காற்றில் வந்த கவிதைகள்-6

முன்னர் காற்றில் வீசியவை இங்கே-http://www.thanimaram.org/2016/10/5.html


----------------------------------------------------
துயரங்களைச் சொல்லி
தூண்போல தாங்கும்
துணைவர்களைவிடவும் !
துன்பம் பெருக்கி
தூற்றாமல் !தோள் சாயந்து
துறவறம் போல ஒரு மரத்தடி நிழல் போதும்!
துவண்டமனதுக்கு
தூவானம் வீச!

----------------------------------------------------------------------------------------------------------

அடர்ந்தவனத்தில்

 ஆயிரம் கனவுகளுடன்!

அடுக்கு மரப்பாதையில்

அழுதுவடிக்கும்

ஆசைரோஜாவுக்கும் தெரியும்!

அகதியின் அன்புக்காதல்

அளவிடமுடியாத 

ஆயிரம் பலம் கொண்டது!

ஆசையுடன் வருவேன்

அணைத்து மகிழ 

அசந்து தூங்காதே ஆருயிரே!

----------------------------------------------------------------------------------------------------

பிரியமானவர்களிடம் வரும் 

பிரிவினை என்பது !

பிரிவினைவாதம் போல!-

பிடரியில் தொடங்கி

பிண்டம் வைக்கும் 

பிதிர்க்கடன் போல 

பிறப்பில் அன்புப்

பிச்சையும் ஒரு சாபமே!

பிறவிக் கடன் போல

பிதற்றியே கொல்லும்!

//////////////////////////////////////////////////////////////////////////////////////////////

துணிவே துணையென்று

துணிந்துவிட்டால் ! வரும்

துயரங்கள் மறந்து 

தூய்மையாக 

துடுப்பு வீசலாம்!

தூய்மையான பூமியில்

துவண்டு போகாதே 

துழைத்த காதலில் நண்பனே!///

/////////////////////////////////////////////////////////////////////

விந்தையான பூமியில்

விரும்பி யாரையும்

வில்லங்கம் செய்வதில்லை!

விட்டுச்செல்ல இது 

விதர்ப்ப நாட்டு வேந்தன்

விசிரியும் அல்ல,

விரலுக்கும் வீக்கம் வேண்டும்!

விறலுக்கு இறைப்பதா ?

விலையில்லா அன்புக்கு

வீசுவதா என்ற 

விளிப்பு வரும் போது!

விடைபெற்றுச்செல்கின்றனர்

விடுதலை விரும்பிகள்!