என் உயிரே என்னுள் இருந்து விலகும் நொடி-24

மலைமகளுக்கு அழகு தன் கூந்தல் நீளம் எத்தனை வசிகரம்மிக்கது என்பதை அரசிளங்குமாரியின் ஜரிகைபோல அழகுமெருகூட்டுவது .

அப்படித்தான் பண்டாரவளையின் நகர அமைப்பும் இயற்கையின் எழில் கொஞ்சும் அப்புத்தளையை வடக்கே ஒரு எல்லையாகவும் ,மறுபுறம் தெற்கே பதுளையும் ,கிழக்காக இன்னொரு புறம் நமுணுக்கொல்லையும் ,மேற்கரையில் வெலிமடவும்  மையம் கொண்ட பூமி இந்த ஊர் .

மூவின மக்கள் சேர்ந்தே இருக்கும் வியாபார பூமி தென்றுதொட்டே தோட்டத்தொழிளார்களின் உழைப்பு இந்த ஊருக்கு அடிமைசாசனம் போல இருந்தாலும், அவர்களின் விவசாயப்பொருட்களை இங்கு விற்பனைசெய்யும் சந்தை வசதியும் ஒருங்கே அமைந்தபடியாள் ,மற்ற நகரங்களைவிட பண்டாரவளை பொருளாதார முன்னேற்றம் கண்ட இடம் .

அத்துடன் உயர்தரக்கல்லூரிகள் ,செல்வந்தர்கள் என எப்போதும் செழிப்புக்கும் பஞ்சம் இல்லாத ஊரில் கொழும்பில் இருந்து இடமாற்றல் ஆகிப்போன சேகரை வரவேற்றாள் ஐராங்கனி .

ஆடம்பர கணனி மையத்தில் முக்கிய பொறுப்பாளர் அந்தஸ்த்தில் இங்கே வந்து சேர்ந்தாளும் அருகில் இருக்கும்.பிந்துனுவெவயில் இருந்து தினமும் வருபவள் .

காதலுடன் ,கடமையும் என பாபு கொழும்பில் தன் இயல்பு வாழ்க்கையில் ஒன்றிய நிலையில் !

 சேகர் இந்த பண்டாரவளை வந்து ஒரு வருடத்தை அண்மிக்கும் வரையில் வவுனியாவுக்கு மீண்டும் போவோம் என்ற கனவில் அக்கினிச்சுவாலைபோல அதிகாரிகள் தங்களின் விற்பனை அதிகரித்து இருப்பதால் இடம்மாற்றம் கிடைக்காத நிலையில் ,

பண்டாரவளையில் விற்பனைப்பிரதிநிதியாகவே தொடர்ந்தான் சேகர்.

எப்போதும் விற்பனைப்பிர்திநிதி என்றால் ஒரே கட்சியில் இருந்தாலும் அடுத்த தலைவர் யார் என்ற  போட்டியும் ,பொறமையும் கட்சியில் இருக்கும் முக்கிய இரண்டாம் மட்ட தலைவர்களிடம் இருப்பது போலவே அடுத்த வட்டார அதிகாரிப் போட்டி பலமாக இருக்கும் .

நீண்டகால அனுபவமும் ,அதிக விற்பனை உயர்ச்சி சாதனையும் ,ஒரு துணைக்காரணி என்றாலும் இன்னும் பல நிறுவாக தில்லுமுள்ளுத்தான் அடுத்த வட்டார அதிகாரியாக வலம் வர முடியும் காரில் பலரை கட்டுப்படுத்தும் அதிகார தரத்தில் .

இது எல்லாம் இன்று விற்பனைப்பிரதிநிதி என்று வருபவர்களுக்கு  முன் அனுபவம் இல்லை , என்றும் இன்னும் வட்டார  அதிகாரியாக சேவை செய்ய வேண்டும் என்று சொல்லப்பட்டாலும் ,உட்கட்சி ஜனநாயகம் இல்லாமல் பொதுத்தேர்தலில் போட்டியிடும் தேசிக்கட்சி வேட்பாளர் போலத்தான் இந்த வட்டார அதிகாரி என்ற தோரணை (Area MANAGARE)  !

 இந்த தோரணையில் குஞ்சம் கட்ட ஆசைப்பட்டு அடுத்த மந்திரியாக இன்னொரு கட்சியில்  இருந்து கட்சி மாறும்  உறுப்பினர் போல வேற கம்பனி மாறியோரின் கதைகள் எழுத வெளிக்கிட்டால் இந்த பண்டாரவளையில் பயண சரிதம் அதிகம் இருக்கு. 

மூவினத்தவர்களுக்களும் இருக்கும் விற்பனைப்பிரதிநிதி  என்ற வேலையில் முக்கிய பல கம்பனிக்கு இப்படி முயன்றவர்கள்தான் அதிகம். 

ஏன் சேகர் நீங்க புதிதாக இங்க வர இருக்கும் இன்னொரு பல்தேசிக் கம்பனிக்கு வட்டார அதிகாரி ஆகலாமே ?

அதுக்கான தகமை உங்களுக்கு இருக்கு .என் அண்ணாவும் அதைப்பற்றி உன்னுடன் பேசச் சொன்னார்.!

 ஐராங்கனி.

இது நமக்கு ஆகாது .கட்டுப்பாடு ,சுதந்திரம் எல்லாம் எனக்கு ஒத்துவராது!

 தொடரும்!

என் உயிரே என்னுள் இருந்து விலகும் நொடி-23

அவசர உலகம் இந்த தலைநகரவாழ்க்கை .அதில் அந்திமாலையின் அழகை ஆழ்ந்து ரசிக்க அனுதினமும் எல்லோராலும் முடியாது .
அவசரமாக இல்லம் செல்லவேண்டிய குடும்பத்தவர்கள் ;அடுத்த வகுப்புக்கு வெவ்வெறு பகுதியில் கல்விகற்கவேண்டிய பட்டதாரிக்கனவுகள் , இந்தவாரம் போய்ச்சேரலாம் என்ற வெளிநாட்டுக்கனவின் தவிப்பில் வாலிபத்தையும், வாழ்வையும் தொலைக்கும் பலர் .

இந்த தலைநகரத்தில் இருந்து தண்ணீராக ஓடும் பணத்தைக்க்காபாற்ற அடுத்த பஸ் பிடித்து தன் ஊர் போகத்துடிக்கும் கிராமத்தவர்களின் பட்டின வருகை என பல விடயத்தை பெட்டா பஸ்நிலையத்திலும் ;ரயில் நிலையத்திலும் மாலையில் கண்டு ரசிக்கலாம்  .

அப்படித்தான் இரவு பண்டாரவளைப் பயணத்திற்க்கான பஸ் முன்பதிவுக்கு சேகர் பெட்டா பஸ்நிலையத்தில்  பாபுவுடன் காத்திருந்தான் தேர்தலில் ஓட்டுப்போடும் வாக்காளர் போல வரிசைக்கிரமத்தில். முன்பதிவு செய்யவிட்டாளும் கொஞ்சம் காசு அதிகம் கொடுத்தாள் சீட் கிடைக்கும் தேர்தலில் அதிகம் கொடுப்போருக்கு போட்டியிட வாய்ப்பு கிடைப்பது போலத்தான்

!எப்போதும் ஞாயிறு இரவுப்பயணம் மக்கள் அதிகம் வெவ்வேறு ஊருக்கு பயணித்துக்கொண்டே இருப்பார்கள் .அதுவும் இன்ரசிற்றியின் வருகையால் நீண்டதூர போக்குவரத்தை இலகுபடுத்திவிட்டது.

சரிடா சேகர்  நீ தனியாக போவாய் பண்டாரவளை .உனக்கு மலையகம்  ஒன்றும் புதுசு கண்ணா புதுசு போல இல்லையே ?
முகநூல் குழுமத்தைவிட்டோடும் முகநூல்பாவனையாளர் போலதான் நானும் விடைபெறப்போறன் !

நீ செய்த உதவி எப்போதும் மறக்கமாட்டன் எங்க என் முதல்காதல் உருகும் காதல் போல இல்லை .

என்றும் நேசிக்கும் உயிர் இருக்கும் வரை. நீ செய்த உதவி மறக்கமாட்டோம்  .

இல்லை மச்சான் பாபு  நல்ல இதயங்கள் இரண்டு இணைவது முன்னம் எழுதிய தீர்ப்புக்கள் போல அதில் ஒரு உறவுப்பாலம் இட நான் வந்தேன் அவ்வளவும் தான் .

இனி உன் கடமையிலும், காதலிலும் சரியான இலக்கினை  நோக்கிப் பயணிக்க வேண்டியது உங்களின் பொறுப்பு .

சரி மச்சான் நான் கிளம்புகின்றேன்போய் வாங்க அண்ணா  இந்த ஊர் உங்களுக்கு இன்னொரு மாற்றம் தரும்.

 போய் வாங்க அண்ணா என்று மிரூனா அன்று அனுப்பிய பயணம் என்றும் என் வாழ்வை எதிர்காலத்தில் மாற்றும் என்று நான் அறியாமல் பண்டராவளை நோக்கிப்போன 1999 ஆண்டின் பிற்பகுதி பல கணனி வல்லுனர்கள் y2k பற்றி  கணனி பிரச்சனைக்கு தீர்வு தேடிக்கொண்டு இருந்தார்கள் .

சாஸ்த்திரம் சொல்வது போல ஆரூடங்கள் அதிகம் வார நாளிதழ்களில் கணனிக்கே இடத்தை ஒதுக்கினார்கள். இராணுவ முன்னேற்றம் எதுவும் மந்தகதியில் மாவீரர்களின் நாட்கள் நெருங்குவதால் எங்கே இன்னொரு களம் திறக்கப்படுமோ ?என்ற அச்சத்தில் இருக்க இன்றசிற்றியில் இரவுப்பயணத்தைத் பண்டாரவளை நோக்கி பயணித்தான்  சேகர் ..

தொடரும்.....