விழியில் வலி தந்தவனே விரும்பியோர்!

வணக்கம் உறவுகளே !

விழியில் வலி தந்தவனே தொடரை தொடர்ந்த தனிமரம் என்ன இன்னனும் சுகியின் நினைவில்  சுந்தர மோகனம் பாடுதோ என்று என்னை ஒரு அன்பு நண்பர் முகநூலில் கலாய்த்தாலும் !

தனிமரம் என்னோடு இந்த தொடரில் கூடவந்தவர்களை கொஞ்சம் சிந்திக்க வேண்டுமல்லவா?? 

பதிவுலகில் தொடர் என்றால் வரும் வாசர்களும் ,பின்னூட்டமும் ,ஹிட்சும் மிகக்குறைவு என்றாலும்! 

சில ஆதங்களையும் ,விடயங்களையும் எழுத்தில் பதிவு செய்வோம் !என்றாவது ஒருவர் தேடும் போது .அது அவர்கள் விழியில் விழும் என்ற  எதிர்பார்ப்பு எனக்கு எப்போதும் உண்டு.

 எங்கள் மண்ணில் நடந்த சங்காரம் எப்போதும் மனதில் ஒரு வலியாக தொடரும். என்றாலும் அந்த நேரத்திலும் சாதாரன மக்களின் மனநிலை என்ன ?ரகு போன்றோரின் கனவுகள் ?சுகி 

போன்றோரின் எதிர்ப்பார்ப்புக்கள் .எல்லாம் எப்படிப்பட்டன என்று ரகு நேரடியாக என்னோடு ஓர் இடத்தில் பகிர்ந்ததை .

சில காலத்தின் பின் தனிமரம் வலையில் சுதந்திரமாக எழுதிய திருப்தி எனக்குண்டு ..அத்தோடு இது விருதையும் தந்து என் வலையை அலங்கரிக்கின்றது..!

ஒவ்வொரு எதிர்பார்ப்பும் பின் வரும் காலங்களில் ஏனோ தடம் புரண்ட ரயிலைப்போல மாறிவிடுகின்றது.

 ரகு ஒரு பாதையில் சுகி ஒரு பாதையில் போனாலும் ஆசையும் ,கனவும் ,காதலும் பாலம் போட அதன் பின் இனவாத யுத்தம் என்ன செய்தது? என்பதை இந்தத்தொடர் அலசியது 

.இந்தத் தொடருக்கும் எனக்கும் சம்மந்தம் இல்லை .என்றாலும் சில கவிதைகள் தோன்ற சுகியும் ஒரு காரணம் .அதை உள்வாங்க ரகுவின் அன்பும் ஒரு  காரணம் .இந்த இருவரும் என்னை அதிகம் அறியாதவர்கள் .

அதுவும் தனிமரம் என்ற வலையில் இதைப்பதிவு செய்வதை ரகு அறிந்தாலும் ,சுகி என்றாவது ஒருநாள் அறியலாம் என்ற நட்பாசை இந்த நொடிவரை இருக்கின்றது.!

 காரணம் இன்னும் ரகு பாத்திரம் தனிமரமாக வாழ்கின்றான் என்பதில் தனிமரம் நேசனின் அன்பும், நட்பும் அவனுக்கு எப்போதும் தொடரும் என்பதில் அசைக்கமுடியாத நம்பிக்கையிருக்கு.

 எல்லாம் அவன் செயல் !

இந்த தொடரின் ஆரம்பத்தில் இருந்து இறுதிவரை வந்த முதல் வாசகர் திண்டுக்கல் தனபாலன் சார் அவருக்கு என் நன்றிகள் முதன் கண் .

பின் தொடர்ந்தவர் யோகா ஐயா அவரைத் தொடர்ந்து கவியாழி கண்ணதாசன்,கவிஞர் பாரதிதாசன்,இவர்களோடு வலையுலகில் நான் பிரமிப்பாக நோக்கும் தொடர் படைக்கும் செங்கோவி ஐயா,மின்னல்வரிகள் கணேஸ் அண்ணா ,தளிர் சுரேஸ் போன்றோரின் ஊக்கிவிப்பு இந்த தொடரை நிதனமாக எழுதக்காரணம் ..

அவர்களைத்தொடர்ந்து அஞ்சலின் ,அதிரா,இளமதி,சீனி,முத்தரசு,மாத்தியோசிமணி,ரெவெரி அம்பாளடியாள்,பூவிழி,பூந்தளிர்,போன்றோரின் ஆதரவு ,மகேந்திரன் ,நாஞ்சில் மனோ,ராச்,நெற்கொழுதாசன் ,பூங்கோதைச் செல்வன்,ஆத்மா, T.M.முரளிதரன் ,ஆதிரா,அருணா செல்வம்,ராச்,கரந்தை ஜெயக்குமார்,போன்றவர்களின் பின்னூட்ட ஊக்கம் இந்த விழியில் வலியை வலையில் ஏற்ற உந்து சக்தி என்றால் !

இந்த தொடரை தொடங்க முதல்க்கருவி ரகுவின் நட்பும் .அவனின் வழிகாட்டல் தடத்துக்கு தனிமரம் எழுத்தாணியாகினேன். இந்த எழுத்தாணி விடும் எழுத்துப்பிழைகளை திருத்திய என் தாய்க்கும், என் மனைவிக்கும் நன்றிகள்.

நான் வேண்டிய வண்ணம் இந்த காட்சிப்படம் வரைந்த நிகழ்வுகள் கந்தசாமிக்கும் என் நன்றிகள்  .

என் தொடருக்கு முகநூலில் விளம்பரம் செய்த நண்பர்கள் தளத்தின் பதிவாளர் ராஜ்க்கும் இந்த தொடரினை முகநூலில் விரும்பி லைக் செய்த உள்ளங்களுக்கும் என் நன்றிகள்.

அத்தனை  உறவுகளின்  ஒத்துழைப்பும் ஊக்கமும் தான் நீங்கள் தனிமரம் வலையில் படித்த இந்தத் தொடர்.!

மிகவும் ரசித்து ஒரு காதல் கதையை எழுத ஆதரவு தந்த ரகுவுக்கும், உங்கள் எல்லோருக்கும் என் இதயம் கனிந்த நன்றிகள்.

எனக்குப்பிடித்த பாடல்களை தந்து உதவிய யூட்டியூப் சமுகதளத்திற்கும் ஒருகோடி நன்றிகள்.:))) 

என்னோடு விழியில் வலி தந்து என்னையும் இதுநாள் வரை  பிரியாத  இந்த ஐபோனுக்கு மொத்த நன்றிகள் இத்தனை உறவுகள் இவள் மூலமே :)))

அவள் கேட்கும் பாட்டு  இதுவோ???:))))

....