மலையகத்தில் முகம் தொலைத்தவன்-41

ஆட்டோவில் இறங்கி பொலிஸ் நிலையத்துள் நுழைந்தார் செல்லன் மாமா ,செல்லம்மா அம்மாவும் ,ராகுலும் வெளியில் இருக்கும் போது !

எங்கள் கடைக்கு வரும் அந்த அதிகாரியும் ,செல்வம் மாமாவும் வெளியில் வந்தார்கள்.

தேக்கி வைத்திருந்த துயரத்தை எல்லாம் கண்ணீருடன் பகிர்ந்தா  செல்லம்மா பொலிஸ் அதிகாரியிடம்..

தன் கணவன் இன்னொரு துணை தேடிப்போன போதும் தான் சமையல் வேலை செய்து, வீட்டு வேலைகள் செய்து ,படிப்பித்த தன் மகள் மனதை .

காதல் என்று சொல்லி சீரலிக்கும் அந்த கயவன் மட்டக்களப்பு வாசி என்றும் .

எனக்குத் தெரிந்து நண்பர்கள் என்று நம்பினேன் !கடைசியில் காதலாம் என்று சொல்லி இந்தக் கடிதத்தை எழுதி வைத்துவிட்டு என் மகள்  அவனோடு போய் விட்டாள் !

நீங்கதான் ஐயா தேடிக்கண்டு பிடித்துத் தரணும் என்றாள்!

 பொலிஸ் அதிகாரி அங்கே பல காதல் லீலைகளைக் கண்டவர் என்ன செய்யலாம் என ஜோசித்தவர் .

எங்கே தேடலாம் என நினைத்தாரோ !

ஏம்மா அந்தப்பையணுக்கு நண்பர்கள் இங்க யாரும் இருக்கிறாங்களா ?
"எனக்கு தெரியாது ஐயா "

அப்போது அவருக்கு நினைவு வந்திருக்கும் போல !

வெளியூர் வாசி என்றாள் தங்கி இருப்பது வாடிவீட்டில்(ரெஸ்ஹவுஸ்) .

என்று தொலைபேசியில் ஏதோ விசாரித்து விட்டு எங்களை ஆட்டோவில் வரச் சொல்லிவிட்டு அவர் !

தன் அரச வாகனத்தில் .சிலநிமிடத்தில் வந்து சேர்ந்தது .

பதுளையில் முக்கிய சந்தியில் இருக்கும் அந்த ரெஸ்ட்ஹாவுஸ் .

அங்கே இறங்கியதும் தன் காலவர்களிடம் சொல்லி அனுப்பிய சிலநிமிடத்தில் எதிரே வந்தார்கள் சிந்துஜா அக்காவும் ,அவகூட ராகுல் முன்னர் பல தடை பார்த்த இக்பாலும். !

இக்பால் மட்டக்களப்பில் இருந்து வந்து   காமன்ஸ் இல் மேற்பார்வை செய்யும் வேலை செய்தார்!

செல்லம்மா அழுதபடியே சிந்துஜா அக்காளுக்கு கன்னத்தில் அறைந்து சண்டைபோட்டா!

கெஞ்சினா .

இந்த காதல் வேண்டாம் வெளியில் ஊர் சிரிப்பார்கள் ,என் வளர்ப்பை எண்ணி .

இவன் எந்த ஊர் ?ஒரு தகவலும் தெரியாமல் இப்படி சந்திசிரிக்க வைத்திட்டியே .

பாவி மகள் .

தம்பி உன்னை கையெடுத்துக் கும்பிடுகின்றேன்!

 அவளை விட்டுவிடு .

ஐயா நீங்க சொல்லுங்கோ ?

என்று பொலிஸ் அதிகாரியிடம் சொல்லி அழுத போது அவர் சொன்னார் .

"அவர்கள் பெரியவர்கள் என்னால் ஒன்றும் செய்ய முடியாது .
 சட்டத்தில் அவர்களைப் பிரிக்க முடியாது .ஆகவேண்டியதைப் பாருங்கோ என்றுவிட்டு அவர்  போய்க் கொண்டே இருந்தார்"

செல்லன் மாமா இக்பாலிடம் எவ்வளவோ சொல்லிப்பர்த்தார்.

 பாய்த் தம்பி இந்த பிள்ளையை விட்டுப் போய்விடு. உன்னை நம்பி உன் குடும்பம் அங்க இருக்கும் .

ஊர் விட்டு இப்படி வந்து உன் வாப்பாவுக்கும் கெட்ட பெயர். வாங்கிக் கொடுக்கப்போறீயா ?

நீ கும்பிடும் மார்க்கம் தாண்டி. இந்தப் பிள்ளையைக் கூட்டிக்கொண்டு போய் உன்னால் சமுகத்தோடு ஒத்துப் போகமுடியுமா ?

இதோ பாருங்க .மிஸ்டர்.

 இந்த விடயத்தில் நீங்க மூக்கு நுலைக்காதீங்க.

 எங்களுக்குத் தெரியும் எங்க வாழ்வைப் பார்த்துக்க.

 நீ போகலாம் என்று செல்லன் மாமாவிடம் அநாகரிகமாக இக்பால் பேசும் போது  .மாமா இப்படி யாரிடமும் அமைதியாக அவமானப்பட்டதில்லையே.?

 இக்பால் படித்த பட்டதாரியாக இருக்கலாம் .

ஆனால் செல்லன்மாமா  .அவரும் ஊரில் சண்டியர்தான்  .
இயக்கம் வந்த பின் தான் வம்புகளுக்குப் போனதில்லை.

ஆனால் பெண் வாழ்க்கை என்று மெளனமாக இருந்தார்.

செல்லம்மா மகள் என்றும் பாராமல் காலில் விழுந்து மன்றாடினா.

 வந்துவிடு வீட்டை இந்த இடத்தில் இருக்க வேண்டாம் என்று .

அருகில் சாராயக்கடையில் இருந்த பெருங்குடிமகன்கள், குடிமகன்கள் எல்லாம் வெளியில் நடக்கும் கூத்தைப் பார்த்துக்கொண்டு இருந்தார்கள்.

 தொட்டுக்கொள்ள நல்ல கடலை பைட்ஸ் போல இந்த காதல் விவகாரம் அவர்களுக்கு இருந்திச்சு

.இனியும் பேசிப்பயனில்லை என்று விட்டு செல்லன் மாமா ராகுலையும் செல்லம்மாவையும் வாங்கோ போவம் என்ற நடந்து  முக்கிய வீதியில் கடந்த போது  !

வீதியில் சுருட்டுக்கடை வைத்திருக்கும் பலர்  மாமாவிடம் விடுப்பு கேட்டார்கள்.

 சிலருக்கு இந்த செய்தி ஆரம்பத்திலேயே தெரிந்து இருந்தாலும் .ஏன் கதைப்பான் என்று இருந்து விட்டார்கள்.

செல்லம்மா பல
நாட்கள் வீட்டுவேலைக்கும் போகாமல் வீட்டுச்சிறையிலே இருந்தா.

 சிந்துஜா அக்காள் இக்பாலுடன் கொழும்புக்கு ஓடிப்போனது அந்த தாயிக்கு அவமரியாதையாகிப்போனது.


 ஓடிப்போகும் போது இக்பால் செய்த செயல் .

மதம் கடந்து அவனை அல்லா மன்னிக்கவே மாட்டார்

. அவன் செய்தது அவன் மீது ராகுலுக்கு வெறுப்பை மட்டும்மல்ல கொடுத்தது !

பலி வாங்கணும் என்ற ஆவேசத்தைதும் தான்.

இரு அப்பாவிகள் வாழ்க்கையில் அவன் வைத்தது.கொள்ளி!!


தொடரும் ..........................
//
விடுப்பு-விநோதம்-
பைட்ஸ்-தொட்டுக்கொள்ளும் ஊறுகாய் போல