காற்றில் வந்த கவிதைகள்-40

http://www.thanimaram.com/2018/05/39.html


----------------------

அதிகம் பிடிக்கின்றது!

——-////////————-!

தேடல்கொண்ட வாழ்வில்

தேடிப்பெற்ற அன்பின் சகியே

தேடிச்சென்றாய் உயர்கல்வி என்று

தேசம் விட்டு தேசம்!

தேடி வருவாய் என

தேவனின் கோவிலில்

தனிமரம் போல

தேடிக்கொண்டேயிருக்கின்றேன்

தேவதை நீ வருவாய் என!

தேனே தென்பாண்டி மீனே என,

தேடினேன் வந்தது போல

தேர்வில் தோற்றவன்!

தேர்ந்த அரசியல்வாதி போல

தேசியம் விட்டு 

தேற்றக்கணக்கில் தேடியவை 

தேய்மானாமாகச்சொத்துக்கள் பல!

தேசியம் சிரிப்பதை

தேரோட்டி சொல்லியும்,

தேடிக்கொள்ளவே அதிகம் பிடிக்கின்றது!

தேசியக்கட்சியில் இருப்போருக்கு!!

தேய்ந்து போகின்றது

தேர்தலில் வாக்களிப்போர் விகிதம்!

(யாவும் கற்பனை)

——-

எதிர்பார்த்திருப்பேன்!—

-/

பொருளாதார தேடலில்

பொருத்தமானவள் இதயம் துடிக்க

பெரும்சுமையுடன் 

பொருளீட்டச் சென்றவன்!

பொல்லாத தீவிரவாதியாய்

பொஸ்னியச்சிறையில்!

பெற்றவளோ

பொருளாதார மந்திரி போல

பெட்டிகளுடன் வருவான் 

பொறுத்திருங்கள் !நுண்நிதிக்கடன்,

பெருங்கடன் எல்லாம்

பெருங்குடிமகன் தேர்தல் நேரத்தில்

பொழச்சுப்போங்கோ என்று

பெரும்மனதுடன் தள்ளுபடி 

பொருள்வாக்கு தந்திடுவான்!

பெருமையுடன் போட்டிடலாம்

பெருவாரியான வாக்குகள்!

எதிர்பார்த்திருப்பேன்

நல்லாட்சியில் விடுதலைச்சிறை

விரைந்துவந்திடும் என்று!

நாங்களும் பொழுதினை

நாள்தோறும் போற்றுகின்றேம்

எதிர்ப்பார்த்திருப்பேன்

எனக்கும் விடிவு வரும் என்று!

(யாவும் கற்பனை)

---------------------------------------------------------------------------------------

பொறாமை!

—

வளர்ச்சியை நோக்கி

வடிவம் எடுக்கும் தேசங்களை எல்லாம்

வளர்ந்துவிட்ட பொருளாதாரம்

வழுக்கிவிழ வைக்கும் 

வாய்ப்புக்களின்

வரிசுமையில்க்கூட

வந்துவிட்டது பொறாமை என்னும்

வலைப்பின்னல்!

வாடிப்போனாலும்

வாடிக்கையாளருக்கு 

வரிவிலுக்கு அளிக்க

வசதியான முதலாளிகளுக்கு

பொறாமை

வடிகால் காட்டுவதில்லை!

வாக்கு அரசியலில்

வாத்திமார்களிக்கும் பொறாமை

வளரும் கட்சியையும்,

வசைபாடி  வீட்டிலேயே

வாசலில் வைத்துக்கொள்ள

வாழும் தலைவருக்கும்

வால்பிடிப்போர் வடக்கில் பலர்

வந்துவிட்டார்கள் இனப்பற்றுப் பொறாமையில்!

வரிக்கவிதையிலும் வழுக்கள் உண்டு

வாட்டி எடுப்போர்கள்

வடிகட்டி 

வதனநூலில் லைக்கு என்னும் பொறாமையில்

வந்து போகின்றனர்!

வாருங்கள் பொறாமை என்னும்

வக்கிரபுத்தியை 

வழக்கொழிபோம்!

வட்டலப்பம் சாப்பிட்டு!

காற்றில் வந்த கவிதைகள்-39

http://www.thanimaram.com/2018/04/38.html
----------------------------
ஒரு வார்த்தை-

—-

சுதந்திரம் என்னும்

சுயநிர்ணையம்

சுயமொழியில் சுகத்துடன் வாழ

சுபீட்சமான தலைநகரம் எங்கும்

சுயமரியாதையுடன் 

சுமர்ந்துசெல்லும் பயணங்களில்

ஒரு வார்த்தை இவர்களும்

இத்தேசத்தின் புதல்வர்கள் என்று

புத்தன் தேசம் உரைக்குமா

பொதுவெளி எங்கும்?

(யாவும் கற்பனை)

—-

//சிறகு இருந்தால்!

—-

பறக்கும் வரம் 

படைத்து இருந்தவன் கொடுத்தால்

பல தேசங்களின்

பரிதாப கையேந்தலுக்கு

படை உதவி போல

பறந்து போய்ச்சேரலாம்

பசிதீர்க்கும் உணவுகளுடன் !

பாதை யாத்திரையில்

பற்றி எரியும் நெருப்பினை அணைக்க

பால்க்குடம் போல பலதொன் தண்ணீர் 

பறந்து இறைக்கலாம்!

பதைபதைப்பில் துடிக்கும் போதும்

பார்க்கவேண்டிய முதல்குடிமகன்

பாதுகாப்பு என்ற பகட்டிலும்,

பாராளமன்ற உறுப்பினர்

பதவி சுகத்திலும்

படுக்கைவிட்டு வெளியில் வராத போதெல்லாம்!

பக்கதுணையிருப்பேன் 

பரிசாக ஒரு வாக்கு வேண்டாம்!

பாடல்கள் தராத பண்டிதர்கள்

பல வானொலியில் பழகியும்

படபடப்பு நேர அவஸ்த்தை புரியாதவர்களை

பச்சை மட்டையில் 

பறந்து போய் அடிக்க ஆசை!

பாதிக்கவிதை காற்றில் வராது என்ற

பயத்தில் பறக்கின்றேன் 

பாரிசில் சிறகு இருந்தால் !

பாடையில் போகும்

பாசமான மச்சாளிடம் கேட்டு இருப்பேன்

பாசம் என்பது பணம் இருந்தால் தானோ?

பகிடிவிடுவாய் முகநூலில் என்று!

(யாவும் கற்பனை) 

——எப்போது சொல்வாய்?

—

விழிகளில் வீழ்ந்து

வீரம் கற்றுத்தந்த

வீரத்திலகம் போல நீயடி!

வீழ்ந்து போனேன் காதல்போதையில்,

வீழ்ந்து போன யாழ்ராஜ்ஜியம் போல

வீறுகொண்டே எழுக்காத்திருக்கும்

விடலைகள் அல்ல நாம் 

வீரப்புதல்வர்கள் என்பது போல

விடைகொடு !நாமும்

வீழ்ந்து போகமாட்டோம்,

வீரப்பூமி என்னும் காதலை.

விடுதலைப்பூமி என்று எப்போது 

விதந்துரைப்பாய்?

விழிகளில் நீரூடன்

விடுபட்ட ஏதிலி?

(யாவும் கற்பனை)உ

—கண் ஜாடை!

—-

காதல் பருவத்தில்

கன்னியவள் விழிகள்

காணும் பொருட்கள் எல்லாம்

காதலின் கண்ஜாடையில்

கற்பகத்தருப்போல

காதலனுக்கு!

கடினமான தேசவிரோதிகளுக்கு

கண்ஜாடைத்தலையாட்டு

கனபேர்களின் வாழ்வை

காணாமல்ச்செய்ததும்,

கண்ஜாடைக்கு இன்றும்

கவிஞர்களுக்கு பாரதியே

கச்சிதமான புலவர்!

கண்ஜாடையில் களவியல் 

களியாட்டம் கதைகள்

கனதினை ஊடகம்

கடும்போராட்டத்தில் பதிவு இட்டதும்,

களிதின்னும் சாமியார்

கண்ஜாடை இன்று

கடும்குற்றத்தில்!

கண்டு வந்ததையும்

கவலையுடன் பதிவு எழுதும்

கஸ்தூரியின் கண்ஜாடைக்கும்

கருத்துப்போர்கள் 

களைகட்டுகின்றது இணையத்தில்!

கண்ஜாடையில்  வீழ்ந்த

காவிய நங்கை கிளியோபாரட்ரா

கதைகளும் ,

கட்டளை என்று 

கழுத்தறுத்த விடுதலைபோர்களும்

கண்ஜாடையிலே மூழ்கியதும்,

கலியுகம் படத்தில் அமலாவுடன்

கசிந்துருகிய கதைகளும்

காட்சியாகக் கண்டதும் நிஜமே!

(யாவும் கற்பனை)