மலையகத்தில் முகம் தொலைந்தவன்...-77

சுதந்திரம் என்பது எல்லாவற்றுக்கும் அனுமதிக்க முடியாது. கட்டுப்படுத்தப்பட்ட சுதந்திரம் தான் சில நேரங்களில் நன்மை பயக்கும் . 


அதே போல 18 வயதில் வரும் ஹார்மோன்களின் தூண்டல் என்பது காதல் என்ற போர்வையில் காமத்தின் வழிக்கு வடிகால இருக்கும் வாய்க்கால் ஆகும் 

. குளத்து நீரை திறந்து விட்டால் வாய்க்கால் வழி ஓடி நெல்லுக்கு போகணும் நீர். அது புல்லுக்குப் போனால் போதிய வளர்ச்சி நெல்லுக்கு இல்லை புல்லுக்குத்தான். அப்படித்தான் பிரகாசும்!


 வடக்கில் இருந்து போருக்கு அஞ்சி பிணை வைத்துவிட்டு வன்னியில் இருந்து ஓடிவந்து படிக்க கலைத்தாயின் கல்லூரிக்கு. உயர்தரத்திற்கு ஊருவிட்டு வந்தவன் வந்த இடத்தில் ஸ்டெல்லாவை வாலிப லீலையில் காதல் வலையில் விழுந்தான்.




 அதை தனிப்பட்ட முறையில் எதிர்த்த போது விளையாட்டாக இருந்தான். சுற்றுலா வந்த போது அதிகமாக குடித்த செயல் எல்லாம் அவன் தாய்க்கு மனஉளைச்சல் தந்த விடயம் ஆகிப்போன நிலையில் பிரகாசின் அம்மா ...அஞ்சுகம் நண்பர்களின் வீட்டில் போய் குற்றப்பத்திக்கை வாசித்தா . 


பள்ளியில் வந்து சொன்னதும் இல்லாமல் நண்பர்கள் தயாளன் வீடு,சுகுமார் வீடு செல்லன் மாமாகடையில் என பல இடத்திலும் இலங்காபுரியை அனுமன் வைத்த தீ போல மூட்டிவிட்டா .இன்னாரு இன்னாருகூட காதலாம் என் பிள்ளையின் சீரழிவுக்கும் இவங்கள் தான் காரணம். அவங்கள் தான் பதுளை என்றால் உங்க மருமகன் யாழ்ப்பாணம் .சொல்லி இருக்கணும் இல்லையா ?என் மகனுக்கு என்று செல்லன் மாமாவுக்கு கடையில் ஒப்பாரி வைக்க.!




 இரவு வீட்டில் செல்லன் மாமா முகாரி வாசிக்க!


. விடியல் காலை எழும்பி நள்ளிரவு வரை வியாபாரப்போட்டிகள் ,ஊழியர்கள் நிர்வாகம், பணப்பட்டுவாடாக்கள் எனபல வேலைப்பளுவில் இருக்கும் செல்லன் மாமா. ஒரு நாளும் ராகுலிடம் பள்ளிக்கூடப் பிரச்சனைகளை கேட்பதில்லை. பாடசாலை ஆசிரியர்கள் பலர் கடையில் பொருட்கள் வாங்கும் வாடிக்கையாளர்கள். அவர்கள் ராகுல் ஏதாவது தவறு செய்தால் வந்து தேவைப்படின் சொல்லுவார்கள். 

.அது எல்லாம் கேட்டு வைத்துவிட்டு தேர்ச்சி அறிக்கையில் கை ஒப்பம் போடும் போது எல்லா பிழைகளையும் பட்டியல் இட்டு குற்றப்பத்திரிக்கை வாசித்துவிட்டு இறுதியாக சொல்லுவார் 




. "படிக்கின்ற வயசில் படிக்காட்டி நாளை சோத்துக்கு பிச்சை எடுக்கும் போது தெரியும் படிப்பின் அருமை. "என்று .

 ஆனால் அதிகம் கோபம் கொள்ளமாட்டார் ஆனால் வழமையை விட உள்குத்தில் நிதாதனம் இழக்கும் பதிவாளர் போல வீட்டுக்கு வேலைக்களைப்பால் வந்தவர். வரும் போது ராகுல் தன் ஒலிப்பேழையை 








உடைத்துவிட்டால் சுகி !








என்பதால் கண்ணத்தில் கைகள் வரைந்த கோடு தழும்பாக இருந்ததை சரோஜா மாமியும் சொல்லி விட.! 




வீடு ரணகளம் ஆனது. " படிக்க விட்டால் படி இல்லை உதவாக்கரையாக ஊர் சுத்தப்போறீயா? 

யார் யாரோ காதலுக்கு எல்லாம் நீ சென்றி பார்க்கின்றீயோ ? 


உன்னால் அந்த அஞ்சுகம் கடையில் வந்து வியாபரம் செய்யும் இடத்தில் என் நேரத்தையும் மினக்கெடுத்தி உனக்கு கொழுப்பு கூடிப்போச்சு. பொடியங்களோட எனக்குத் தெரியாம எல்லா வீடுகளுக்கும் போறியா ?


சுற்றுலா வேற போனீயாமே.?


" இல்ல மாமா நான் போகவில்லை கேளுங்கோ வசந்தா டீச்சரை. போனதுக்கு ஏதாவது புகைப்படக்காட்சி சாட்சி இருக்கோ ?


இல்லையே ??


 ம்ம் இது எல்லாம் கேட்கும் அளவுக்கு வளர்ந்திட்டாய். அப்ப உன்ற நண்பர்கள் பிரச்சனை ஏன் ?என் கடைக்கு வந்திச்சு நீயே ஒரு தண்டச்சோறு. " அதிலயும் தயாளன் தாய்,தகப்பன் கேட்கவில்லை சுகுமார் வீட்டில் யாரும் வரவில்லை. நேற்று பதுளைக்கு வந்த பிரகாஸ் அம்மா எப்படியடா என் கடைக்கு வரலாம்? பேரம்பலத்தார் வீட்டுக் கதை எல்லாம் வியாபார இடத்தில் பேசுவது இல்லை. அது எல்லாம் மறந்து போச்சோ உனக்கு? ஏன் நீயும் யாரையும் ஊரைவிட்டு இழுத்துக்கொண்டு ஓடும் நினைப்பில் இருக்கின்றீயோ?? 




அப்படி நினைப்பு இருந்தால் இன்றோடு தொலைச்சு விடு .பேரம்பலத்தார் இரண்டு பேரரை இறுதிவரை சேர்க்கவில்லை. ஒருத்தர் இப்ப தன்ற மகளுக்கு எங்க மாப்பிள்ளை பார்க்கின்றது என்று குழப்பத்தில். தமிழனா ?சிங்களமா ?என்று நாட்டுப்பிரச்சனை போல வீட்டில் பிரச்சனை. 


மற்றவர் தன் பெட்டைகளுக்கும் தன் வடக்கு வழியா தாய் மலையக வழியா என்று முகம் தொலைந்து அழும் கஸ்ரம் எல்லாம் இந்த வயதில் புரியாது. உனக்கு 




. ."இப்ப வாழ்க்கை வாழை மரம் போல இருக்கும். ஒரு குழை போட்ட பின் வாழை செத்துப் போய்விடும். சாப்பிட வாழைப்பழம் கிடைக்கும் .ஆனால் மரம் இருக்காது. ஆலமரம் போல குடும்பம் முக்கியம் நிழல் கொடுக்க. இப்ப வாழைப்பழம் போல இருக்கும் காதல் .ஆனால் மரம் போல குடும்பம் செய்த்திடும்.


 நீ நண்பர்களுக்கு நல்லது சொல்லியிருக்கணும். அதைவிட்டு இப்படி தாய் வந்து கடையில் ஒப்பாரி வைக்கும் அளவுக்கு நீயும் உன் நண்பர்களும் . நானும் இந்த ஊரில் 40 வருசமாக இருக்கின்றன். 


யாரும் நட்பு என்றும் தன்ற பிள்ளைகள் மலையக உறவோடு சேர்ந்து கெடுக்கின்றான் என்றும் வந்து சொல்ல வில்லை .கெளரவமானது நட்பு அதில் பிரிச்சுப் பேசும் இவனை எல்லாம் ஊரைவிட்டு வந்தும் இங்க பிரிச்சுப் பேசும் வீட்டை நீயும் போகக்கூடாது.! 


என்ற மோளுக்கு ஏன் அடிச்சாய் ?அவள் என்ன உன் பொண்டாட்டியோ ? "நானே மகளை அடித்ததில்லை. உனக்கு எப்படியடா இத்தனை கோபம் ?அதுவும் என் காசில் வாங்கின ஒலிநாடாவுக்கு கை நீளும் அளவுக்கு வந்தபின் . இந்த வீட்டில் உனக்கு இடம் இல்லை எல்லாத்தையும் எடுத்துக் கொண்டு இப்பவே கடைக்குப் போ !நான் கோல் பண்ணிச் சொல்லிவிடுகின்றேன் பின் கதவு திறக்கச் சொல்லி வெளிக்கிடு.


 இனி வீட்டுவாசல் மிதிக்கக் கூடாது .உன்ற கொப்பி புத்தகங்கள் எல்லாம் தூக்கு கெதியா . பின்னிரவில் யுத்தம் வந்து ஊர் பாலம் கடக்கும் போது வலிக்காத மனது வலித்தது நாட்குறிப்போடும் கொப்பி புத்தகங்களோடும் வீட்டில் கட்டியிருந்த சாரத்தோடும் படலைக்கு வெளியில் போ என்று செல்லன் மாமா காதைப்பிடித்து இழுத்து திட்டியபோது. !


பள்ளி உடுப்பை தூக்கி எறிந்து செல்லன் மாமா திட்டிய வார்த்தைகள் என்ன !நாலாலியூர் தங்கத்தாத்தா எழுதிய இலங்கைவளம் கேளாத செவி என்ன இரும்பால் ஆன செவியோ ?என் செவி என ராகுல் நினைத்தழுத நிலை அப்போது அசிங்கம் தான் ஆம்பிள்ளை. ஆனால் அழுவது பக்தியில் பேராணந்தம், பரவசம் ! 


நள்ளிரவில் தனியாக கீழ் வீதியில் இருந்து முக்கிய வீதியில் இருக்கும் கடைக்குப் போக அழுத போது. மனம் சொல்லியது ஆலமரமா ?வாழைமரமா ?இந்த ஊரில் ஒரு முகவரி இல்ல எனக்கு. 

இந்த நேரத்தில் தோள் கொடுக்க யாரும் இல்லையே? எனக்கே ஒரு முகவரி இல்லாத போது ஒரு ராஜகுமாரி போல தனிப்பிள்ளையான கல்பனாவை எப்படி காலம் எல்லாம் காப்பாத்த முடியும்?. திருவிழாவில் தெருப்பாடகன் நான் கோயில் சிலையை வீதியில் கொண்டு வந்து வைப்பதா ?வேண்டாம் வாய் திறந்து சொன்னால் தானே அவளுக்குப் புரியும் ராகுல் விரும்புவது. வேண்டாம் என்ற முடிவை எடுத்தான் ராகுல் 


. பேரம்பலத்தார் பேரன் என்ன அனாதையா ? நிச்சயம் நண்பர்கள் வாழ்வில் நான் வித்தியாசமானவனாக இருக்கணும். நாளைக்கு பள்ளியில் பேசலாம் என்ற நினைப்ப்பில் கடைக்குப் போய் படுத்தான் அன்று 3 மணித்தியாலம் படுத்த போது இருந்த !விழிச்சுமையை விட மனச்சுமை அதிகம்.

 இது எல்லாம் பார்த்துக்கொண்டு இருக்க எப்படி சுகியால் முடிந்தது? அவளுக்கு கை நீட்டும் உரிமை இருவழியில் இருக்கின்றது இந்த வீட்டில் .ராகுல் தானே முதலில் வந்தவன் அண்ணாக என்றாலும் சரி இல்லை மாமியின் மகன் என்ற மச்சான் உறவு. இதில் இரண்டும் அவனோடு ஒரே தோளில் இருந்தவளுக்கு தெரியுமே ?


 கல்பனா பள்ளியில் கேட்டது ராகுலுக்கு என்ன பிடிக்கும் ,அவரு உங்களுக்கு என்ன முறை ?என்று எல்லாம் வந்து தனிமையில் சொல்லத்தெரிந்தவளுக்கு .வீட்டை விட்டு போக வேண்டாம் அப்பா பேசினார் என்பதற்காக என்று ஒரு வார்த்தை பேசவில்லையே .? வேண்டாத உறவா ராகுல் இனி அவளோடு பேசுவது இல்லை என்று ராகுல் நினைத்தான் அதன் பின் ! 

தொடரும்....