மலையகத்தில் முகம் தொலைத்தவன் --56

கோயில் திருவிழாக்களில் தான் மனம் குதூகலிக்கும் .

நாஸ்திகம் பேசுபவர்களும், ஆத்திகம் பேசுபவர்களும் ,ஆரவாரத்துடன் பார்க்கும் விழா இந்த அம்மனின் வீதி உலா .!

தீவில் இருந்து வந்த மச்சாள்மார்களுக்கும் ,மாமிமார்களுக்கும் சகோதரமொழி தெரியாது அப்போது .

அதனால் அவர்களை பின் தொடரும் வேலை ராகுலுக்கு செல்லன் மாமா சொல்லியது.

 இவர்களுக்கு முதலில் எங்கே வீதியின் பெயர் என்றே தெரியாது .ஊருக்குப் புதுசு .

.தீவில் தேர்திருவிழா என்றால் குடும்பங்கள் ஒன்று சேர்வது போல இருந்த  காலம் யுத்த நிலையாலும் ,பாதுகாப்பு பிரதேசம் என்றும் எங்கள் குலத்தெய்வம் சிறைப்பட்ட பின் .

அதே சாயலில் இருக்கும் அம்மனைக்கான மனதில் ஆனந்தம் வரும் .

பரம்பரையாக தேர்த்திருவிழா செய்தவர்கள் ,விடுபட்டாச்சு ,

வலிகள் தந்த நினைவுகளால் கோயில் போகாத நிலை இருந்த மனங்களுக்கு கொஞ்சம் மறுமலர்ச்சி கொடுத்த கோவில் தேர் வீதியில் வரும் நிலை.

 தீவில் தேர்கள் எல்லாம் உள்வீதி, வெளிவீதி மட்டும் வரும் எப்போதும் .

முதல் முறையாக மச்சாள்களுக்கும் மாமிமார்களுக்கும் சிதம்பர சக்கரம் பார்த்த உணர்வு .காளி அம்மன் வீதி உலா வரும் காட்சி!

 கோயில் இருப்பது நகரில் இருந்து அன்னளவாக 4 மைல் தொலைவில் .

உடரட்டை ரயிலைப்போல நடந்து சென்றால்  1 மணித்தியாலம் பிடிக்கும் ,யாழ்தேவியாக வவுனியாவில் இருந்து காங்கேஸன் துறை போகும் வேகத்தில் சென்றால் 35 நிமிடத்தில் ரொக்கில் போய் சேரலாம் .

ஆலயத்திற்கு ஆண்டுக்கு ஒரு முறை அந்த அம்மனே அன்பர்ளுக்கு நகருக்கு வந்து தர்சனம் கொடுக்கும் காட்சி .அழகர் ஐயா ஆற்றில் இறங்க மதுரை வரும் அழகைப்போல இருக்கும்!

வீதி உலாவுக்கு அம்மன் ரொக்கிலில் இருந்து பசரைவீதியூடாக காம்ன்ஸ்தாண்டி விகாரக்கொடை வந்தால் .

முதலில் புத்தனின் வாசலில் இருக்கும் யானை மணியடித்து வணங்கி
நிற்கும் .யானைப்பாகன் மகோ பத்தினி தெய்யோ ! என்று பாதம் குனிந்து வணங்கி நிற்பான் .

அம்மன் மெதுவாக வருவா நல்ல படங்கள் சத்தம் இல்லாமல் தியேட்டருக்கு வருவதைப்போல .

அது நீண்டு வங்கி வீதி ,கீழ்வீதி ,ஊடாக நகருக்கு வந்து பஸ்தரிப்பு நிலையம் தாண்டி பாசார் வீதி ஊடாக வலம் வந்து !

அந்த வீதியில் வரும் போது தான் அமைதியாக வந்தவர்கள்.

 தேருலாவில் தங்கள் இன்னொரு முகத்தை  காட்டுவார்கள் .

மைக்டெஸ்ரின் ,வணக்கம் உறவுகளே !!

ரொக்கில் காளியம் தேர் ஊற்சவம் இப்போது இந்த வீதியில் இருந்து உலாவந்துகொண்டிருக்கின்றது ,

மலையகசேவையூடாக அம்மனின் பெருமைகளை,
" மலைகள் எங்கள் கலைமகள்  "
ரொக்கில் காளியம்மன் வீதியுலா சிறப்புக்களை சேர்ந்தளிக்க
என்னோடு சக அறிவிப்பாளர் சீத்தாரமனிடம் ஒலிவாங்கியை கையளிக்கின்றேன் !"

நன்றி முத்தையா ஜெகன் மோகன் என்று அவர் விடைபெறும் விடயத்தை மச்சாளுக்கு காட்டும் போது !

ராகுல் சொல்லுவான் .

இஞ்ச பார்த்தியோ நேரடி அஞ்சல் நடக்குது .

இவர்தான் சீத்தாராமன். அறிவிப்பாளர் , நாடக எழுத்தாளர் ,வானொலி நாடகம் செய்வார் .

முத்தையா ஜெகனின் பாடல்கள் வித்தியாசம் , அவரும் ஒரு கவிஞர் தெரியுமோ ?

"ஏன்டா நீ அப்ப இங்க படிக்கிறதே இல்லையா "

இப்படியே ஊர்சுத்தியே பழகப்போறீயோ ?

இரு சித்தப்பாவிடம் சொல்லிக்கொடுக்கின்றேன் .

நீ சொன்னால் பயமோ ?

இப்படியே விட்டுட்டு ஓடினால் உனக்கு வீட்டை போகத்தெரியுமோ ?

இடம் தெரியாதவிடங்களில் விட்டுவிட்டாள் மச்சாள்மார்கள் வாயை அடைக்கலாம் என்பதை தெரிந்த பின் தான் ராகுல் அவர்களுடன் வம்பளப்பது.

வா இங்க பார்த்தியோ.

 இது தான் கரகம் .

நம்ம மூக்கையா ஆடும் ஆட்டம் பாரு .

என்று மச்சாளுக்கு காட்டும் போது .

எங்க பார்க்க?

 இவ்வளவு கூட்டமாக இருக்கு

."கூட்டம் மூக்கையா ஆட்டம் பார்க்க இல்லை ."

"முத்தழகு தட்டு எடுக்கும் போது கரகத்தின் சிறப்பைப் பார்க்கும் சிலபார்வைகள்

"சில்லறையாக அவளின் ஆட்டத்திற்கு சுருதி மீட்டும் ,

இலங்கையிலும் கரகம் ஆடும்  கலைஞர்கள் .நாவலப்பிட்டி ,ஹாட்டன் பதுளையில் மடுல்சீமைப்பக்கம் இருக்கின்றார்கள் .

இவர்களுக்கு ஊக்கிவிப்பு இல்லாத நிலையில் தான் .

இந்த கரகாட்டம்   ஆடும் கலைஞர்கள் எல்லாம் இன்று அரபுலக்கதில் வேறு தொழில்லில் இருக்கும் வேதனையை என்ன சொல்வது ?

 தாய் ஏற்றிவிட்ட பூங்கரகத்தை ஆடும் முத்தழகு .

குலமகள் அவளை விலைமகளாக பார்க்கும் சில கூட்டம் இந்த வீதி உலாவில் !

ஆடவந்த பின் அம்பலத்தில் ஆடினாலும் ,அந்த வீதியில் ஆடினாலும், ஆட்டக்காரி என்று சொல்லும் உள்ளங்களுக்குத் தெரியாது !

அந்த முத்தழகு வீட்டில்  இருக்கும் வறுமை நிலை .

மூத்த அக்காள் கலியாணம் தள்ளிப்போகும் நிலை.

 மூக்கையாவின் கலைமீதான ஆர்வம் தான் அவரை ஊர்தாண்டி நாவலப்பிட்டியில் கரகம் ஆடிவந்த காமாட்சியை கைபிடித்து கரகாட்டம் ஆடும் ஜோடியாக பல மலையக கோவில்களில் கரகம் ஆடும் நிலையைப்பற்றி!

கரகம் ஆடப்போவதால் அடிக்கடி விடுப்பு எடுப்பதால் தான் செல்லன் மாமா வேலைக்கு வரவேண்டாம் என்று நிறுத்தியது .

எங்கே கண்டாலும் மூக்கையா  ராகுலுக்கு வாசிக்க வேண்டியருவார் ஞானம் சஞ்சிகை, அகிலம் சஞ்சிகை என அதற்கு பரிசாக கொடுப்பது வெற்றிலையும் பாக்கும் தான் !

கொஞ்சம் வெள்ளைச்சுருட்டான திரிரோஸ்!

 அப்போது கரகம்  ! பார்க்க தோழில் தூக்கிய மச்சாள் சுகியும்  அவள் தோழில் சின்ன மச்சாள் ரதியும் தூக்கியிரிக்கும் போது  !

சரோஜா மாமி திட்டுவா .

"இறக்கிவிடு அவளை ,தோழில் எத்துறவயசா அவளுக்கு .

சும்மா அவளோடுட தனகாத .

நல்ல காலம் என் அம்மா பார்க்க இங்கு இல்லை இல்லையோ !

இந்தக்குமரியை இப்படி வளர்க்கிறீயோ ?என்று ஒப்பாரி வைப்பா "

சும்மா இருங்கோ மாமி  .

அவள் சின்னவள் குழந்தையில் இருந்து தூக்கும் எனக்கு சுகியின் பாரம் எல்லாம் ஒருமூட்டை கோர அரிசியும் வராத ,அக்காளும் ,தங்கையும் என்ன ஒரு புகையிலைச்சிற்பம் பாரம் கூட இல்லை .


கரகாட்டம் தெரியவில்லை தூக்கிக்காட்டினால் என்ன ?

இவளை நான்  விழுத்தியா போடுவன் .

மீசைமுளைச்சாலும்  உனக்கு அறிவு வளரல பெரியமச்சாள் பொறுமும் போது புரிந்து கொண்டான் .

அவளைமட்டும் தூக்கிறீயே சுகியோடு மட்டும்தான்  தூக்குக் காவடியோ ?

ஏன் உன்ற கொப்பர் சொல்லியிருந்தாரே மறந்துவிட்டியோ ?

குடிகாரன் மகன் கிட்ட வரமுடியுமோ என்ற மோள் கிளிமாதிரி என்று!

நான் பேரம்பலத்தார் பேரன் .

ஏதோ பாவம் கோயில் திருவிழா காட்டச் சொன்னதால் கூட வந்தன்.

 ஐயா வழியில் செம்பு எடுக்கமாட்டன்  எப்போதும் மச்சாள் .

ஓ அப்படியோ ?

பார்ப்பம் முதலில் பரீட்சையில் யார் பாஸ் ஆகுவது !

என்று இன்னும் 6 மாதம் இருக்கு  அடுத்த கடை போட எங்க அப்பாவும் வருவார் !

சுருட்டுக்குப் பாணிபோடுவது நீதான் .

அன்றே பெரியமச்சாள் முகத்தில் கரிபூசணும் என்று காத்திருந்தான் ராகுல்  !

இந்தப் பெரிய மச்சாளும் ராகுலும் ஒரு மாதம் வயது விதியாசம் ராகுல்  மூப்பு .

அவள் பெண்கள் கல்லூரியில் சாதாரண தரம் சேர்ந்து இருந்தால் .

சுகி போல அவளும் ,அவள் தங்கைகளும் அங்கே தான் படித்தார்கள் .

 வெளியில் பலருக்கு  அது தெரியாது !

செல்லன் மாமா  இந்த மச்சாள்மாருக்கு சித்தப்பா என்று மட்டும் எல்லாருக்கும் தெரியும் .!

அந்த வீதியில் கரகம் வர அதன் பின்னே வரும் ஆட்டம் யாழில் எங்கும் கானத ஆட்டம் !

தொடரும்!

//மோள்- மகள் யாழ்வட்டார மொழி!
தனகாத! - உரசாத யாழ் வட்டார மொழி!
பத்தினி தெய்யோ- அம்மனை சிங்களவர் பார்க்கும் பார்வை சீதையை அப்படித்தான் சொல்லுகின்றது அவர்கள் இதிகாசம்!
 அகிலம்/*ஞானம் சிறு சஞ்சிகைகள் முன்னர் மலையகத்தில் வெளிவந்தது!