மலையகத்தில் முகம் தொலைந்தவன் ---66

குருத்தொழிலில் சேவை நோக்கம் போனபின் .வந்த நோக்கம் வியாபாரம் ஆகிப்போன நிலையில் .

டியூசன் என்ற பெஸன் பலரை தனியார் வகுப்பு நோக்கிச் செல்லத்தூண்டியது.

அதுவும் தனியார் வகுப்புக்கள் பதுளையில்  கொஞ்சம் குறைவு எனலாம். கண்டியில் யாழில் போல வீதீ வீதியாக  தனியார் வகுப்புக் கொட்டகைகள் இல்லை .

ஆனால் சகோதரமொழியினருக்கு அதிகம் கொட்டகைகள் இருந்தது நிஜம்.

உயர்தரம் படிக்க முடிவானதும் நண்பர்கள் எல்லாரும் குமரன் மாஸ்ரர் இடம் போனார்கள்.
 படிக்க பெரிய மச்சாளும் அவரிடம் போனாள் பொருளியல் படிக்க.

 ஆனால் ராகுலுக்கு குமரன் மாஸ்ரரின் இன்னொரு முகம் தெரியும்.

குருத்தொழிலில் இருப்போர் பிரதேசவாதத்தை பொதுவில் நச்சாக கக்கக்கூடாது .

தம் பகமையை மாணவர்கள், மாணவிகள் முன் அமிலமாக சிந்தக்கூடாது .வார்த்தைகள் ஊடே .

குமரன் சேர்  ஆரம்பத்தில் கலைத்தாயின் பள்ளியில்  நடந்த தலைமை ஆசிரியருக்கு எதிரான பகிஸ்கரிப்பில் இவரின் பின் கை இருந்தது பலருக்குத் தெரியாது !

. இவரைப்போல ஒரு நடிகர் அந்தக்கல்லூரியில் வேற யாரும் இல்லை தில்லுமுல்லு ரஜனி தோற்று விடுவார்!

இவரும் ஒரு பட்டதாரி .குமரன் சேர் .படித்த யாழ் பல்கலைக்கழகத்தில் இவருக்கு .வடக்கில் இருந்த சிலர்  செய்த அவமரியாதையால் மனதில் காழ்ப்புணர்வு எப்போதும் உண்டு .

வடக்கில் இருப்பவர்கள் எல்லாரும் பிரித்தாலும் கூட்டம் ,என்றும் மலையக பொருளாதாரத்தை  சுரண்டும் வர்க்கம் என்றும் .

அது அவரின் வார்த்தையோடு பல இடங்களில் ராகுல் கேட்டது.

 அதனால் அவனும் இவரிடம் படிக்க விரும்பவில்லை .ஆனால் அவர் திறமையாக படிப்பிக்கும் ஒருவர் அதில் மாற்றுக்கருத்து இல்லை .ராகுலின் நண்பர்கள் முதலில் இவரிடம் வகுப்புத் தொடங்கி விட்டார்கள் பொருளியல் படிக்க .


சுருட்டுக்கடை வியாபாரம் சுமாராகப் போன காலத்தில் இவனும் சுமாராக பள்ளி தொடங்கும்  வரை காத்திருந்தான்.

செப்டம்பர் மாதம் பள்ளிக்கு உயர்தரம் என்ற உயர்ந்த பதவியில் கலைத்தாயில் சேர்ந்த போது சாதரன தரப்பரீட்சையில் 75 பேர் தோற்றியவர்களில் நீந்துவார் நீந்தாதார்  தாண்டுவார்  தாண்டாதார் நீந்தி கிழாலிக்கடலைப்போல என்று படிக்காதவர்கள் விடுபட்டுப் போக தேறி அங்கே படிக்க வந்தவர்கள் பழையமாணவர்கள் பட்டியலில் 15 பேர்.

 அதைவிட வெளியிட மாணவர்கள் 7 பேர் வந்தார்கள்.

 இவர்களுடன் வந்து சேர்ந்த பெண்கள் 5 அதில். ஒரு இஸ்லாமிய சகோதரி அயிஸா! என வர்த்தகப்பிரிவில் வந்தவர்கள் மொத்தம் 27 பேர் .

பாராளமன்றத்தில் பெரும்பான்மை ஆட்சி எப்போதும் இந்தக்கலைத்தாயின் கல்லூரியில் இந்தத்துறைக்கு வருவோரிடம் தான் இருக்கும் .

சிறுபான்மை  கலைப்பிரிவு .அதுகடந்த உதிரிக்கட்சிகள் போல விஞ்ஞானம் மற்றும் கணிதம் படிப்போர் .

இவர்கள் வருவதும் பின் ஓடிப்போய் வேறகட்சியில் சேர்ந்து பதவி பெற்றவர்கள் ஆகிவிடுவார்கள் .ஒன்று வர்த்தகம் படிக்கணும் இல்லை ,கலைப்பிரிவு .

இல்லை வேற தூர தேசக்கல்லூரியில் இடம் கிடைக்கும் வரை காத்திருப்பார்கள் தேசியப்பட்டியலில் பாராளமன்றம் நுழைவது போலத்தான்..

பள்ளியில் வந்தால் முதலில் இருக்கும் நாகபாசும் தான் பகிடி வதை என்ற மிருகவதை .

உயர்தரம் படிக்க வருவோரை இரண்டாவது வருடத்தில்  இருக்கும் மாணவர்கள் ,மாணவிகள் இவர்களிடம் செய்யும் செயல்கள் எல்லாம் அருவருப்பு மிக்கது.

கொடுமை அதே பாடசாலையில் படித்துவிட்டு.புதிதாக  வரும் வெளியிட சகமாணவர்களுக்கு ஒரே வகுப்பில் இருப்போர்  செய்யும் பகிடிவதையை

"வேண்டாம் என்று ராகுல் சிலருக்குச் சொன்னாலும் கேட்கமாட்டார்கள் .நீ இருடா நாங்க அப்படிச் செய்தாத்தான் பயம் இருக்கும் என்று சிலர் செய்யும் இழிவான செயல் உயர்தரத்தில் பல கனவோடு வரும் கன்னியர்கள் மீண்டும் படிப்பு வேண்டாம் என்று அடுப்படிக்கும் லயக்கூடத்துக்குள் வாழ்க்கையை முடக்கும் . செயல்!"

இதை எல்லாம் ஆராய வேண்டியவர்கள் செய்வது .எல்லாம் யார் யார் புலிகளுக்கு உதவினார்கள் என்று புலனாய்வு செய்வது மட்டுமே.

 துரதிஸ்ரம் இந்த பகிடிவதை சாதாரன தர மாணவர்கள் கூட உயர்தரம் படிக்க வரும் மாணவிகளிடம் வக்கிரமாக நடந்து கொள்வது.

மாணவர்கள் சமுகத்தில் இருக்கும் இந்த மிருகங்களை வதைக்க வேண்டும் .

அப்படி இங்கே இந்த ஊடுருவல் பகிடிவதை இருக்கின்றது மலையகத்தில்.

அன்றும் அப்படித்தான் யாழில் இருந்து சந்திரிக்கா ஆட்சியின் வெற்றி நிச்சயம் போரில் வெளி வந்த மாணவன் பிரகாஸ் உயர்தரத்திற்கு வர்த்தகப்பிரிவு படிக்க வந்தான் .

அவனை உயர்தரத்தில் மேலே படிப்பவர்கள் இவனிடம் காசு கேட்டபோது வந்த வார்த்தை முரண்பாடு  கைகலப்பில் ஈடுபட வேண்டி நிலை  ராகுலுக்கு வந்திச்சு.!

இதுவரை சுருட்டுக்கடையில் .வெற்றிலை சுத்தவும் ,பில் போடும் ஒருத்தனாக  தெரிந்த சிலருக்கு .

அவனின் இன்னொரு முகம் தெரிந்த நாள். .7 அறிவு போதிதர்மன் சூரியா சொல்ல முன்னமே.

 நாங்கள் குங்பூ என்ற தற்காப்புக்கலை கற்றவர்கள் பலர்  பதுளையில் இருந்தார்கள்  .

அதன் குரு சகோதரமொழி ஆசான்  அவரிடம் 3 வருடம் முறையாக சுருட்டுக்கடை செல்லன் முதலாளிக்கே  சொல்லாமல் படித்தவன் ராகுல்.

"அர்ஜீன் ஒருபடத்தில் சொல்லுவார் இந்தியனுக்கு இட்லிக்கு மாவு ஆட்டவும் தெரியும் ,இரும்படிக்கவும்  தெரியும் என்பது போலத்தான் "

ராகுலும் .கவிதையும் பிடிக்கும் ,கறுப்புச் சுருட்டும் விற்கவும் பிடிக்கும் .

வில்லங்கம் என்றாள்!தற்காத்துக்கொள்ளவும் தெரியும்.

பிரகாஸ் பேசிய வார்த்தை தவறு அது யாழில் கதைப்பது ஆனால் மலையகத்தில் அப்படி பேசுவது வந்த இடத்தில் உறவுகளை பிரித்துப்பார்க்கும் செயல் .இத்தனை நண்பர்களோடு இருக்கும் ராகுல் என்றும் விரும்பியது இல்லை

.இத்தனை நண்பர்களும்  அடிச்சாலும் பிடிச்சாலும் ஒரே குடும்பம் போல இருந்தோம்1997 இல் உயர்தரம் நுழைந்த அந்த கலைத்தாயின் வர்த்தகப்பிரிவில் .

அவர்களில் பொருளியலுக்கு வேற ஆசிரியரிடம் போன இருவர் ராகுலும் சுகுமாரும்!


தொடரும் !!!!
பகிடிவததை -ராக்கிங்.