மாயா உனக்காக!!!-1

ஹேமா முகநூலில் ஒரு கவிதை இன்று பகிர்ந்தார் .படம் பார்த்த பின் ஏனோ தனிமரம் எனக்கும் ஆசை வந்தது அதை கிறுக்கலாக இங்கே! யாவும் கற்பனை.. யாரையும் நோகடிப்பது என் நோக்கம் இல்லை!!!! நன்றி ஹேமா

.
///////////

மாயா நீ தான் என்னை!

மலையகத்தின் வீதியில்
மடுவுக்கும் மலைக்கும் இடையில்
மாப்பிள்ளை தகுதி கேட்டாய் ??
மழை பொய்த  அன்நாளை
மறக்கவில்லை.
மலையும் சரியும்
மலையகத்தில்  இயற்கை அழிவு இதயம்
மீரியபெத போல
மனதில் இன்னும் அடைமழை!

மனவேதனை போல நீ துப்பிய
மழைதானோ வார்தையாக
மலையக வீதியில்
மாடிவீட்டில் இருந்து
மாமனார் என்ற தகுதி
மடிப்பிச்சை கேட்க வைத்த கதை!

மாமலை போல ஒரு மாதாதேவி
மருகன் இவன் மடியில் தாங்கிய
மழலை மடுவத்தில்
மார்பில் தாங்கிய கதை எல்லாம்
மலையக பூமியில்
மான்புற்ற ஆசிரியர்கள்
மலரும் அச்சில் எழுதவில்லை!!

மடிந்தாலும் கவ்வாத்து
மருகறை என்று
மாயா  நான் எழுதினேன் உன்னால்!
மா என் முகவரி தமிழில் அறிவாய்!
மா- குதிரை .நான்   மா போல மரம்!
மலரும் பூக்கும் என்றாய் மாயா!
மலர் மலையகத்தில் இடப்பெயர்வு
மழையாக வந்த சேதி சொல்லாமல் விட்டாய்!
மடிக்கணனி உன்னிடம் அப்போது இல்லை!
மழைக்கும் போர்க்கும் சாக்கு
மரணத்திலும் சாக்கு சொல்லுவோம்
மலையக தலைவர் போல!
http://www.newstamilwin.com/show-RUmszBTZKXgq0.html

மாத்தையா வேலைக்கு  வரவில்லை என்று
மனதில் வெட்கி மாமா வடக்கு
மாமி தெற்கு என்று மழை போல
மச்சாள் பொது ஆசையில். ஆனாலும்
மானம் என்ற மழை இன்னும்
மனசில் தூறுது மாயா.

மரத்திலும்  ஆசை மடியில் உன் போல அழகாய்
மகன் அவனுக்கு நீ மாமி போல  இருக்கலாம்  மாயா!
மரணம் உனக்கு மண் சரிவு எனும்  போர்வையிலா
மயக்க மான இந்திரன் போல  அதிகாலையில் வரணும் ??
மன்னிக்கவும் மழையே மீண்டும்
மலைகத்தில் இப்படி மாயா போல வந்து
மனதில் சாரல் வீசாதே !
மலைகத்தில் புலி  என்று மாமியார் வீட்டில்
மாமா பொலிஸ் தந்த பரிசு
மச்சாள் முத்தம்  போல இனிப்பாகாகவோ
மன்சில்  நீ மலையகம் அறிவாயோ??
மடையா இலக்கிய மேதை மோதிரக்குட்டோ
மீசையில் போடவில்லை!
மழித்துவிட்டேன் நான் பறக்கும் பூச்சி
மானம் இழந்த மல்லுவேட்டி மைனர்!!
மச்சாள்  இனையம்
மடிக்கண்னி என்று மார்பிள் தூக்கவில்லை
மாமான் பாஸ்வேட் இன்னும்
மாயாதான்!

மாயா உனக்காக இன்னும்
மலர் போல தூவும் ஆசையில்!
மாலை நேரம் இங்கிலாந்து
மலைச்சாரலில்
மனதோடு மழைக்காலம்.
மலையோரம் பாடல் கேட்கும்
மந்தி!-குரங்கு .மாயா நான்!ம்ம்ம்ம்

 தொடரும் மாயா......
//

மாத்தையா-அதிகாரி சிங்கள மொழியில்
மடையா-முட்டாள்
கவ்வாத்து-தேயிலைச்செடியின் கீழ்ப்பகுதி.
மடுவம்-பிள்ளை பராமரிக்கும் இடம்.

உலக சினிமாவில் நம் நாயகன்.

முகநூலில் சில நேரம் மூழ்கும் போது சில விடயங்கள் சிந்திக்கத்தூண்டும் விடயம் பேசப்படும்.https://www.facebook.com/spp.bhaskaran?fref=photo

 ஆனால் பின்னூட்டம் போட வெளிக்கிட்டால் சில நட்பு கெட்டு விடும் இயல்பு இருக்கு.

 ஆனாலும் கருத்து முக்கியம் என்றால் அதை வலையில் எழுதும் போது இன்னொரு நட்புக்களின் மனக்கிளச்சியை இன்னொரு பகிர்வாக  பதிவு எழுத்தூண்டும் என்பதை பதிவுலகம் அறியும்.( அண்ணாச்சி மெட்ராஸ் சிவகுமாரின் பொங்கியிருக்கின்றார் இங்கே-

Ag Sivakumar

12 மணிகள் · தொகுத்தது · 

தமிழில் தங்களுக்கு பிடித்த கவ் பாய் படங்கள் பற்றி சிலர் சிலாகித்து எழுதி வருகிறார்கள். கங்கா, எங்க பாட்டன் சொத்து, இரும்புக்கோட்டை முரட்டு சிங்கம் என பட்டியல் போடுகிறார்கள். இவ்வகையறா படங்களை பற்றி குறிப்பிடும் உலகசினிமா ரசிகன் 'குதிரையில் பறக்கும் கதாநாயகனோடு நாமும் ஒரு குதிரையில் தொற்றி பயணிக்கிறோம். ஏகாந்த மலைகளில் மல்லாக்க கிடக்கிறோம். புல்வெளிகளில் புணர்ந்து திளைக்கிறோம். நதியின் கரைகளில் கரைகிறோம்' என்று மனசாட்சியின்றி ஏகத்துக்கும் வர்ணித்து தள்ளுகிறார். கொஞ்சம் அசந்தால...

மேலும் பார்க்க

 —உலகசினிமா ரசிகன் )

.

 அந்த  வகையில் இன்று என் நினைவுகளை அசை போடும் விடயம் இந்த கவ்பாய் என்று சொல்லும் மாயமான் உலகு.

. சிறுவயதில் ராணி காமிக்ஸ் படிக்கும் ஆர்வத்தில் இருப்புக்கோட்டை முரட்டுச்சிங்கம். மாயாவி ,படித்தாலும் இந்த மிருக நட்பு கூப்பிட்டால்/விசில் அடித்தால் குதிரை வருமோ தெரியாது,,? ??

 சிவாவில் ரஜனி குதிரையில் போட்ட ஆட்டம் இன்னும் ஞாபகம். அதுக்கு முன் அன்னை ஓர் ஆலயம் யானை என்றாலும்!

 எனக்கு அதிகம் இந்த தென் இந்திய சினிமாவில் கவ்பாய் என்றால் அது நம் மாட்டுக்கார நேசன் என்று நாளிதழ்கள் எள்ளி நகையாடினாலும், திரையில் வாயில்லா ஜீவனிடம் அன்பு; கருணை என்று எல்லா உத்தியையும் இறக்கிவைக்கும் யுத்தியில் இவர் போல யார் இன்று யார் உண்டு ???

குதிரை நம் ஊரில் இருந்தாலும் மாட்டில் தான் முதல் சாவாரி செய்த அனுபவம் இன்னும் மெய்சிலிக்கின்றது .நினைக்கும் போது.!


 எனக்கு ஆங்கில படம் அறிமுகம் ஆகும் முன்னமே தமிழ்ப்படம் தான் அறிமுகம் .அதுவும் மாடுகள் எங்கள் சொத்து. விவசாய பூமியில் அதன்  நினைவுகள் அந்த உயிர்களின் கருணை எல்லாம் வார்த்தையில் வடிக்க முடியாது. நாம் வாழ ஈழத்தில் எத்தனை தம் உயிர்களை இந்த மாடுகள் (கோமாதாக்கள்) கொடுத்த கதைகள் எல்லாம் எழுத வெளிக்கிட்டால் அது சோக காவியம் போல ஆகிவிடும் !

என்றாலும் இன்னும் கவ்பாய் என்றால் சின்னவன் எனக்கு எல்லாம் இவர் தான்.!

இதன் பின் தான் பொன்னியின் செல்வன் வந்தியத்தேவன் எல்லாம் !

 இன்னும் பல படம் இவர்  நடிப்புக்கு ஈடு இணையில்லை.

 இன்னும் நேரம் கிடைக்கும் போது தொடர்வேன்!!இவர் வழிகாட்டிய இந்தப்பாடல் இன்னும் பிரெஞ்சில் சந்தோஸ குத்தாட்டம்.என்ன சினேஹா ஆட வரமாட்டா திரையில்!ஹீ

.