தந்தையை இழந்தவர்கள் அவர்களின் ஆத்மா சாந்தியடையவும் மீண்டும் பிறாவா சொர்க்கத்தில் தில்லைக் கூத்தனின் பாதத்தில் சரணாகதியடைய வேண்டியும். விரதம் இருக்கும் நாள்.!
கங்கையிலும், கடலிலும் நீராடி தர்பணம் செய்வதும் ஆலயங்களில் சிறப்பு பூசையில் கலந்தும் தந்தையின் வீடுபேறுக்கு பிண்டம்,எள்ளும் தண்ணீரும் இறைத்து அவர்களுடனான பந்த பாசம் நீங்கி அவர்களை உறவு நிலையில் இருந்து விடுவிக்கும் திருநாளில் பலர் சிவன் வீற்றிருக்கும் கோயில்களில் சிறப்பாக கலந்து கொண்டு தீபம் ஏற்றுதல், கிரிகைகள் போன்றவை செய்வார்கள்!
தாயகத்தில் இது ஒரு இந்துக்களின் வழிபாட்டுக்குரிய தினம் என எல்லோரும் போற்றியது ஒரு காலம்.!
இன்று புதிய தலைமுறையினர் அப்பன் சாவதெப்ப அமாவாசை பிடிப்பது எப்ப என்று எங்கள் பாட்டிமாரின் முதுமொழியை. வழிமொழிவது போல் இச்சிறப்பு நாள் பற்றிய ஆர்வம் அற்றவர்களாகவும், இவையாவும் ஒரு பித்தல் ஆட்டம் என எண்ணுவது போல் இருக்கின்றனர். !
நம் இதிகாசங்களும் இலக்கியங்களும் ஆடியில் வரும் அமாவாசையின் புனிதங்களை புடம் போட்டு வைத்திருக்கிறார்கள்.
மாதம் ஒரு முறை
வரும் அமாவாசையை தந்தையை இழந்தவர்கள் விரதம் இருக்க முடியாமல் இருப்பவர்களுக்கு ஆண்டுக்கு ஒரு நாளில் .உங்களை இவ்வுலகிற்கு அவதரிக்க மூலகாரணமானவருக்கு நீங்கள் செய்யும் கைமாற்றாக இன்நாள் இருக்கின்றது.
கம்பராமயணத்தில் ராமனும் இலக்குமணனும் விஸ்வாமித்திரின் முன் தம் தந்தை தசதரனுக்கு புண்ணிய நதியாம் சரயு நதியில் தர்பணம் செய்வதை விளக்கமாக காணலாம்.
இன்றும் சபரிமலை செல்லுவோர் புனித நதியான திரிவேணி சங்கமத்தில் முன்னோர்களை நினைத்து தர்பணம் செய்வதைக் காணமுடியும்!
கடலில் நீராடி கடற்கரையில் பூசை செய்வதற்கு வசதியான இடங்களாக கீரிமலை, முகத்துவாரம் போன்ற இடங்கள் இருக்கின்றன.
கீரிமலையில் விரதம் இருப்பவர்களுக்கு பலர் அன்னதானம் இடுவதை கானலாம்.
நிரூபனின் பதிவு ஒன்றில் ஒருவர் எனக்கும் கூறினார் !நீ செய்த முற்பயன் தப்பித்தாய் என்று! அது இப்பதிவுக்கு ஒத்துவரும்.
முற்பயன் தான் நானும் என தந்தைக்கு கருமவினை தீர்க்க பலகாலம் பாதுகாப்பு சிறைவைக்கப் பட்ட கீரிமலை நகுலேஸ்வரம் ஆலயத்தையும் .அதன் அண்டிய விசாலமான கீரிமலைக்கடல் பரப்பிற்கும் வாழ்வில் முதன்முதலில் !சமாதான ஒப்பந்தம் வழிவிட ,கடலில் நீராடி ,சமய நிகழ்வுகளில் கலந்து கொண்டது. என் இரத்த உறவுகளுக்கு கிடைக்காத வரம் எனக்கு மட்டும் கிடைத்தது முற்பயன் தானே என்று பொருள் கொள்ள முடியும்.!
ஆடிமாதம் வந்தால் அமவாசைக்கு கடலுக்கு போய் நீராட புலம் பெயர்ந்த பின் ஒரு முறை தான் சந்தர்ப்பம் கிடைத்தது. (கடல் இருக்கும் தூரம் 400 மைல் )
பின் பல தடைகளும் தடங்களுமாக இன்நாள் கடந்து செல்கின்றது.
இப்புனித நாள் அதிகாலையில் வீட்டில் தோய்ந்து விட்டு வேலைக்கு ஓடுவதில் .இப்போதைய நாட்கள் கடக்கின்றது.
எப்போதாவது ஒரு ஆடி அமாவாசைக்கு மீண்டும் கீரிமலைக்குப் போகனும் இதுவும் மதத்தின் மீது நம்பிக்கையுள்ள ஒரு சாமானியனின் கனவே!
