மலையகத்தில் முகம் தொலைத்தவன் --52

சமாதான தேவதையும், தூதுவன்களும் தமிழர் வாழ்வை கேள்விக்குறியாக்கியதற்கு  ?பேரினவாதம் என்ற கயிறு கட்டி இழுக்கின்ற நிலையில்!

 சந்திரிக்காவின் ஆட்சியில் ஏற்பட்ட பேச்சுவார்த்தைகள் .தோல்வியில் முடிந்தது .பெரியவர்கள் பேசவேண்டிய இடத்தில் பெரும்பான்மை அனுப்பியது அடிமட்ட செயலார்கள் தானே !அதுவும் லயனர்பெர்ணண்டோவுக்கு ஏது அதிகாரம் கையில் இருந்தது  சாமானியனும் கேட்கும் விடயம்!?

மக்கள் பலர் இந்த சந்தர்ப்பத்தை பயன்படுத்தி.

வன்னியில் இருந்தோர் வயதுக்கட்டுப்பாட்டு வேலிதாண்டி கப்பல் மூலம் போகச்சிலர் திருகோணமலையில் வந்து நின்றார்கள்!

முத்தாச்சிப்பாட்டியும் எல்லாரையும் வன்னியில் விட்டு விட்டு தான் ஊருக்குப் போறன் என்று வந்ததும் .

செல்லன் மாமாவும் ,ராகுலும் பதுளையில் இருந்து போனார்கள் திருகோணமலைக்கு.

பயணங்கள் பல விதம் அமைவது அவர்களின் தேவையின் நோக்கத்தைப் பொறுத்துத் தானே?

 செல்லன் மாமா ராகுலை ஊருக்கு அழைத்துப் போகும் முன்னரே சொல்லிவிட்டார்.

" ஊருக்குப் போன பிறகு வரமாட்டன் அங்கேயே இருப்பன் என்று பாட்டியை கட்டிப்பிடிச்சுக் கொண்டு நின்றாய் "

செவிட்டில் போட்டு இழுத்துக் கொண்டு வருவன் !
சொல்லிப் போட்டன் .

ஒழுங்கா வந்துவிடணும் சரியா!

"சரி மாமா என்று அவன் சொல்வதைத் தவிர அப்போது வேற வழியில்லை."

 பள்ளிக்கூட தேர்ச்சி அட்டையில் பாதுகாவலர் கையொப்பம் போடும் உரிமை அவரிடம் இல்லையா எங்க ஐயா கொடுத்து விட்டார் .

அதனால் தான் ராகுலுக்கு ஐயாமீது அதிகம் மனவருத்தம் இருந்தது.

 தன் பிள்ளைகளை தங்களுடன் வைத்திருக்காமல் யுத்தம், போராட்டம் என்றதுக்காக மற்றவர்களிடம் விடும் போது வரும் மனவேதனைகள் விடயங்களை ஏன் புரிந்து கொள்ளவில்லை ஐயா?

 யாழ் சமுகத்தில் இருந்து வந்த   செல்லன் மாமாவுக்கு தெரிந்தது எல்லாம் நல்லாப் படி .படி.

 அதுமுடிய சுருட்டுக்கடையில் வந்து வேலை பழகு.

 வெளியில் சுத்தாதே !

 அதிகாலை 4.45 எழும்பி இரவு 11 மணிக்கு  நித்திரை கொள்வதும் வியாபாரமும் தான் வாழ்க்கையா?

 என்று ராகுல் சிந்திக்கும் காலத்தில் இருக்கின்றான் என்று புரிந்துகொள்ள வில்லை அவர்.

தன்  மனதில் அடுத்த முதல்வர் வாரிசாக ராகுல் விருப்பம் இல்லாமலே .

சுருட்டுக்கடை வியாபாரத்தை கொண்டு நடத்தும் எல்லாத் தகுதியையும் கற்றுக்கொடுத்தார்.


சமையலில் தொடங்கிய வாழ்க்கை ஊர் போக வெளிக்கிடும் போது பில்போடுதல் முதல் கல்லாப்பெட்டியில் இருக்கும் தகுதி வரை பழக்கிவிட்டார்.

கல்லாப்பெட்டியில் யாரையும் உடனடியாக விடுவது இல்லை சுருட்டுக்கடையில்.

அதில் நிதானம் ,நேர்மை ,முக்கியம் இவை இல்லாத போது முதலாளி தொழிலாளி ஆகிவிடுவார்!

 .பில் போடும் போது கிராமத்து வியாபாரிகள்  சகோதரமொழியில் பற்றிச்சீட்டில் மறந்து போகாமல் எழதிக்கொண்டு வருவார்கள்.

 முன்னர்  தீவார்கள் பட்டணம் போவது என்றால் வேட்டியில் முடிச்சுப் போட்டுப் போவதுவ போலத்தான் !

இதை எல்லாரும் வாசிக்க மாட்டார்கள் ,புரிந்துகொள்ளமாட்டார்கள் . இப்படி சுருட்டுக்கடையில் இருக்கும் முதல் தலைமுறையினர் பலர் .

அதனால் தான் அடுத்த தலைமுறை அந்த தவற்றினை விடக்கூடாது என்ற கண்டிப்போடுதான் செல்லன் மாமாவும் ராகுலை சிங்களம் படிபடி  என்று படிக்க விட்டது .

அவர் ஒன்று நினைக்க அவன் ஒன்று நினைத்தான் !

 கவிதையும் கட்டுரையும் உள்ளத்தின் வெளிப்பாடு சொல்ல முடியும் என்று எண்டரிவீரமூர்நாத்தும், ஜெயக்காந்தனும் ,தெளிவத்தை ஜோசப் ,மாத்தளை சோமு எல்லாம் சுருட்டுக்கடையில் பாக்கு வெட்டும் போதும் பார்த்துச் சிரிப்பார்கள் .

முதலாளி சாப்பிடப் போட்டார் வந்து  ஒரு பக்கத்தைப் புரட்டிப்பாரு வாழ்க்கையில் புது அனுபவம் கிடைக்கும் என்பதைப்போல இருக்கும் .

இதைப்பார்த்தால் முதலாளி மாமாவோ மருமகன் என்றும் பார்க்காமல் மருமகனுக்கும் மீசை வந்துவிட்டது  என்றும் ஜோசிக்காமல் துப்புக்கட்டையால  சாமரம் வீசுவார் முதுகில் .

படிக்கிற வயசில் கண்ட கண்ட புத்தகம் படிக்கிற ஆளைப்பாரு !

ஒழுங்கா சாதாரண தரம் பரீட்சை முடிக்கலையோ .

"சுருட்டுக்கடையில் வெற்றிலைத் தட்டுக்கு வெற்றிலை
அடுக்க வரும் சொல்லிப்போட்டன் "

.அடுத்த கடை வந்திருக்கு.

 படிப்புக்கு இன்னும் ஒரு வருசம் தான் இருக்கு .சரியா.

அவரின் அடுத்து வரும் செந்தமிழ்கள் எல்லாம் யாழ்ப்பாணத்து அர்ச்சனைகள்!

சினிமாப்படம் பார்க்க விடமாட்டார் ,சினிமாப்பாட்டுக் கேட்டால் கெட்டுப் போய்விடுவான் ,கதைப்புத்தகம் ,கவிதை வாசித்தால் !

ஏன் ?வீரகேசரியில் மாத்தளை சோமு எழுதிய ஒரு தோட்டத்து நாதஸ்வரம் தொடருக்கு விரும்பிய கருத்தினை கடிதம் மூலம் அனுப்ப முடியாது .

அவர் எண்ணத்தில் அந்தவயதில் கடிதம் வரைந்தால் அது காதல் கடிதம் தான் என்று நினைப்பில் இருப்பார் .

அதனால் தன்னோடு அருகில் கல்லாப்பெட்டியில் இருக்கும் படி கட்டுப்பாடு போட்டார் .

இவர் போட்ட கட்டுப்பாட்டுக்களை எல்லாம் தாண்டி அவன் பள்ளியில் இருந்து தன் விருப்பங்களை  புனைபெயரில் நிறைவேற்ற உதவியவன் நகுலேஸ்தான்!

அவனின் பிரிவில் தான் இடையில் சிலரின்  நட்பு முகங்களையும் கண்டுகொண்டான். ராகுல்.

 எந்த  செல்லன் மாமா ராகுல் மீது இலக்கியப்பக்கம் திரும்பக்கூடாது என்று கட்டுப்பாடு போட்டாரோ .

அவரே பார்த்தீங்களா ?
இன்று என் மருமகன் அமைச்சரிடம் பரிசு வாங்கும் படம் வந்திருக்கு.
 நாளிதழலில்  என்று சொல்லி பின் நாட்களில் மகிழ்ந்த போதும் அவன் அதே கடையில் வேலைக்காரன் தான்!

ஆனாலும் அப்போதும் கட்டுப்பாடு நீ இந்தகடையைத் தான் செய்ய வேண்டும் என்று .

இதைச் சொல்லிச் சொல்லியே  பதுளையில் இருந்து திருகோணமலைக்குப் போய் அங்கிருந்து  கப்பல் ஊடாக பயணித்து  பயணம் வாழ்வில் மறக்கமுடியாத கப்பல் பயணம்.

பங்கஜம் பாட்டியைப்  பார்த்த போது! இருந்த உணர்வுகளுக்கும் ,பாசத்திற்கும் எப்படி சொல்லில் செதுக்குவது ?

எப்போதும் பாட்டிமாருக்கும் பேரன்களுக்கும் இருக்கும் உறவை இடையில் இருக்கும் தகப்பன் ,தாய் ஒன்றும் செய்ய முடியாது .

அவர்கள் கூட்டணி பாசமழைகள்!

யுத்தம் பாட்டியின் அழகில் உடலில் மாற்றம் காணவைத்திருந்தாலும் பாசத்தில் பேராண்டி வந்திட்டான் என்று கோழி   உரித்து கறிவைத்தா  .

நேவிக்காரன் வந்தாலும் திமிரோட ரோட்டில் இருந்து.

 முத்தாச்சி  என்ர பேரனைக்கூட்டியந்து நெஞ்சில் பால் வார்த்துப் போட்டாய் .

உன்ர பேர்த்தியைத் தான்  விட்டுட்டு வந்திட்டான் இந்த செல்லன் !

நாட்டு நிலமையில் விரைந்து போகணும் அம்மா  என்று  செல்லன் மாமா வந்த விடயத்தை செயலில் செய்யத் தொடங்கினார் .

.ராகுல் இங்க  வாடா!

தொடரும்!

செவிட்டில்-காதில் அடிக்கும் செயல்-யாழ்வட்டாரமொழி!




//