புது வருடம் திரும்பிப் பார்த்தால்!!!!

சித்திரைமகள் வந்தாள் நந்தன வருடம் என்று நானும் பார்த்தேன் பல வருடம் !
மருத்துநீர் வைத்து மாமா தோயச் சொன்னதும்.
 மாமி மடிப்புப் பெட்டியில் இருந்து புத்தாடை தந்ததும் ஒரு காலம்!

பாட்டி தந்தா பத்து ரூபாய் நோட்டு புத்தம் புது நோட்டு பேரா இது கைவிசேஸம் என்று பேரன்புடன்!

போனது எல்லாம் ஒரு யுத்தத்தில்!

புதுவருசம் இன்று என்ன விஸேசம் கேட்டாள் ஒரு மச்சாள் ?

என்ன இது கேள்வி எல்லாரும் ஒவ்வொரு திக்கில் !
இனி என்ன இருக்கு?
சுப அழுத் அவுறுது வேவா !சுருதி மாறாமல்
சொன்னாள் ஒருத்தி சுத்த சிங்களத்தில்!

தித்திக்கும் வருடம் இதயத்தில் திரண்டது காதல் ஒரு காலத்தில்!

என்ன விஸேசம் இந்த வருடம் !
எனக்கு எப்போது விடுதலை என்ன பிழை செய்தேன் என் காவலரே?

எடுத்து வந்தாய் சட்டவிரோதம் ஒரு வெடி குண்டு .
தந்தது யார் சொல்லி விடு தப்பிவிடுவாய் தமிழா!

தவறு என்ன செய்தேன்!!
 எல்லை தாண்டும் போது யார் என் காரில் குண்டுப் பொதி வைத்ததது.!
எனக்கு இன்றும் தெரியாது ஏதிலி ஆனபோதும்!!!!

இந்தப்பாடல் கேளுங்கள் புதுவருடத்தில்!!

இந்த வருடம் எல்லோருக்கும் நல்லதே நடக்க வேண்டுகின்றேன்!!!!!

சுப அழுத் அவுறுது வேவா- சகோதர மொழியில் புது வருடம் நல்லாதாக அமையட்டும் என்று பொருள் படும்!

GAME OVER - எனது பார்வையில்..

போரியல் வரலாற்றில் பெண்களின் பங்களிப்பை ஈழம் பலருக்கு கற்றுக்கொடுத்திருக்கின்றது. ஒப்பற்ற தலைவனின் வழி நடத்தலில் பெண் போராளிகள் எத்தனை வீரகாவியங்களை செய்தார்கள் என்று வரலாறு பதிவு செய்திருக்கின்றது. அந்த வகையில் ஒரு பெண் போராளிக்கு வழங்கப்பட்ட பணியை எவ்வாறு பலத்த சிரமத்திற்கு இடையிலும் போர்க்களத்தில் துணிகரமாக செய்வாள் என்பதை சுமந்து வந்திருக்கும் குறும்படம்தான் game over.

இரு பாத்திரங்கள் ஊடாகவும்  புதிய தொழில்நுட்பம் ஊடாகவும் போர்க்களத்தில் நிகழும் ஒரு சம்பவம் தொடர்பாக ஒரு போராளியின் செயல்பாடு என்பதை மையமாக கொண்டு 8.45 நிமிடங்கள் ஓடும் குறும்படம் பதிவு செய்கின்றது.

ஈழத்தின் இயற்கை வளத்தை அழகிய காட்சிகளாக கண்முண்ணே கொண்டு வருகின்ற கமராவின் பார்வை. தேர்ந்த பின்னனி இசையில் காட்சியின் நிகழ்வோடு ஒன்றிவிடுகின்றது மனம். சிலநிமிட்ம் என்றாலும் என்ன நடக்கும் அடுத்த கனம் என்ற அங்கலாய்ப்பு ஏற்படும் வண்ணம் காட்சியை நகர்த்தி இயக்கியிருக்கும் இயக்குனர் மணிவண்ணனுக்கு பாராட்டுக்கள். சில குறியீடுகள் மூலம் சிறுபான்மையினர் மீது வெள்ளரசுகளின் அடக்கு முறையை அதன் கோட்டையில் இருந்து கொண்டே பதிவு செய்திருக்கும் game over குறும்படம் ஒரு துணிச்சல் மிக்க கலைஞனின் படைப்பு.

இத்திரைப்படத்தின்,
ஒலிஒளி மற்றும் எண்ணமும் இயக்கமும் - நடராஜா மணிவண்ணன்
நடித்த இரு முகம்களில் ஒருவர் - ஆனந்து
மற்றவர் - சோபா.
படத்தொகுப்பு - டானியல் மற்றும் டினூஸன்

குறும்படங்களை ஊடகங்கள் கண்டு கொள்ளவேண்டும்! சமுகத்தளங்களின் வருகை, முகநூல், வலைப்பதிவுகள் மட்டும் பலரிடம் கொண்டு போக போதிய கவனம் செலுத்துகின்ற இன்றைய நிலையில், ஊடகங்களின் வழித்துனை கிடைத்தால் இவ்வாறான குறும்படங்கள் மக்களிடம் அதிகம் செல்லும் என்பது என் எதிர்பார்ப்பு. இக்குறும்படத்தின் காணொளி வடிவை  நண்பரின் முகநூலில் காணும் வாய்ப்பை எனக்குத் தந்திருந்தார் மணிவண்ணன். இது அவரின் மூன்றாவது கைவண்ணம். இந்த குறும்படத்தில் அதிகம் ஒலிக்கலவை.
கொஞ்சம் சரி செய்யப்பட்டால் இன்னும் சிறப்பாக இருக்கும்!

ஈழத்தின் மொழி நடை பொதுவாக சினிமாவிற்கு ஒரு தடையாக இருக்கின்றது என்று மீண்டும் மீண்டும் வைக்கும் குற்றச்சாட்டை எப்போது தாண்டப்போகின்றோம் ? அதிகம், பார்வையாளரின் கற்பனைக்கு விடயத்தை தீர்மானிக்க விட்டிருக்கும் விடயத்தை சாமானியர்கள் எல்லாரும் புரிந்துகொள்வார்களா என்றால்?? முடிவில் ஏன் இப்படி நடந்தது? அதற்கான காரணத்தை கொஞ்சம் அழுத்தமாக சொல்லியிருக்கலாம். சில நேரங்களில் ரசிகர்களின் கற்பனைக்கே விட்டு இருந்தாலும் இயக்குனர் தன் எண்ணத்தை நிறைவாக பதிவு செய்திருக்கும் குறும்படம் game over.

இக்குறும்படத்தின் இயக்குனர் மணி இன்னும் ஒரு வித்தியாசமான கதையுடன் தயாராகிக்கொண்டு இருக்கின்றார் என்பதை அறியும் போது தனிமரம் அடுத்த படைப்புக்கும் அறிமுகம் தரக் காத்திருக்கின்றது. குறும்படங்கள் பல வெளிவந்துகொண்டு இருக்கும் நிலையில் அவர்களுக்கு அங்கீகாரம் கிடைக்க வேண்டும் என பிரார்த்திக்கின்றேன்.
குறும்படத்தினைப் பார்க்க இங்கே..

வலைத்தள உறவுகள் அனைவருக்கும் தனிமரத்தின் இனிய சித்திரைப் புது வருட நல்வாழ்த்துக்கள்.