மலையகத்தில் முகம் தொலைத்தவன்-20

கோயில் இல்லாத  ஊரில்  குடியிருக்க   வேண்டாம்.!  என்பது  ஆன்றோர்வாக்கு.  அதில் பல  அர்த்தம் உண்டு.

  இன்று  நாத்திகம் பேசுபவர்கள்  என்ன சொன்னாலும் கோயிலில் பல  ஞாபகங்கள்  வரலலாற்றைப்  பதிவு செய்து  கொண்டுதான்  வருகின்றது.

  ஆயிரம் கோயில்  இன்று கவனிப்பார் அற்றும் பொலிவிழந்தும் போகும் நிலையில்.  கோடிகள் கொடுத்து நவீன  பளிங்கு  மண்டபக்கோயில்  கட்டுகின்றோம்  !நம் மேதாவித்தனம் காட்ட .

ஆனால்   நம் பண்டைய கோயில்கள்   கவனிப்பார் அற்று.  புறாக்கள்  குடியிருக்கும் நிலை   .
என்ன கொடுமை  யான் விடையம்  இந்துக்களின்  மனதில் !

அன்று ஊருக்குள்      திருவிழா  என்றால்  எப்படி இருந்த  ஊர் .

இன்று முகாரி  வாசிக்கின்றது  தலைவனை தொலைத்த தலைவி போல காலத்தின் துயர்த்திட்டில்..

ஊரில் திருவிழா  தொடங்கினால்  10 நாட்களும்  ,ஒரே  குதூகலம் தான்.  தண்ணீர் பந்தலில்  மோர்த்தண்ணீர்,  , சக்கரைத் தண்ணீர் என  ஒருபக்கம்.

  கடலைக்கடை, ஐஸ்கிரீம்கடை  ;விளையாட்டுப் பொருட்கள்கடை ,வீட்டுப்பாத்திரக்கடை ,   என ஒரே  கடைத்தொகுதிகள்தான் : பச்சைக்கலர், மஞ்சல் கலர்,என ரியூப்லைட் வெளிச்சம் ஒரு புறம் பெற்றோல்மாக்ஸ் வெளிச்சம் ஒரு புறம்.

பெரியவர்கள்  மருமகனே  ஐஸ் குடிக்கிறியா? கடலை சாப்பிடுறியா? என்றால்.

 மாமா நான் விரதம் கடலை வாங்குங்குங்கோ.  அம்மாட்டச்சொல்ல வேண்டாம்!

 உங்கள் கூட கதைக்க வேண்டாம் என்று சொன்னவா   என்று தம்பி குமார் சொல்லும் போது!
 ராகுல் டேய் வாயை மூடு.

  அது இல்ல மாமா  பாட்டி உங்கமீது  கோபம் என்றதை இவனுக்கு சொல்லியிருக்கிறா அம்மா.

 நீங்க கடலை வாங்குங்கோ  தங்கமணி  மாமா என்றான் யோகன் . ரூபனோடு சேர்ந்து  மாமாவின் காசில்  கடலை   வாங்கும் போது  மாமாவின் சின்னமகள் தர்ஷினி அழுதால்.

  அனோமா அவளுக்கு கிளுக்குமனியில் கிழுக்க. அழுகை போனது .

இப்ப அந்த கிளுக்குமணி புழக்கத்தில்  இல்லை. பச்சைக்கலரில்  மூன்று மணி உள்ளே இருக்கும்.
பெரியவர்கள் சண்டை சிறு உள்ளங்களுக்கு  காட்டிக்கொடுக்கக்கூடாது.

  அதனால்  பல பொது  இடங்களில் மனது புண்படும் .தங்க மணி  மாமாவுக்கு  தம்பியின்  செயல் காயம் தந்த வடு என்று  பின்னாளில்  சொன்னபோது  என்னால்  என்ன செய்யமுடியும்!

கோயிலில் பெரியவர்களுக்கு  சண்டை வாறது யார் சாமிக்கு தோள் கொடுப்பது  என்கிறபோது தான்.

காரணம் கட்டையும், நெட்டையும் சாமி தூக்க முடியாது.
  சாமி காவும் போது  ஒரே வடிவாக  வலம் வரணும்.

சின்னவர்களுக்கு   மோதல் காண்டா மணி அடிப்பதில் தான். எல்லைச்சண்டையே தொடங்கும்.!

நாங்கள் ஒரு கதியாலுக்கே  வழக்குப்பேசிய வம்சம். என்பது இந்த மணியடிக்கும் காலத்தில் மனதில்  வந்துவிடும்.!

 கறுத்த மொத்தச் சங்கிலியில் காண்டா மணியை இழுத்து அடிக்கும் போது.
 அடிப்போரையும் 5 அடிக்கு மேலே இழுத்துக்கொண்டு போகும் கோயில் மணி. அந்தரத்தில் பறக்க கற்றுக் கொள்ளும் இடம் அது  .

அப்போது மணியடிப்பவன்  கட்டியிருக்கும் வேட்டியை உருவினால் !
சீச்சீ  ..கூயா !

என்று மானத்தை வாங்கும் போது தொடங்கும் சின்னவர்கள் சண்டை இடையே யாராவது விலக்குப் பிடித்தால் தான்  நிற்கும்.

அதுவும் யாராவது கட்டையானவர்கள் என்றால் அவனின் நிலை மச்சாள் மார் முன் தோற்றுப் போன ஹீரோதான்!

மணியடிக்கும் சண்டையில் விழுந்து எழும்பி வந்தால் .

கடலைக்கடையில் ஒரு சண்டை வரும். கடலைவிற்கும் பாட்டியை பங்கஜம் பாட்டிக்குத் தெரியும்.

 என்றாலும் கடலைக்கொட்டு களவு எடுத்துச் சாப்பிடுவதில் ஒரு இன்பம் இருக்கு. வெண்ணை திருடிய யசோதையின் சிங்கம் போல!
வறுத்த கச்சான் அதில் முக்கோணம் போல கடதாசியில் சுற்றிவைத்திருக்கும் கொட்டு.


பாட்டிமார் ஒரு காலத்தில் கோயில் பிரகாரங்களில் கடலை மட்டுமா ?விற்றார்கள் .தங்கள் வற்றாத அன்பையும் அல்லவா!

 நீ இன்னாற்ற பேரண்தானே? மகள் வழியோ ?மகன் வழியோ ?

கோத்தையிடம் காசு வேண்டுறன்.
இந்தா சோளம் என்றும் கச்சான் என்றும் தரும் பாட்டிமார் வாழ்க்கை இன்று நவீன யுகத்தில் காணாமல் போன பட்டியலில் அல்லவா!

 இப்படித்தான் சோளம்பாட்டி புனிதம் தன்னிடம் வைத்திருக்கும் சிவப்புக்கலர் சோளம் வேண்டும் போது ரூபனிடம் காசு இருக்கும் என்று  ராகுல் அனோமாவுக்கும் சுகிக்கும் வேண்டும் போது!

 தங்கமணி மாமாவின் மூத்தவள் தனக்கும் கச்சான் வேண்டும் என்றால்.  உடனே யோகன் அண்ணா அவளுக்கு கச்சான் கொட்டு வாங்கிக் கொடுத்தான்.

 இதை எல்லாம் வந்து தம்பி குமார் பாட்டியிடம் சொல்லியதில்.
 பங்கஜம் பாட்டி இப்படி எல்லாரும் என் பேரனைக் குட்டிச் சுவராக்கி விடுவாங்க நானே அவனைப் பார்த்துக்கொள்வேன் என்ற போது பாட்டியின் சாணக்கியம் அப்போது விளங்கவில்லை ராகுலுக்கு.

அன்று 7 ம் இரவுத் திருவிழா முடிந்து இசைக்கச்சேரி நடந்தது .

இதுவரை எங்கள் ஊரில் அப்படி ஒரு இசைக்கச்சேரி நடந்ததுஇல்லை.

அதன் பின் நடக்கவும் இல்லை. விடியவிடிய பாட்டுக்கள் மேடையில் இருந்து ஒலித்தது .

அதுவரை சிட்டுக்களை பள்ளிக்குப் போகும் போதும் ,வயலில் தண்ணி அள்ளப்போகும் போது பார்த்து  மேட்சம் கானும் காதல் கொண்ட வேங்கைகள்.

விடிய விடிய தருசனம் கிடையாதா தேவி ?என்று ஏங்கி வடலிக்குள் காத்திருக்கும் காளைகளுக்கு.

 இசைக்கச்சேரியில் இதயங்கள் மகிழம்.
கச்சான் கொட்டு கைமாறும் சிலரின் கச்சான் கொட்டுக்குள் வெறும் கோதையும், மண்னையும் கொடுத்துவிட்டு கச்சானைய் சாப்பிட்டுக் கொண்டு வம்பு வேலை செய்யும் போதெல்லாம் அனோமா பக்கத்தில் இருந்தால்.

பங்கஜம்ப்பாட்டி பேர்த்தியை பட்டுத் தாவணியில், பொட்டுவைத்து அனோமாவை அகிலா ஆக்கிப்பார்த்தது.

 பெட்டைப்புள்ளைக்கு கழுத்து மொட்டையாக இருக்கக் கூடாது என்று இரட்டப்பட்டில் மல்லிகை மொட்டுச் சங்கிலி போட்டுவிட்டா.

ஆனாலும் பாட்டிக்கு பாசம் பேர்த்திகள் மீது பட்டணம் போய் சீமாட்டியில் சின்னதுகள் எல்லாத்துக்கும் பட்டுச்சட்டை தைத்து வாங்கிக் கொண்டந்தா.

சின்னப்பாட்டி மூலம் அதைக் கொடுத்து உடுத்தி அழகு பார்த்தது ராகுலுக்கு நல்லாத் தெரியும்.

அப்படி ஒரு பட்டுச் சட்டையில் அருகில் இருக்கும் போது ஒலித்தபாடல் -இது-


//////////

கோத்தை-தாய்- யாழ்ட்டாரச் சொல்.
சீச்சீ கூயா- கொஞ்ம் ஆபாசம் -யாழ்வட்டாரச்சொல்

பொம்பள மனசு படம் 
ரத்னசூரியா இசை
பாடகர் -tl தியாகராஜன் சசிரேக்கா  பாடல்காட்சி நிஜம் கிடைக்கவில்லை கிடைத்தவர்கள். லிங்கு  தாருங்கள்