மலையகத்தில் முகம் தொலைந்தவன் -- -எழுபத்தைந்து

குருவே சரணம் என்பது சராணகதி தத்துவம். குருவின் வழியில் தான் தெய்வத்தைக்காண முடியும். இது புரிதலில் இருக்கும் நிலை. சரனாகதியில் எப்போதும் சந்தோஸம் பிறக்கும் மனதுக்கு . 


அப்படித்தான் யசோ டீச்சரிடம் ராகுல் மன்னிப்புக்கேட்டான்". மன்னிச்சிடுங்க டீச்சர் தப்பு செய்து இருந்தால் . " "இல்ல ராகுல் நான் எதுவும் மனசில் வைத்துக்கொள்ளவில்லை படிப்பிக்கும் முறை வெவ்வேறுதானே . சந்தோஸமாக இருக்கு எல்லாச் டீச்சரும் ராகுல் இப்படி செய்யமாட்டான் என்று சொல்லும் போது கேட்க சந்தோஸம். யுத்தத்தால் ஓடியந்து வசதியான இடத்தில் இருந்துவிட்டால் படிக்க நல்ல வசதி இருந்தும் சிலர் படிக்கணும் என்ற படிக்கும் ஆர்வம் எல்லாருக்கும் வராது இல்லை நீங்க நல்ல பரீட்சை செய்யணும்!


 எனக்கு ஹட்டனில் வேலை நிரந்தரமாக கிடைத்திருக்கு நாளை ஹட்டன் போறன் .

சீலா சொன்னால் கடையில் வேலை செய்து கொண்டுதான் படிக்கின்றீங்க என்று! நல்ல நண்பர்களில் சிலர் மோஸமானவங்கள் இருப்பார்கள் தானே !


" இல்ல டீச்சர் என் நட்புக்கள் முக்கிய உறவுகள் யார் என்று எனக்கு ஒரளவு தெரியும் .மற்றும்படி ஓடும்புளியம் பழமும் தான்.


 "இனிமேல் ராகுலைக் காணும் போது நல்ல பெறுபேறு எடுத்து நல்ல படிப்பு படிக்கும் மாணவனாக பார்க்கணும்


." இல்ல டீச்சர் இதுக்கு மேல நான் யாரையும் படிப்புக்கு! செலவழிக்கச் சொல்லும் எண்ணம் இல்லை. இதே எனக்கு போதும்.!! ஆமினா டீச்சரிடம் போகணும் நான் விடைபெறுகின்றேன்.. சரி ராகுல் எப்ப சரி ஹட்டன் வந்தால் டீச்சரைப் பார்க்க வரணும் சரியா . நிச்சயம் டீச்சர்! 




ஆமினா டீச்சர் மதம் மீது அதீத பற்றும் எல்லாரும் கவனமாக படிக்கணும் என்ற தூய நோக்கத்தில் இருக்கும் ஆசிரியை. அந்த டீச்சர் கோபம் அதிகம் வரும் போது மாணவர்களை திட்டுவது கொஞ்சம் ரோஸம் வரவேண்டும் என்றதான். அதனால் மாணவர்கள் படிப்பார்கள் என்று ஆனால் அது எல்லா மாணவர்களுக்கும் புரியாது. சிலருக்கு பிடிக்காது. தங்களை இழிவாக நினைக்கின்றா என்ற பார்வை சில மாணவர்களுக்கு. மதவெறி டீச்சர் என்று சிலர் நினைப்பது ஆனால் இந்த ஆசிரியர் வீட்டில் ஒரு இந்து மாணவன் வாடகைக்கு இருந்து படித்தான். மதவெறி டீச்சர் என்றால் இது எப்படிச் சாத்தியம்? 

கலைத்தாயின் பல புதல்வர்கள் இன்று பல தேசத்திலும் பல பெரிய பதவியில் இருக்க அந்த ஆசிரியரின் ஆரம்பகால ஆங்கிலம் தான் காரணம். 


அவரிடம் படித்த மாணவர்களுக்குத் தெரியும் அந்த ஆசிரியையின் சித்தாந்தம் .அரபுலகில் 5 வருடம் ஆசிரியர் பணி செய்துவிட்டுத்தான் கலைத்தாயின் கல்லூரியில் கற்பிக்க வந்தது. 


அறிவுச் சோலையில் இருந்து வந்து ஆங்கிலம் படித்த பூக்களுக்குத் தெரியும் அந்த ஆசிரியையின் சமுக கணிப்பு.


 அதனால் தான் ராகுல் ஆமினா டீச்சரிடம் மரியாதை அதிகம். உயர்தரத்தில் மாணவர்தலைவர்கள் என்ற பதவி பலருக்கு கிடைக்கும் ஒரு உயர்பதவி .அந்தப்பதவி கிடைக்க கூடாது என்பதில் குமரன் சேர் செய்த சதியை ஆமினா டீச்சர் சொல்லியிருந்தா தனிப்பட்ட முறையில்


ஆனால் அதுக்காக நீ யாரோடும் முரண்படாத அது எல்லாம் வெறும் ஆளுனர் பதவி போல டம்மிதான் என்று அந்தளவுக்கு டீச்சர் புரிந்துணர்வு மிக்கவா.


 அதனால் தான் ராகுல் .அயிசா சுகுமாரை விரும்புவதைப்பற்றிக் கேட்டபோது உண்மை சொன்னது . 


"ஓம் டீச்சர் அவங்க ரெண்டுபேரும் காதலாம் .நான் சொல்லிப் பாத்திட்டன் இருவரும் இரு பிரிவுகள் என்று ஆனால் கேட்கும் நிலையில் இல்லை .நீங்க ஒருக்கா அயிசாவுக்கு கூப்பிட்டுச் சொல்லுங்க.


" சரியல்லா நீங்க போய் அயிசாவ வரச் சொல்லு.

 வெளியில் ராகுல் வந்து சுகுமாருக்கும் சங்கருக்கும்  எல்லா உண்மையும் சொல்லியிருந்தான். அன்று வகுப்பில் பாடங்கள் ஒழுங்கா நடக்கவில்லை. பள்ளி முடிய நேராக அறிவுச் சோலைக்கு டியூசன் போகும் வழியில் .


சுகுமாரிடம்.! "மச்சான் அயிசா விடயம் நமக்கு ஒரு பிரிவைத் தரும் போல இருக்கு .வேண்டாம் இந்த விளையாட்டு "


 ",வாயை மூடிக்கிட்டு வா அது எல்லாம் நான் பார்க்கின்றன் .நான் கோழையில்லை உன்னைமாதிரி"


 ஓ அப்படியா !உன் விதி அப்படி என்றால் நான் ஒன்றும் செய்ய முடியாது .


 ஏண்டா இப்படி சரியான பயந்தாங்கொள்ளி நீ ?


 "போடாங்கோ சண்டை வந்தால் அடிவாங்கினால் சுருட்டுக்கடையில் நீயோ வேலை செய்வாய் ? "


சரி நமக்குள் ஏன் வாக்குவாதம் .நீ உன் வழியில் வா ,நான் என் வழியில் வாரன் வகுப்புக்கு"


 ஏன் என்னால் தனியாக அறிவுச் சோலைக்குள் போக முடியாதோ ? 


முடியும் முடியும் அங்குதானே உன் இதய தேவதை தனியாக கரும்பலகையோடு பேசிக்கிட்டு இருப்பா? 


என்ன லவ்டுடே படம் ராத்திரிப் பார்த்தியோ ?


சேம் டயலாக வருகின்றது.
 ம்ம் !!


ஆளுமை என்பது ஊறிவரணும் கடையில் வாங்கும் தண்ணீர் அல்ல காசு கொடுத்து பதவி வாங்க .தன் திறமை எப்படி என்பதை தயக்கம் இன்றி வெளியில் சொல்லணும் .அது கல்பனாவிடம் இருக்கு 42 பேர் படிக்கும் இடத்தில் மற்றப்பூக்கள் அச்சம், நாணம் என்றும் தயக்கம் ,தெரியாது மற்றவர்கள் குறை கூறுவார்களோ ?என்று ஒதுங்கும் போது. சரியோ ,பிழையோ முன்னுக்கு வந்து கரும்பலகையில் எழுதுவது நல்ல விடயம் தானே !


அதைப்போய் கரும்பலகையோடு பேசுறாள் என்று ஆணாதிகமாக பார்க்கதா. 


நீ தயங்கும் போது நான் தானே கணக்கு போடுகின்றேன் வசந்தா டீச்சர் வகுப்பில் . டீச்சர் எங்க ரெண்டு பேரையும் மாறி மாறி விடுவது மற்றவர்களும் முன்னுக்கு வரணும் என்ற தூர நோக்கில் தானே.


 "இது மட்டும் நல்ல பேசு. 


ஆனால் கல்பனாவிடம் வழி."


 சொல்ல வேண்டியது தானே!


. எண்ணத்தை ? 


இதோ பாருடா ஜோக்கு. 


அதுதான் ஜொல்லுவிடுறீயே அவளைப்பார்த்து நீ செய்யும் ஒவ்வொரு செயலையும் நானும் பார்க்கின்றேன். போடா அப்படி ஒன்றும் இல்லை !


அந்தப்பிள்ளை நல்ல பிள்ளை. 


அயிசா மாதிரி இல்லை இதுதான் உன்பழக்க தோஸமே எங்கே தொடங்கி எங்கேயோ முடிச்சுப் போடுவது. 

". நீயே சொல்லு என்னோட ,சங்கரோடு  வரும் போது கல்பனா தூரத்தில் வரும் போது பின்னால் வரும் நீ .காதல் தேசம் வினித் போல முன்னல் வாரதும் அவா எதோ தபு போலவும் செய்யும் அலப்பறை  தாங்க முடியல. கல்பனா வணக்கம் சொல்லுவதும் காற்றுப்போன வண்டிபோல நீ வணக்கம் சொல்லுவதும் .! 

"போடா விசர்க்கதை கதைத்தால் உன் நட்பையும் விட்டுவிட்டு போய்விடுவன் சொல்லிப் போட்டன் " "சரி சரி கோபிக்காத வா அறிவுச்சோலை வந்துவிட்டது உள்ளே நல்ல பொடியங்களாக போவம் .அப்புறம் உன் வில்லன் இமேஸ் கமடியன் போல ஆகிவிடும்" நான் சொன்னனா ஹீரோ என்று? நீயா ஏதாவது .கற்பனை பண்ணினால் நான் என்ன செய்யமுடியும் சுகுமார்.? அன்று உள்ளே போகும் போது நினைக்கவில்லை அடுத்துவரும் நாட்கள் நட்பு என்ற ஆலமரத்தில் பிரதேசவாதமும் மதவாதமும் வேரோடு சாய்க்கும் நட்பை என்று!

தொடரும்