மலையகத்தில் முகம் தொலைந்தவன்...-76

பெண்களுக்கு இடையில் ஏற்படும் சண்டையில் எப்போதும் ஆண்கள் தானே பாதிக்கப்படுகின்றார்கள் .சூர்ப்பனகை மூட்டிய தீயில் இலங்கேஸ்வரன் தலைகுனிந்தான். அது போல !

பிரியாவுக்கும் அயிசாவுக்கும் குமரன் சேர் டியூசன் வகுப்பில் ஏற்பட்ட வாக்குவாதம் முடிவில் பிரியா மொட்டைக்கடிதம் போட்டால். விமலா டீச்சரின் கைகளுக்கு கிடைக்கும் வண்ணம். 

சுகுமாரும் ஆயிசாவும் ஒரு குடைக்குள் குலாவும் வண்டுகள். அவள் பர்தா விளக்கி பூ வைக்க நினைக்கும் காதல் காளை. குங்குமம் வைக்க நினைக்கின்றான் மூடியிருக்கும் பிறை நெற்றிக்குடும்பத்தில் போய் .

வீபூதி பூசும் இவன் நிக்கா செய்யும் நிலையில் நீங்கள் என்ன மாமா மகனை வளர்க்கும் முறை. இது எல்லாம் எப்போதும் இரட்டை மாட்டு வண்டி போல வரும் ராகுலுக்கும் தெரியும் . . !

மூட்டிவிட்ட தீயில் அறிவுச்சோலையின் வகுப்பு அமைதியாக இருந்த நிலை புரியாமல் விளையாட்டாய் போய் இருந்தோம் இருவரும்.

 .நல்லூர்த் தேர்த்திருவிழா சந்திரிக்காவின் வெற்றி நிச்சயம் ஆமியின் ஆக்கிரமிப்பால் அமைதியாக நடந்ததேர்த்திருவிழா போல வகுப்பறை அமைதியாக இருந்தது. 

பங்கீட்டுக்கணக்கு எப்போதும் பல தெரியாத கணியங்களை தேட வைக்கும் .விடையாக நிறுவாகங்கள் ஒதுக்கி வைக்கும் பங்குகள் விற்பனைக்கு விடுவதால் வரும் அதிக இலாபம் சரியாக கணிக்க வேண்டும். கணக்கு சரியாக கணிக்க முடியவில்லை! ஆனால் காதல் மட்டும் கணிக்க முடியுதோ ?

 மலைமகள் ,திருமகள் ,குலமகள் ,மருமகள் ,எல்லாம் நல்லா பூகுந்து விளையாடுது யார்? 

அந்த மகள் தக்கன் மகள் தாட்சாயிணியா? தர்கா போகும் தாஹீர் பாய் மகளா ? என்ன தம்பி ராகுல் புதுக்கவிதை எல்லாம் புரட்சி செய்கின்றீங்க போல !என்று வசந்தா டீச்சர் வீசிய தொப்பி நிச்சயம் சுகுமாருக்குத் தான் என்று புரியும் ராகுலுக்கு..

 ஆனால் இவன் கவிதை எழுத மாட்டானே? கொப்பியை கொடுத்து விட்டிருந்தேன் அதில் இருந்தது எப்படி எனக்குத் தெரியாமல் . அப்போது சுகுமார் பார்த்தான் மச்சான் அதை அயிசாவிடம் காட்டியிருந்தேன் .நம்ம பயல் கவிதை எழுதுகின்றான் என்று அது எப்படி சம்திங்க ரோங்க பேசாம இரு வகுப்பு முடியட்டும்.

 ம்ம்ம்

 பங்கீட்டுக்கணக்கு பகுப்பாய்வு செய்தது. எப்படி இந்த விடயங்கள் எல்லாம் விளம்பரம் செய்தார்கள் சட்ட முத்திரை இல்லை. சம்மந்தப்பட்ட அதிகாரி ஒப்பம் இல்லை. ஆனால் நிறுவாகத்தில் இருக்கும் கறுப்பாடு யார் என்ற ஜோசனையில் இருக்கும் போதே விடைகள் சில நேரம் விரைந்து வராத கடுகதி உடரட்டதபால் ரயில் போல மெதுவாக வரும் .ஆனால் வரும் விடை. 

. வகுப்பு முடிந்து வெளியில் வரும் போது வசந்தா டீச்சர் இருவரையும் நிற்கச் சொன்னா வழமைக்கு இது மாறு.

 என்றாலும் எல்லாரும் போனபின் வந்தா 

."என்ன சுகுமார் நான் எதாவது பேசி இருக்கின்றேனா ?நம்ம யாரு ஏன் மற்றவங்கள் நம்ம கேலி பேச வைக்கணும் . இப்படி ஒரு கடிதம் வந்திருக்கு என்று நீட்டிய கடுதாசி எழுதியவள் எழுத்து முகம் பரீட்சையமான எழுத்து இருவரும் உணர்ந்து கொண்டோம் எழுதியது பிரியா என்று. 

உண்மையும் ஒப்புக்கொண்டால் பின் அவள் சுகுமார் வசைமழையில் வாடிப்போனது அவள் முகம்மலராமல்! 

இவன் தனியே போனது அன்று தான் .

அடுத்த பாடம் பொருளியல் தொடங்க இருக்கும் போது வீட்டில் வேற அலுவல் இருக்கு என்று அவன் தனியே போனது பிரியாவை திட்ட என்று அன்று ராகுலுக்குத் தெரியாது. 

உண்மையில் குமரன் சேர் வகுப்பு நடத்தும்க கலைத்தாயின் சிறிய பள்ளியில் ஒரு நாளும் ராகுல் போனதில்லை. அங்கே சீலா மற்றும் பெரிய மச்சாள் படிப்பதால் எப்போதும் அவன் ஒத்துப்போவதில்லை. இவர்களுடன். 

இவர்கள் வழி வேற பேரம்பலத்தாரின் பேரன் வழி வேற என் சாம்ராய்சியத்தில் சகல விடயமும் வசந்தா டீச்சரிடம் பேசலாம்.

 ராகுலின் சிறியகாலம் முதல் இன்றுவரை அறிந்த குடும்பம் என்பதால் ராகுல் குமரன் சேரிடம் போகவில்லை .அப்போது. 

ஆனால் சுகுமார் பேசிய வார்த்தைகளின் சுவடு வீட்டில் சூறாவளி ஆக்க காத்திருந்த நிலையில் தான் .!

 கல்பனா எரிமலைக்குழம்பு இருக்கும் நாடுகள் பட்டியல் கரும்பலகையில் எழுதிக்கொண்டு இருந்தால் 

. ராகுல் புவியியல் படிக்கவில்லை ஆனால் பார்த்துக்கொண்டு இருப்பான் அடுத்த பாடம் பொருளியல் தொடங்கும் வரை. 

அதிலும் ஒரு சுகம் திருத்தி எழுதிய தீர்ப்புக்களும் ,வில்லோடு வா நிலாவேயும் இந்த இடைக்கட்டத்தில் தான் வாசிப்பது .இது எல்லாம் வசந்தா டீச்சருக்குத் தெரியும் . நாட்டியத்தாரா எண்டரி வீரமூநாத் வார்த்தையில் விளையாடும் திறமையை கரும்பலகையில் காட்டுவாள் கல்பனா . 

அவள் எப்போதும் இரட்டைப் பின்னல் தான் போடுவாள் .ஒருநாள் மட்டும் ஒற்றைக்கொண்டை போட்டு வந்தால் எப்போதும் அறிவுச் சோலை உடையில் வரும் பூ அவள். அனால் ஒரு நாள் சேலையில் வந்தால்.முக்கிய ஒருத்தரின் திருமண இணைவுக்கு ராகுலும். அவளும் குழுவாக நின்றது  அந்தப்படத்தில் தான்   எல்லாம் சுகுமார் கவனிக்காத ஒன்று .அவன் தான் அல்லாவின் ஆணைப்படி என்று ஆகிவிட்டானே! 

வசந்தா டீச்சர் வந்து சொன்னா .

 "தம்பி ராகுல் நீங்க சரி ஒரு வார்த்தை சொல்லி இருக்கலாமே? நம்பித் தானே நண்பர்கள் என்று சேர விடுகின்றம். கொஞ்சம் ஜோசியுங்க படிக்கின்ற நேரத்தில். இப்படி எல்லாம் அதுவும் இந்த அறிவுச் சோலைக்குள் இப்படி ஒரு கடிதம் போடும் அளவுக்கு?

" சுகுமார் விடயத்தில் இந்தப்பிள்ளைகள் இப்படிச் செய்கின்ற நிலையில் நான் எப்படி இனி படிப்பிப்பது." இது ஒரு பாரதூரமான விடயம் ஒரு தலைமையாசிரியர் என்னை நம்பி விடும் போது நானும் அந்த மரியாதையை காப்பாத்த வேண்டும். எனக்கு இந்த டியூசன் கொடுக்கணும்!என்ற விருப்பம் எல்லாம் இல்லை படிக்கின்ற பிள்ளைகளை ஊக்கிவிக்கணும் என்பதே ஆசை. ஏன் தெரியுமா ?

நாங்க படிக்கின்ற காலத்தில் இருந்த கல்வியின் வளர்ச்சி முன்னேற்றம் இன்மை எதிர்கால சந்ததிக்கு வரக்கூடாது என்பதே! .

இந்த சமுகம் படிக்காமல் இருந்த நிலையை இனி வரும் சமுகம் மாற்றம் செய்யணும் .மாற்றம் ஒன்றே மாறாதவிதி மறக்கவில்லைத்தானே ராகுல்? 

என் இத்தனை வருசத்தில் பல பையன்கள் வந்தாங்க .எனக்கு பிரச்சனை வரல ஆனால் முதல் முறை உங்க ரெண்டு பேரலாலும் இப்படி ஒரு கடிதம். இனி மேல் விருப்பம் இல்லை என்றால் குமரன் சேரிடம் போய் படியுங்கோ.

 எனக்கு எந்த மனக்கஸ்ரமும் இல்லை எப்படி விருப்பம் என்று நாளைக்கு சுகுமாரோட பேசிப்போட்டு வாங்கோ. இப்ப போகலாம் ராகுல். நல்ல பிள்ளைகளுக்கு அறிவுச் சோலையில் எப்போதும் வாசல் திறந்து இருக்கும் ராகுல் . 

பின்னேரம் மந்தாரம் என்பதால் நூலகம் போகாமல். சுருட்டுக்கடைக்கும் போகாமல் வீட்டை போனது தான் மிகப்பெரிய பிழை என்று ராகுலுக்குத் தெரிந்தது 

. வாழ்க்கையில் மாமா வீட்டையும் இன்னொரு தாய் வீடு என்று நினைத்ததன் தவறினை அன்று இரவு புரிந்து கொண்டான். ! அதே நேரம் நண்பர்கள் வீடுகளில் எல்லாம் இரவுப் பொழுது நம்பிக்கை வாக்கெடுப்பில் தோற்றுப்போகுமா சந்திரிக்கா அரசு இல்லை, பாராளமன்றம் கலைக்கப்படுமா என்ற ஆட்சி நிலையினைப் போல பிரகாஸ் அம்மா சட்டச் சிக்களை நண்பர்களிடையே தோற்றிவித்தா. தன்ற மகனை மலையக உறவுகள் சீரழிக்கின்றது என்று .சொல்லியதன் விளைவு அந்த இரவு புயல் வந்த வீடுகள் சுகுமார்,தயாளன்,தினேஸ், பிரகாஸ், ராகுல்!

தொடரும்.