நிஜம் சொல்லும் கதை

குளிர்கால பின்னிரவில் போட்டிருக்கும் கம்பளிச் சால்வையையும் மீறிய குளிர் காதினை விறைக்கும் அளவுக்கு நடுங்கி கொண்டிருக்க, நண்பர்களின் வாடகை அறைக் கதவினைத் திறந்து உள்ளே வந்தான் ராஜ். மற்ற நண்பர்கள் எல்லாம் அதிகாலை 4.30 எழும்புவதால் நல்ல நித்திரை. சத்தம் இல்லாமல் தனது சப்பாத்தைக் கழற்றியவன் தனது  கைபேசி அழைப்பதை உணர்ந்து கொண்டான் .. உதறும் வண்ணம் ஆழைப்பு மணியினை வைத்திருப்பதால் மற்றவர்கள் நித்திரைக்கு சங்கடம் வராது. எடுத்தவன், மறுமுனையில் அழைத்தது அக்காள் லண்டனில் இருந்து.

என்ன தம்பி வேலைமுடிந்து வந்தாச்சா?

ஓம் அக்கா!

என்னாச்சு வீட்டு அலுவல்..? என்று எடுத்த விடயத்திற்கு வந்தாள்.

ஒரு மாதிரி இந்தவீடு சரிவந்திட்டுது. வங்கியும் வீட்டுக் கடன் தாறன் என்று சொன்னதில் உடனேயே முதல் ஒப்பந்தம் போட்டாச்சு.

இந்த தொடர்மாடி வீடு எடுக்க நான் எத்தனை அலைச்சல்.

. உதைவிட ஊரிலேயே யாழ்ப்பாணத்தைவிட்டு ஓடிவந்திட்டு மீண்டும் போய் இருந்தது போல உழைச்சுக் கொண்டு ஊரில் போய் இருந்திருக்கலாம்!

இங்கால வந்தப்பிறகு தத்துவம் பேசி வேலையில்லை மனிசி வார நேரம் வீடு சரிவந்திட்டுது என்று சொல்லு . உனக்கு எப்பவம் உன் மச்சாளைத் தூக்கி வைக்கனும்.

சரி வீட்டுக்கு எழுத்துக்கூலிஎவ்வளவு ஈரோ ?

15000! என்ர உழைப்பு இந்த எழுத்துக்கூலிக்குப் போதாது நண்பன் சேகரிடம் கடன் வாங்கியிருக்கின்றன்!

ஏண்டா முட்டாள், வேலை செய்யிற வந்து 10 வருசமா உழைச்சகாசு எல்லாம் என்ன செய்தனி? எழுத்துக்கூலிகூட மிச்சம் பிடிக்கத் தெரியல வெளியில் சொன்னால் வெட்கக்கேடு..!

என்ன அக்காள் நீயும் மற்றவங்க மாதிரி கேட்கிறாய்?

வந்து 5 வருசம் அகதி விசா எடுக்க எத்தனை சத்தியக்கடுதாசி மொழிமாற்றல் கடிதம்.. மூன்று முறை வழக்காட நீதிமன்றத்தில் சட்டதரனிக்கு கொடுத்த காசு.. எல்லாம் முதுகு நோக சட்டி கழவி உழைத்தது! தெரியாதா? அப்ப எல்லாம் உயிரோடு இருக்கிறனா இல்லையா என்று தெரியாத உதவக்கரையைத் தேடி மாப்பிள்ளை என்று வரும் மாமா, மாமி, மச்சான்கள் என்று, இப்ப வரும் சொந்தக்களுக்கு கொடுத்த எத்தினை ஆயிரம் ஈரோ.. இதுக்கெல்லாம் கணக்குச் சொன்னதில்லை உனக்கு.!!

டேய் நீ மட்டுமா?  இங்க வந்த எல்லாரும் அப்படித்தான் கஸ்ரப்பட்டு முன்னுக்கு வந்தாங்க, வாராங்க! வரும் போது யாரும் வேட்டி மடிப்பில் முடிஞ்சு கொண்டு வரல.. உனக்கு மிச்சம் பிடிக்கத் தெரியல ஊர் சுற்றினது தான் அதிகம்!

அக்காள் இன்று இருப்பேன், நாளை என் படம் லங்காசிறியில் வருமா என்று தெரியாத அவசர உலகில் ஆனந்தமா சில இடத்தைப் பார்த்தேன். சரி சரி உனக்கு காலையில் பள்ளிக்கு என்ர மருமகன்களை கூட்டிக் கொண்டு போகனும் நித்திரையைக் கொள் நான் பிறகு கதைக்கிறன்.

"இல்லை கொஞ்சம் இரு, மச்சான் கதைக்கப் போறாராம்" என்று கைமாற்றியது பெரிய மச்சானிடம்.

சவா மச்சான்!

சவா மச்சான், என் வீட்டு அலுவல் சரியாச்சா ?

ஒம் மச்சான், அடுத்த மாதம் முதல் தனிக்குடித்தனம் போகலாம் என நினைக்கின்றேன்.

நல்ல விடயம்!

ஒரே வீட்டுக்குள் பலர் சொந்தக்காரங்களுடன் ஒன்றாக இருந்து சண்டை பிடிக்காமல் தனியாகப் போவது நல்லது மச்சான்.
உங்கபோல இங்க (பிரான்ஸு)மூன்று நாலு குடும்பம் ஒன்றாக இருப்பது பிரெஞ்சில் மிகக்குறைவு. சொந்த வீடோ வாடகை வீடோ எல்லாரும் தனித்தனியாகத்தான் மச்சான் இங்க இருந்திட்டுப் போகனும் உங்களுக்கு நான் சொல்லனுமா?

"வீனா கடன் அதிகம் பாடாத வீட்டுக்குத் தேவையான சின்னச்சின்ன தட்டு முட்டுக்களை பார்த்துப் பார்த்து வாங்கலாம். ஒன்றாக எல்லாத்தையும் கடனுக்கு வாங்கிப் போட்டு அதற்கு கடன் கட்ட அதிகம் ஓடி ஓடி உழைத்தால் பின் வாற பொண்டாட்டி உன்ர வேலையைக் கட்டிக் கொண்டு இரு என்று விட்டு ஓடிவிடுவாள்!"

என்ன மச்சான் இப்ப வீட்டில் நிற்பது இல்லை என்றதைக் குத்திக்காட்டிக் கடிக்கின்றீங்க என்று புரியுது.
கொஞ்சம் கடன் இருக்கு சின்ன மச்சானை நீங்க சொல்லியும் கேட்காமல் கடன் பட்டு ஊரில் இருந்து இறக்கி விட்டன். அவன் வெள்ளைத் தோலைத் தேடிக்கொண்டு ஓடிவிட்டான். கொடுத்த காசுக்கு நான் தானே வட்டிகட்டி முடிக்கனும். உதவிக்கு இருக்கட்டும் என்றால் ஊதாரியாகிப் போட்டான். என்ன செய்வது மாமாவுக்காக செய்த உதவி இனிமேல் யாரையும் நாட்டில் இருந்து இறக்க என்னால் முடியாது. இப்பவே இரண்டு வேலை செய்ய முடியாமல் நானே மூச்சு வாங்கிறன். மனிசி வந்தால் அவளுக்கும் இடம் வலம் காட்டிவிடனும், பாசை படிக்க விடனும் என் குடும்பம் என்று ஓடவே காலம் சரி வேற என்ன விசேசம் மச்சான்? என்னடா விடிந்தால் வேலை அவ்வளவுந்தான் கையில் ஒரு ஸ்டேல்லா பீர் இருக்கு நீதான் வீடு வேண்டினதுக்கு பார்ட்டி தரல!

சும்மா போங்க மச்சான் என் பாட்டி இருந்தால் நானும் 25 வயசில் கலியாணம் கட்டியிருப்பன்.

நீ பிரெஞ்சுக்காரிக்கு காத்திருந்ததுக்கு நாங்க என்ன செய்ய முடியும்.

மச்சானுக்கு பீர் கூடிப்போச்சு அடுத்த விடுமுறைக்கு லண்டன் வரும் போது வைனோட வாறன், இப்ப படுக்கப் போறன் மச்சான்.

சரி மச்சான் சந்திப்போம்!

கைபேசி துண்டிகப்படும் போது அடுத்த அறையில் படுத்திருக்கும் நண்பனுக்கு ஊரில் இருந்து அழைப்பு வருகின்றது. அவன் வீட்டுக்காரன் ரிங்டோன் போர்த்திக் கொண்டு படுத்துக்கவா பாட்டு பலதடவை அடிக்கின்றது! அவனோ யாழ்தேவி போல புகைவிடாமல் கொறட்டை... என் அறை நேரம் இப்போது நள்ளிரவு 1.30 காட்டுகின்றது.(யாவும் கற்பனை) /

////
சாவா-பிரெஞ்சில் நலமா.