மலையகத்தில் முகம் தொலைந்தவன் --74

சுற்றுலா என்பது மனதுக்கு இதமும் உள்ளத்துக்கு உவகையும் தரும் ஒரு விடயம். ஆனால் எல்லாரும் போவது இல்லை சுற்றுலா 

.இலங்கையில் சுற்றுலா போக அதிகம் இடம் இருக்கு 

.ஆனால் எல்லாம் யுத்தம் என்ற அரக்கணும் சந்தேகம் என்ற பாதுகாப்பு பேய்யும் ஒருத்தரையும் அசுவாசித்துப் பார்க்க விடுவதில்லை .

 இப்படித்தான் இலங்கையில் இருக்கும் இயற்கை எழில் கொஞ்சும் ஒரு சுற்றுலா மையம் உலகமுடிவு 

.இது இலங்கையில் நுவரேலியாவிற்கு அண்மையில் இருக்கும் இடம். இதற்கு பதுளையில் இருந்து வெலிமடை ஊடாக கொஸ்லாந்த வழியாகவும் போகமுடியும். பலாங்கொட வழியாகவும் போகமுடியும். உண்மையில் இது பலாங்கொடையின் இன்னொரு புறம் எனலாம் .

 இந்த உலகமுடிவு பார்க்க பல திக்கில் இருந்து வெளிநாட்டவர் பலர் வருவார்கள். நீண்ட புள்வெளி அதில் சில நீர் தாவளம் தாண்டி உலக முடிவு பார்த்தால்! மனதில் இருக்கும் சுறாவளியை எல்லாம் தூக்கியடிக்கும் நீர் வீழ்ச்சி ! மிகவும் ரம்மியம் மிக்க பகுதி அதுக்கு இந்தப்பாடசாலையில் இருந்து ஒரு சுற்றுலா போனோம் .மாணவர்கள் எல்லாம்!காதலர்களின் அன்புச் சரணலயம் இது .சில காதல் ஜோடிகளின் இறுதிப்பயணம் இந்த உலக முடிவில் தான் நடக்கும் .

 பொலிஸ் தேடுவது மூன்று நாட்களின் பின் பலாங்கொட ஆற்றின் கரைகளில் சிதைந்த உடல்களை .இப்படியான உலக முடிவு பார்க்க கலைத்தாயின் மாணவர்கள் எல்லாருமாக 16 பேர் போன பயணம் வாழ்வில் மறக்க முடியாத ஒரு நிகழ்வு. 

அங்கு போய் இயற்கையை ரசித்துவிட்டு

 "மலைமகள் முகடுதனில் மலைமகள் மார்பில் 

நிலமகள் நீந்திவந்து நீர்மகள் 

நிறைமாத கர்ப்பினிவயிற்றில் இருந்து 

முதல் உதையோடு வெளிவரும் மழலை போல

நீந்திவரும் நீர்வீழ்ச்சி ! 

குளிர் மேகங்கள் கூட்டம் போல 

நீர்ச்சாரல் ஒடிவிழும் .கன்னத்தில் மஞ்சள் பூசும் 

வளைக்காப்பு செய்யும் சீர்மந்தம் போல !

 சிரூங்கார வளையல்கள் கோடிதரவா 

மாமன் சீதனம் என வளையல்கள் போல 

நீர்வளையம் ஓடும் அருவிதனைக் காண .

 ஆயிரம் கவிதை வரும் உலக முடிவின் பசும்தரையில் இருந்தால். 

பாசமாக! மச்சாள் தரும் முத்தம் போல நீர்வீழ்ச்சி 

முத்தமிட்டுச் செல்லும். அதில் ஒரு மரம் இருக்கும் காட்சி.

 காண ஓடி வாருங்கள் . 

அந்த மரம் சொல்லும் எனக்குப் பிடித்தவள் பெயர் .

 செதுக்கி விட்டேன் மரத்தில் செல்லமாக

 சேர்ப்பாயா !என் அன்பை மலைமகளிடம்!!! 

ரசித்துவிட்டு வரும் வழியில் எல்லாரும் கம்பன் சொன்ன இலங்காபுரி வானரக்கூட்டம் களிப்பில் கிடந்த நேரத்தில் அனுமன் புகுந்ததுபோல சோமபானம் குடித்துவிட்டு சந்தோஸமாக வந்தோம். 

வரும் வழியில் சங்கரும் ராகுலும் எவ்வளவோ பிரகாஸ்க்கு ..சொன்னோம் . "மச்சான் உனக்கு இது பழக்கம் இல்லை ஓவராக அடிக்காத. அப்புறம் வாந்தி வரும்டா "" சொல்லியும் கேட்காமல் பிரகாஸ் ..அதிகமாக அருந்திவிட்டான் 

. பதுளை மீண்ட போது சங்கரும் மற்ற நண்பர்களும் இவனை வீட்டில் விட்டுவிட்டு வந்தபோது 

ராகுல் பிரகாஸ் வீட்டை போகவில்லை. வசந்தா டீச்சருக்கு தெரியும் இன்று ராகுலும் ,சுகுமாரும் சுற்றுலா போய்விட்டனம் .

என்று செல்லன் மாமாவுக்கு தெரியாது. ராகுலும் போறான் என்று. சுற்றுலாப் பயணம் எல்லாம் உன்காசில் உழைத்துப் போ என்பதே அவர் வாக்கு.

 ராகுல் தன் டியூசன் கொப்பியை கல்பனாவிடம் கொடுத்து இருந்தான் நோட்ஸ் எழுதிவையுங்கோ வகுப்பு முடிய நூலகத்தில் தயவு செய்து காத்திருந்தால் நான் சுற்றுலா முடித்து வரும் போது வாங்குகின்றேன் .

 மாமா கேட்டால் வகுப்புக்கு போன ஆதாரம் இருக்கு. டீச்சரிடம் வந்து கேட்கமாட்டார் என்ற தைரியம் இருந்திச்சு ராகுலுக்கு.

 "அப்போது கல்பனா பார்வையில் கொன்றால் அடச்சீ உன்னையும் நல்லவன் என நம்பினேன் .நீ எல்லாருடன் சேர்ந்து குடித்துவிட்டு வாராய் இனி முகம் பார்க்காத போய்விட்டாள் கொப்பியை தந்துவிட்டு.!

 வீட்டில் வந்த பிரகாஸ்!.. சோமபானம் குடித்தது வெளியில் வாந்தி வடிவில் வீட்டை நாறடித்தது.ஏற்கனவே பிரகாஸ் ஸ்டெல்லா பின்னால் காதலில் அழையும் விடயம் அவன் தாய்க்கு சித்தம் கலங்கியிருந்தது. 

வடக்கில் இருந்து வந்தவன் பதுளையில் ஒரு கிறிஸ்தவ மகளை கைபிடிப்பதோ? படிக்க விட்டால் இப்படி ஜோடியாக அவன் பூங்காக்களில் குடையின் நிழலில் ஒதுங்கும் விடயம் எல்லாம் ராகுலுக்குத் தெரியும்.

 ஆனால் பிரகாஸ் குமரன் சேரிடம் படிக்கும் வகுப்பில் தான் இந்த ஸ்டெல்லாவை சந்திச்சதும். பின் காதலில் கரைந்து போனதும். தெரியும் . அது நிறைவேறாது என்று சங்கரும் ,ராகுலும் சொன்னபோது சண்டையாகிப்போனதன் பின் இந்த சுற்றுலாவில் தான் நட்பாக வந்து வார்த்தை பேசினான் ராகுலுடன் . 

ஒரு சோமபானம் வீட்டில் சங்காரம் !தேன் கூட்டில் கல்லெறிந்தது போல ஆகிவிட்டது. பிரகாஸ் ..அம்மா பாடசாலையில் வந்து ஆமினா டீச்சரிடம் புகார் மனுக்கொடுக்க .குற்றப்பத்திரம் வாசிக்கும் படலம் தொடங்கியாச்சு.

 " என்ன ராகுல் நீங்களும் போனீங்களா என்ன உயர்தரம் வந்தாப்பிறகு உங்களுக்கு கொஞ்சம் தலைக்கனம் வந்திட்டுதல்லா. சாதாரணதரத்தில் இருந்த ராகுல் இப்போது மோசம் இல்லையா? என்ன நடந்தது யசோ டீச்சர் கூட சண்டை. இப்ப நீங்க எல்லாம் சுற்றுலா போய் இப்படி அவனை சீரலிய காரணம் என்று சொல்லிவிட்டுப் போறா .என்னல்லா இந்த பள்ளிக்கூடத்தில் நீங்க ஒரு பழைய மாணவன் .

பிரகாஸ் இப்ப வந்தவன் .இதுவரை உங்க மீது வராத குற்றச்சாட்டு எல்லாம் இப்ப வருகின்றது ஏன் ?? என்ன படிக்காமல் சுருட்டுக்கடையில் சுருட்டு விற்க நினைப்போ ?உங்க முதலாளியை கூப்பிடவா பள்ளிக்கூடம் 

!" ஐயோ டீச்சர் வேண்டாம் .இன்னும் கொஞ்சக்காலம் தான். சுற்றுலா போனது அவருக்குத் தெரியாது டீச்சர்.

யசோ டீச்சர் தான் பிழையாக நினைக்கின்றா . "டீச்சருக்குத் தெரியும் தானே. உங்க வீட்டில் ஆங்கிலம் படிக்க நான் எப்ப வந்தாலும் டீச்சரிடம் எல்லாம் சொல்லுவன் தானே " ராகுல் முதலில் யசோ டீச்சரிடம் மன்னிப்பு கேள் .

தப்பு அந்த டீச்சரிடம் இருந்தாலும் நீ மாணவன் !

எப்போதும் பணிவு வேண்டும். இன்று வெளிநடப்பு பின் பாராளமன்றத்தில் செருப்பு வீசுவது, சட்டமூலத்தை நெருப்பு வைப்பது ,செங்கோலைத் தூக்கிக்கொண்டு ஓடுவது எல்லாம் இங்க இருந்து தான் தொடங்கும். ஆகவே முதலில் பட்டப்படிப்பு படிக்காட்டியும் பணிவு வேண்டும். என்னல்லா நான் சொல்லுறது தப்பு இல்லையே.!

 " அப்புறம் என்ன வகுப்பில் நடக்குது? ஆளாளக்கு ஒருத்தியோட கைபிடிச்சு படிக்கின்ற நேரத்தில் இப்படி? ஏன் அவசரம் நல்ல ஒரு வேலையில் சேர்ந்து செட்டில் ஆனபின் செய்யிற வேலையை இப்போது." ராகுல் முதலில் போய் யசோ டீச்சரிடம் மன்னிப்புக்கேட்டு விட்டு திரும்பி வா கொஞ்சம் கதைக்கணும் . வெளியில் வந்த போது சங்கர் இருந்தான். என்னாச்சு மச்சான் ? பிரகாஸ் சாட்டர் பண்ணீட்டான்இரு வாரன்!யசோ டீச்சரிடம் போட்டு!

///தொடரும்..

சாட்டர்- சொதப்பல்- சகோதரமொழிச்சொல்!.