மலையகத்தில் முகம் தொலைத்தவன்!-45

புதுவருடங்களும், புத்தாண்டு வாழ்த்துக்களும் தரும்  இனியையான ,சுகமான ,குதுகலம். பலருக்கு தொடர்ந்து நிலைப்பதில்லை .தேடிவைத்த செல்வம் போல .

ஆனால் நினைவுகள் மட்டும் அழியாமல் நெஞ்சுருக்கும் வரை நிலைத்திருக்கும் என்றால்.

 அனோமாவோடு  கொண்டாடிய புத்தாண்டு 1993 வாழ்வில் வசந்தம் என்பதா.?

 அதிகாலையில் ஆற்றில் குளித்துவிட்டு சுபநேரம் பார்த்து கடை திறந்து நாள் வியாபாரம் செய்தார் செல்லன் மாமா.

புதுவருடம் என்றால் பலர் வந்து வெற்றிலை, பாக்கு வாங்கிச் செல்வார்கள்.

 புகையிலை விலை ஏற்றம் அதனை வாங்க முடியாத ஏழைமக்களுக்கு புகையிலையை துண்டு துண்டாக வெட்டி துண்டுப்புகையிலை ஒவ்வொரும் 1 ரூபாயில் இருந்து 5 ரூபாய்  வரை விற்ற காலத்தில்  கூட புதுவருடம்  சிறப்பாக கொண்டாடினவன் ராகுல் .

செல்லன் மாமா புது உடை வாங்கிக்கொடுத்தார் ,

தங்கமணி மாமா தனியாக உடுப்பும் அன்பளிப்பாக காசும் கொடுத்தார் .

.புத்தாண்டு நேரம் மூத்தவர்களுக்கு வெற்றிலை கொடுத்து ஆசிர்வாதம் வேண்டுவது சகோதர மொழி பாரம் பரியம்.

 செல்வம் மாமி தென்னக்கோன் தாத்தாவிடம்(மாமியின்  அப்பா )ஆசீர் வாதம் வாங்கிய பின்.

 தங்கமணி மாமாவீட்டில் தங்கி இருந்த அனோமா தான் வாங்கிக் கொடுத்த புத்தாடை அணியாமல் இருந்தாள் இனிக் கதைக்க மாட்டேன் .

எப்போதும் நீ உடுத்தும் சாரத்தை விட இந்த உடுப்பு போட்டுப்பாரு என்று அவள் வாங்கிக் கொடுத்த நீலக்கலர் டெனிம் டவுசர். போட்டு .

தென்னக்கோன் தாத்தாவிடம் இருவரும் சேர்ந்து ஆசி வேண்டிய போது இருந்த சந்தோஸம் எழுத்தில்


வடிக்கமுடியாத பரவசம்.

 பெரியவர்கள் எப்போதும்! அன்பான வார்த்தையில் சொல்வார்கள் எப்போதும் சந்தோஸமாக இப்படியே சேர்ந்து இருக்க வேண்டும் என்று.

 ராகுலும் தான் ஆசைப்பட்டான்! பங்கஜம் பாட்டியிடம் இருவருமாக சேர்ந்து காலில் விழுந்து வாழ்த்து வாங்க வேண்டும் ஜோடியாக என்று!

இந்தக்காலில் விழும் கலாச்சாரம் அரசியலில் தரம் தாழ்ந்து போய் இருக்கு இன்று.

 ஆனால் மூத்தவர்களிடம் காலில் விழுந்து வணங்குவது என்பது  அவர்களின்  பாதத்தில் இருந்து தான் அடுத்த பாதைகள் எது என்பதை தேடல்மூலம் தெரிந்து கொள்ள முடியும்

.அடுத்து வந்த நாட்களில் அனோமாவும் ,துசாரியும் செல்வம் மாமியும் பதுளையில் இருந்து. தங்கமணி மாமாவின் வானில்  கொழும்பு போய் ஊரைவிட்டும் இந்த நாட்டைவிட்டும் புலம் பெயர்ந்து போய்விட்டார்கள்!

கழுதை தேய்ந்து கட்டெறும்பு ஆனா கதைபோல அனோமாவும்  ராகுலின் எண்ணங்களில் இருந்து மறைந்து போய் விட்டாள்

! பருவம் கடந்து பங்கஜம் பாட்டியின் பேர்த்தி என்பதைக்கடந்து.


அந்தக் குடும்பத்தில் மீண்டும் உறவைப் புதுப்பிக்க நினைக்கவில்லை.

 மீண்டும் ராகுல் அவளை இப்படி ஒரு நிலையில் பார்க்கும் நாள் வரும் என்று அன்று அவன் நினைக்க வில்லை!

அவன் மனதில் அவள் ஒரு உறவுப்பாலமாக வருவாள்  என்று நினைதிருந்தான் .தீர்வு த்திட்டம் கிடைக்கும் என எண்ணும் தமிழர் போல ஆனால்.

அவனும் புலம் பெயர்ந்து வந்த போது விதி எழுதும் கதைகள் பல கனவாகிப் போகின்றது .
பாசம்!
--------
அதோ பார் வட்ட நிலவு
இதோ பார் என் குட்டி நிலவு
நீயும் சாப்பிடும் போது
அவளுக்கும் ஊட்டிவிடு.

அந்தநிலவு அன்று!
எங்கே அந்த நிலா என் வாழ்நிலா
வாழ்க்கையுலா பால்நிலா பார்க்கவேனும்
நொந்து பின் தொலைந்து தேடிவந்த நிலா
அம்மா சொல்லிய பெட்டைநிலா!
அருகில் இருந்து ஊட்டிய மாமியின்
கரங்களில் பாசத்துடன் ஊட்டுகின்றாள்
இதோ பார் மகளின்பேரன் அந்த நிலவும்
இந்தமாமா நிலவும் தேய்ந்து போவார்கள்
பாசம் தேயாது ஊட்டிவிடுகின்றாள் பாற்கலவை((fromages)!!
இருண்டது என் வானம் வெளிச்சது நிலவாக நீ!
அதுவும் யாழ்ப்பாணம் அதிகம் மச்சாள்மார்களிடம் தான் மண்டியிட வைக்கும் வாழ்க்கையை.

 ஏன் தெரியுமா ? தேவதைகளும், தோழிகளும் ,தெவிட்டாத உறவும் இந்த மச்சாள்கள் தானே! சில ராட்சசிகளும் உண்டு என்றாலும் மச்சாள் பாசம் போகாத ஒன்று! அதை உணர்ந்தவர்களுக்கு!

 தொடரும்......
.
//குறிப்பு-தங்கமணியின் வானில் பதுளையில் இருந்து. அன்று  புலம் பெயர்ந்து போன இன்னொரு குடும்பத்தின் குழந்தை. குமரியாகி ஒருவனுக்கு காதலியாகி கண்ணாப்பூச்சி காட்டிய கதையைத் தான் உருகும் பிரெஞ்சுக்காதலி தொடர் சொல்லவரும் கதையாகும்!

///இந்தக் கவிதை விருது கொடுத்தது தனிமரத்திற்கு ஆனால் ராகுலுக்கு  நான் கொடுத்து வருடங்கள் சில அப்போது  அவன் உருகிய சந்தோஸத்தைவிட விருது மகிழ்ச்சியாக இருக்கு  நேசனுக்கு அதுதான் மீண்டும் சேர்த்துவிட்டேன் .