இந்த உயர்தரத்தில் தமிழ் சிறப்புப் பாடம் ராகுல் எடுக்க அவாதான் காரனம். கடையில் சாமான் வாங்குவா ,பல கதைப்புத்தகம் படிக்க அவாவின் அறிவுறுத்தல் முக்கியம்.

ராகுல் கவிதை எழுத உந்து சக்தியே அந்த ஆசிரியர் என்பதால் ராகுல் எப்போதும் தமிழ் ஆசிரியரோடு வாதாடுவான் .

ராகுலுக்கு திருமதி இந்திரன் தமிழ்ப்பாடத்தில் தரும் முன்னுரிமை அயிசாவுக்கு பிடிக்காத ஒன்று .தன்னை சுகுமார் கூட சேர்வதை பிரிக்க நினைக்கும் அன்னக்காவடி ராகுல் வில்லன் என்று!நினைப்பு வேற!

தொடரும்!!
////
குறிப்பு-  நாடற்றவன் சி.பி வேலுப்பிள்ளை! மலையக  சிறுகதை முன்னோடி!
மரணங்கள் மலிந்த் பூமி -செங்கை ஆழியான்
உயரப்பறக்கும் காக்கங்கள் -இராஜேஸ்வரி பாலசுப்பிரமணியம்