மலையகத்தில் முகம் தொலைத்தவன் -19

பங்கஜம்  பாட்டிக்கு  உடல்நலம் இல்லை என்று  சொல்லி கடிதம் போட்டது முத்தாச்சி பாட்டி.

 தன் பேர்த்தி சுகியைப் பார்க்கவும் ஊர்த்திருவிழா  வரப்போறதாலும்  இப்படி ஒரு செய்தி அனுப்பியது  குடும்பத்தில் எல்லோரும்  இணையும் ஒரு சந்தர்ப்பமாக  இருந்தது   !

ஊரில் எந்த வீட்டு ஆம்பிள்ளையும் ஒன்றாக காணவேண்டும் என்றால்!

 ஊர்க் கோயில் திருவிழா நடக்கனும்.

 அப்போது தான் நாட்டின் பலபாகத்திலும்  தனியாக வியாபாரம் செய்வோரும்  அங்கே வேலை செய்வோரும் என ஒடி  வருவதும்.

 ஒன்றாகத் திருவிழா செய்வதும்.

 அது பரம்பரைக் கோயில் திருவிழா புதியவர்கள் வழிவிடுங்கள் என்றாலும் பாராளுமன்றத்தில் இன்னும் இருப்பது அனுபவம் கொண்ட பெரியவர்கள் என்று எண்ணுவது போல. அவர்கள் குடும்ப க்கெளரவம் இந்த திருவிழாக்களில் தான் பட்டொளி மின்னும் .அம்மனுக்கு சாத்துப்படி சொல்லும் இன்று எந்தக்கடைக்காரர்களின் உபயம் என்று!

ஆனால் பங்கஜம் பாட்டி தங்கமணி  மாமா மற்றும்  ,செல்வம்  மாமா குடும்பத்தை சேர்க்கவில்லை.

  தன் புருஷன் செத்தும் வராத தாலும் தனக்குத்தெரியாமல்  கலியாணம் கட்டின இந்த நாம்பன்கள் வீட்டுக்கு வரப்பிடாது என்று  குசினிக்குள்  போனதும்.

  அம்மாவோ ஒன்றும் செய்யமுடியாததால்  வந்தவர்களை வா என்று கூப்பிடவும் முடியாமல் தொங்கு பாராளு மன்றம் போல  நின்றா!

 அந்த சமயத்தில் .
சின்னாத்தாத்தா   அவங்கள்  என் வீட்டில் இருந்து விட்டு  திருவிழா முடியப்போகட்டும்.

  திருவிழா நேரத்தில் வெளியூரில்   இருந்து யார்  வந்தாலும் பேரம்பலத்தார்  உடனே   அனுப்பமாட்டார்

.  நான்   என்ற பிள்ளைகள் பேரப்பிள்ளைகள் யாரையும்  அனுப்பமாட்டன் .

 எனக்கும் வீடு இருக்கு  .நான் செத்தா நாளைக்கு கொள்ளிப்பந்தம்  பிடிக்க பேரப்பிள்ளைகள்  வேணும். என்று விட்டு  சின்னத்தாத்த தன் வீட்டை போய் விட்டார் மாமாமார்கள் குடும்பத்தைக் கூட்டிக் கொண்டு.

அடுத்தநாள்  சின்னத்தாத்தா  எல்லாருக்கும் அவர் வீட்டில் .!

பூவரசு மரத்தில் தூங்கிய சேவல்கோழி ஒரு முழக்கயிற்றில் தொங்கியதில் கிடைத்தது.  கோழிக்குழம்பு ,கோழிப்பொரியல்,முட்டை அவித்தது,..திருக்கையில் ஒரு துவையல் ,சுறாவில் ஒரு சுண்டல். ,அகத்தியிலையில் ஒரு சொதி என மதியம் சாப்பாடு

. நீண்ட நாட்களின் பின் மச்சானுடன் கள்ளுப்போத்தலுடன் இருந்தார் எங்க ஐயா !

சின்னப்பாட்டி இடைக்கிடை சூடைமீன் பொரித்துக் கொடுத்துக் கொண்டிருந்தா குடிப்பவர்களுக்கு சுவைக்க!


இரவு மரக்கறியில் ஓடியல்கூழ் என வீடு களைகட்டியது

. இன்னும் இருநாட்களில் குல தெய்வம் அம்மனுக்கு திருவிழா  தொடக்கம்.  

மச்சக்கோப்பையும் ,சட்டிகளும் கோடியில் போய் விட்டது.

 மீன்கள் எல்லாம் கருவாடாகும் !கள்ளுக்கடையில் ஈ ஓடும் ஆட்கள் இல்லாமல்
ஆன்மீகப் பதிவு எழுதிவிட்டு பின்னூட்டம் வராமல் காத்திருக்கும் பதிவாளர்கள் போல!

அதுவரை ஊரில் இருக்கும் பொடியங்களின் குற்றாலக் குளியல் கோயில் கேணி .

புத்துசாக இறைத்து புத்தம் புதிய வீடு போல காட்சியளிக்கும்.

 நானும் இப்ப நீந்துவன் தெரியுமா ?
ரூபன் மச்சான் என்று சவால் விடக்கூடியதாக சேர்ந்து குளிபது கடலில் என இடம் மாறிவிட்டது.

 சின்னத்தாத்தா கோவணத்துடன் கடலில் குதித்து எங்களை தேட விடுவார்.

 மூச்சடக்கிக் கொண்டு நிலத்தில் இருந்து கொண்டு.

 கரையில் நின்று மச்சாள்மார்கள் எண்ணுவார்கள் .

தாத்தா என்று அவர்கள் சேர்ந்து கொண்டார்கள் .

அதுவரை கடல்கரை பார்க்காதவர்களுக்கு சிற்பி,சோகி,சங்கு என்று எடுத்துக் கொடுத்தார் சின்னத் தாத்தா

.அனோமா சிற்பி தேடும்போது தள்ளிவிட்டதில் கொஞ்சம் கோபமாகி கதைக்கமாட்டன் உன்னுடன் என்று போய் சின்னத்தாத்தாவிடம் விளக்கம் வைத்தால் .

சின்னத் தாத்தா நல்லாக சகோதரமொழி கதைப்பார் .
என்பதால் அவளுக்கு இன்னொரு உதவிக்கு ஆள் இருக்கின்றது என்ற தைரியம்.

வீட்டை வரும் போது பூவரசு  இலையில் பீப்பீ செய்து ஊதிக்காட்டும் போது சுகி!தனக்கும் செய்து தரச் சொல்லிக்கேட்ட சாட்டில் வந்து என்னக்கும் வேண்டும் என்றாள் அனோமா.

 எப்ப பார்த்தாலும் இவள் ராகுலோடு மட்டும் கதைக்கின்றாள் என்று யோகனும் ரூபனும் சண்முகம் மாமியிடம். புகார்மனுக் கொடுத்த போது.

 மாமி சொன்னா மச்சாளைக்கட்டுவது அவன் தானே!

 அந்த உரிமையில் ஒட்டுறான் என்ற போது!

 சின்னத்தாத்தா சொன்னார் வடலி வளர்த்துக் கள்ளுக்குடிக்கப் பார்க்கின்றான் போல என் பேரன் .அதன் அர்த்தம் அப்போது புரியாது ராகுலுக்கு.

அதுமட்டும் நடக்காது இந்தப் பங்கஜம்  ஆட்சியில் இருக்கும் மட்டும்.
 என்று இடையில் வந்த பாட்டியை யாரும் கவனிக்வில்லை!

     தொடர்ந்து தொலைத்தவன்  வருவான் விரைவாக!


 ///////////////////////////////////////
நாம்பன்கள்- காளைமாடு-யாழ்வட்டார் மொழி.
ஒட்டுவது-சேர்வது-யாழ்வட்டார் மொழி
வடலி-பனைமரத்தின் சிறு பருவம்.