மலையகத்தில் முகம் தொலைத்தவன்!-63

வியாபாரம் பழகிய ஒன்று. எந்த தொழிலும் தரம் தாழ்ந்தது இல்லை.

ஆனால் ஒவ்வொரு மனசுக்கும் ஒரு துறையில் விருப்பு வரும் .விரும்பி செய்வதுக்கும் தினிப்பதுக்கும் ஆண்டாண்டு காலம் நம் சமூகம் ஏன் இப்படி இருக்கின்றது .

இனி என்ன செய்வது ராகுல் புரண்டு படுத்த போது. காதோரம் சுகி குசுகுசுத்தால்.

" குண்டா இப்ப என்ன இன்னும் ஒரு 4மாதம்.அது ஓடுவதுக்குள் ரிசல்ஸ் வந்து விடும் ."

அதுவரை இங்க இருக்கலாம் தானே ?

உனக்கு என்ன படம் பார்க்கவும் பாட்டுக்கேட்கவும் தானே கடையில் கஸ்ரம்.

" ஒன்று செய் என் மோதிரம் இருக்கு அதை வித்து ஒரு ரேடியோ வாங்கு அப்பா கேட்டால் எங்கையோ தொலைச்சுப்போட்டேன் என்று சொல்லுறன்"

போடி உனக்கும் சேர்த்து அடிவிழும் .பேசாமல் படு .

கீழ்கட்டிலில் ராகுலும் மேல் தட்டில் சுகிகிடந்தாலும் எங்கள் அன்பு ஒரு துளி களங்கம் இல்லாத ஒன்று .என்பதை அவள் அன்பு உலகம் அறியும் .

யாரும் எங்கள் மீது ஒரு கரும்புள்ளிகூட குத்த முடியாது .

அண்ணாவும் தங்கையும் இருக்கும் பாசம்போல் மச்சான் மச்சாள் பாசம் இருக்கும் வம்சத்தில் வந்ததில் இன்று மூன்றாவது தலைமுறையில் ராகுலும் விலகியது இல்லை.

கலியாணம் செய்துதான் பாசம் காட்டணுமா ?

இன்றும் அவசரத்திற்கு அடுத்த ஊருக்கு கூட்டிக்கொண்டு போக கூட்டிவரும் மச்சான் கூட கேட்பது .

எனக்கு அவசர வேலையிருக்கு இவளை கூட்டிக்கொண்டே விடன் அந்த பயணத்திற்கு .

கூடவரும் துணையும் அறியும் துளி தீயகுணம் இல்லை என்பதை .

எல்லாருக்கும் வாய்க்காத உறவு நம் குடும்பத்துக்கு. .

காலாகாலம் வியாபாரமும் பின் யுத்தமும் பிரிவு தந்த நிலையில் கடையில் இருக்க முடிவெடுத்தான் ராகுல்.

"வியாபாரத்தோடு கணனியும் தேவை இனி வரும் காலம் எல்லாம் பேனாவில் எழுதி பில் கிழிக்கும் காலம் இல்லை மாமா ."

நான் கணனிபடிக்கின்றேன் வாரத்தில் இரண்டுநாள் .

என் சம்பளத்தில் .இதுவரை இலவசமும் பண்டமாற்றுமுறைபோலவும் பள்ளிச்செலவுக்கும் இருந்த படித்துக்கொண்டு வேலை செய்த காலம் போய் .வேலையுடன் கூடிய சம்பளம் கட்டத்துக்கு ராகுல் வந்தான் !

.

திங்கள் மாலையும் ;வியாழன் மாலையும் அதிகம் வியாபாரம் இல்லாத நிலையில் இரு நாட்கள் கணனிபடிக்க வழிகிடைத்து.ஆனால் அது காசு புடுங்கும் ஏமாற்றுவேலை தெரிந்து கொண்டான் சனிக்கிழமை மதியம் கடை மூடப்படும் விரும்பிய நிகழ்ச்சி கேட்கலாம்.

.சனிக்கிழமை மதியம் ராகுல் சாப்பிடும் நேரம் பிற்பகல் நேரம் 2மணிதான் .

காரணம் அந்த நேரத்தில் தான் அபிமான நிகழ்ச்சியைத் தாங்கி வானொலிக்குயில் இராஜேஸ்வரி சண்முகம் வரும் ஒலிமஞ்சரி.

எந்த நடிகைக்கும் நடிகருக்கும் உருகாத ராகுல் .காத்திருப்பது குயிலின் குரலுக்கு .முன்னோட்டமாக வரும் ஒலியைக்கேட்கவே மனம் ஆயிரம் மெட்டுப் போடும் ஒரு வானொலி நிகழ்ச்சியை எத்தனை மாற்றம் வந்தாலும் புதிய தனியார் துறை பல வானொலி வந்தாலும் இ.ஒ.கூ சனிக்கிழமை 2 மணிக்கு ஒலிமஞ்சரி அது தரும் இலக்கிய விடயம் அந்த உணர்வை அனுபவித்த முகம் தெரியாத உறவுகள் பல.

ஹாட்டன் டிக்கோயா மாரிமுத்து சிவகுமார்,ஏறாவூர் ரிஸ்வான்,தர்காநகர் பாயாஸ் ,கனவெல்லை என பலர் கவிதையும் கட்டுரையும் சமையல்குறிப்பு ஒரு நிமிடக்கவிதை ,கதைஎன் 25 நிமிடம் செய்யும் நிகழ்ச்சிக்கு எத்தனை ஆயிரம் நேயர் இருந்தார்கள் என்பதை அவர்களின் நிகழ்ச்சி 10 வருடத்திற்கு மேலான வெற்றி சொல்லும்.

அது என்ன திரட்டியின் தீர்ப்பா ?குழு ஓட்டும் உதவியிலும் ஊக்கிவிப்பிலும் முன்னுக்கு வர

.அதில் வருவது சிந்தனைத்துளிகள் பின் கவிதை அதில் கூட கவிதை வருமா என பலர் நாட்டின் பலபாகத்தில் இருந்து அனுப்புவார்கள் .

அதில் தெரிந்து எடுத்து வரும் கவிதை கேட்க எழுதி அனுப்பிய முகம் தெரியாதவர்கள் எல்லாம் காத்திருக்கும் குரல் ரஜேஸ்வரியின் குரல்.

அவரின் வருகை இல்லாத போது அதை சந்திரமோகனும் ,கலிஸ்ராலூக்கஸ் மட்டுமே செய்தார்கள் .

பலமுத்துக்கள் இருந்த இடத்தில் இவர்கள் எல்லாம் திமிங்கிலம் என்பதா ?இல்லை ஜாம்பாவான்கள் என்பதா?

அதில் புனைபெயரில் எழுதிய கவிதை வருகின்றாதா என்ற ஆவலில் அவன் அன்று சரோஜா மாமி வைத்த ஆட்டுக்கறிக்குழம்பை விட அதிகம் சுவைத்தான் .

அவன் பெயரும் அவன் கவிதையையும் அந்த குயில் வாசித்த போது அவன் நினைக்கவில்லை.

அந்தக்குயிலை அதே கூட்டில் பின் ஒரு நாள் சந்திப்பான் என்று .

அந்தக்குயில் வழிவிட்டுப்போக அடுத்து வருவார் சந்தனமேடையோடு ஆர்.சந்திரமோகன் .

இவரின் கணீர் குரலில் தான் ஈழத்து நம்மவர்பாடல் ,நம்மவர் இசையில் நம்மவர் பாடும் சந்தனமேடை வரும் இந்த
நிகழ்ச்சியின் போது யார் கடையைத் தட்டி ஏதாவது சாமான் அவசரம் வேண்டும் என்றால் ராகுல் சொல்லும் பதில் முதலாளி இல்லை.

பிறகு வாங்கோ என்று தான் .

கடையில் இருக்கும் உள்வழியாக வெளியில் இருப்போரைக் காணமுடியும் கமரா வரமுண்ணமே ஓட்டை போட்டு கதவு வைக்கும் பழக்கம் வியாபாரச்சமுகத்தில் இருந்தது.

அப்போது அந்த நிகழ்ச்சியின் ஆர்வத்தில் முதலாளி இல்லை என்று செல்லன் மாமாவுக்கு சொன்னதன் விழைவு கடையில் இருந்த ரேடியோ குப்பையில் போனது .

வானொலிக்கவிதைக்கு மூடுவிழா அத்தோடுதான் .

அதன் பின் வாசிப்பு மட்டுமே பொழுது போக்கு நூலகத்தில் அவனும் ஒரு உறுப்பினர்!

அங்கு இருப்போர் எல்லாம் அதிகம் சகோதரமொழி காப்பாளர்கள் .

ஆனால் பல சகோதரமொழி நூல் இருக்கு பதுளை நூல் நிலையத்தில்! இருப்பது மிகவும் சிலநூறு கதை நாவல் புத்தகம் தான் .அது அவர்கள் தவறு இல்லை .

சுனில் கவஸ்கர் எத்தனை சதம் அடித்தார் என்றும் !குஸ்பூ பிரபுவுடன் குடும்பம் நடத்தியபோது குழந்தை பெற்றாவா என்று ஆராய்ந்த வாசிப்பாளருக்கு .

ஒரு கூடைக்கொழுந்தில்!எந்த பதிப்பகம் வெளீயீடு செய்தது, ஏரிக்கரை தினகரன் ஞாயிறு வாரமஞ்சரியில் துங்கித்தைச்சாரலில் வரலாற்றுத் தொகுப்பு எழுதும் பேராசிரியர் சு.வித்தியாநந்தன் யார் ?என்று தெரியாது.

இதுதான் பொழுது போக்குக்கு பத்திரிகை பார்க்கும் வாசிப்பு கூட்டம் என்றால் !

கதைப்புத்தகம், நாவல் ,பயணக்கட்டுரை வாசிக்கும் சகோதரமொழி வாசகர்கள் அதிகம் .

அந்த நூலகத்தில் அதுவும் பலர் பள்ளிக்கூட வயதினார்.இதில் இருக்கும் கம்பெரலியவும் வீசிதலவும் எப்போது தேடினாலும் கிடைக்காது அந்தளவு வாசிப்பு வட்டம் .சிங்களவர்.

அதிகம் என்பதால் வெளியில் போய் விடும் .

இதில் லொக்குபண்டார கதைத் தொகுப்பு பிரபல்யம்.

இவர்தான் பின் நாட்களில் இலங்கை பாராளமன்ற சபாநாயகர் என்பதும் முக்கியமாக பதிவு செய்ய வேண்டும் .

ஊவா வரலாற்றில் கலைக்கு தொண்டு செய்த அரசியல்வாதிகளில் அவர் பெயரும் மொழிகடந்து பதிவு செய்யவேண்டும் .

இவர்கள் எல்லாம் சகோதரமொழி நூல் பக்கம் இருக்க.

நம்தாய்மொழியில் இருக்கும் கம்பன் ,வள்ளுவன்,உலவியல் நா.பிச்சமூர்த்தி,கரித்துண்டு மு.வா,மோகமுள் தி.ஜானகிராமன் வன வாசம் கண்ணதாசன்,நாட்டியதாரா எண்டரீவீர்மூர்நாத். யாழ்கலைஇலக்கியவட்டம் தொகுப்பு செம்பியன் செல்வன்,கவ்வாத்து தெளிவத்தை ஜோசப்,தமிழ் ஓவியன் கவிதைத் தொகுப்பு பதுளை கலை இலக்கியவட்டம்,என நீண்ட நூல் பட்டியல்.இருக்கும் பக்கம் வரும் வாசகர்கள் என்பது விரல் விட்டு என்ன முடியும்.

திரட்டியில் நல்ல படைப்புக்கு ஓட்டுப் போடும் நல்ல உள்ளங்கள் போல !

இதில் வியாழன் நூல் எடுக்க முடியாது.

இரண்டு புத்தகம் எடுத்தால் புதன் கிழமை எப்படியும் கொடுத்து விடும் வாசகன் ராகுல்.

இரவு இரவாக சகோதரமொழி சின்னத்திரை நாடகம் பார்த்தாலும் விடிய விடிய வாசித்துவிட்டு விடியல் பொழுதில் கோழித் தூக்கம் போடும் வாசகன் .

சுகி வந்து ஏண்டா இந்த புத்தகம் எல்லாம் படிச்சிட்டியா குண்டா ?

என்று கோப்பி தரும் போது தூக்கம் வரும்.

அதைவிட ஒரு சொல் கேளீர் நூலில் ஜெயக்காந்தன் இந்திய நடுவன் அரசுக்கு வக்காலத்து வாங்கின்றார் ஒரு அரசியல் வாதியின் இன்னொரு முகம் தெரியாமல் .

இவர்தான் நடுநிலையான எழுத்தாளரா?

என்று எழுதி வைத்த பின்குறிப்பில் .

வாசித்தமா போய்க்கொண்டே இருக்கணும் ஏன் இப்படி இவர்களுக்கு எல்லாம் முன்னுரிமை கொடுக்கின்றீங்க ?

புத்தகம் வாசிக்க வேண்டுமே தவிர அதில் கிறுக்கி உங்க கருத்து என்ற போர்வையில் பின்னூட்டம் இப்படியா எழுதுவது ??

கேள்விக்குறியோடு போட்ட கை எழுத்து கல்பனா .

யார் கல்பனா என்று ஜோசிக்கும் போது ?

 தொடரும் .........

//
இசையில் ஒரு புதுமை இளையராஜா
இயக்கத்தில் ஒரு புதுமைமனிரத்னம்
பதிவில் ஒரு பார்வை அம்பலத்தார் ஐயா எல்லாருக்கும் என் இனிய பிறந்தநாள் நல்வாழ்த்துக்கள்(-2/6). வாழ்த்த வயசில்லை உங்களின் காலத்தில் நானும் சுவாசிக்கின்றேன் உங்கள் படைப்புக்கள் ஊடாக!