மலையகத்தில் முகம் தொலைத்தவன் -21

கிராமியக் கலைகள் வளர்ப்பதில் எப்போதும் ஆலயங்கள் தான் முன்னுரிமையில் இருந்தது ஒரு காலம்!

 இன்று கலைகள் வளர்க்காட் விட்டாலும் நல்ல களைகள் வளர்க்கப்படும் இடம் ஆலயமாகிப்போனது கலியுகம்.

சங்கம் வளர்த்த மதுரை ஆதினம்,தெல்லிப்பளையில் அப்பாக்குட்டியின் அரவனைப்பு,நல்லூர் ஆதினம் ,என சமயம் வளர்க்கும் பணிகள் இருப்பதால் தான் !

இன்றும் சமயம் கொஞ்சம் நெறியோடு இருக்கின்றது .

இப்படித்தான் எங்கள் ஊர்  8 ம் திருவிழாவில் ஊருக்குள் வில்லுப்பாட்டுச் சின்னமேளம் வந்து .

. எல்லா கிராமங்களிலும் இருந்து இரவு பார்த்து ரசிக்க புல்லுப்பாயுடன் பலர் வந்து அமர்ந்தார்கள் கோயில் வீதியில்.

இரவு திருவிழா இனிதே முடிய.

 அன்று திருவிழா செய்த எதிர்வீட்டு சிங்காரி செளந்தரம் என்றால் ஊருக்குள் ஒரு  வாயாடி என்ற பேச்சு இருக்கு  ஆனாலும் இந்த பங்கஜம் என்றால் பணிந்து போவாள்  .

அப்படி எங்க குடும்பம் என்று பக்கத்தில் இருந்த பங்கஜம் பாட்டி பெருமை பேசிக்கொண்டிருந்தா பேர்த்திமார்களுடன்.வில்லுப்பாட்டுப் பார்க்க!

புழுதிமணலில் புல்லுப்புடுங்கும் எங்கள் விரல்கள் .சில்லறைக்காசு தோண்டி எடுக்கும் .

வில்லுப்பாட்டு என்றால் சின்னமணிதான் .அழகாய்ப் பாடுவார். எதுகை மோனையுடன். வந்தனம் வந்தனம்
என்று எல்லாரும் வந்து இந்த வில்லூப்பாட்டில் குந்தனம் என்று கும்பிட்டு தொடங்குவார். கதை சொல்ல.

வில்லங்கம் பண்ணவே விடலைக் காதல் மன்னர்கள்  டவுஸர் மேல் வேட்டிகட்டி வருவார்கள். திருவிழாவிற்கு.

எழுதிக்கொடுத்த காதல்கடிதம் வாங்கிய எதிர் வீட்டுச் சாந்தியின் பதில் காணாமல் தவிர்த்து நிற்கும் பாலன் அண்ணாவுக்கு வில்லுப்பாட்டு விடை சொல்லும் என்ற எண்ணத்தில் நண்பர்கள் சேர்ந்து கூட்டத்துடன் வந்தார். திருவிழாவிற்கு!

வில்லுப்பாட்டு என்றால் சின்னமணிதான் .அழகாய்ப் பாடுவார். எதுகை மோனையுடன். வந்தனம் வந்தனம்
என்று எல்லாரும் வந்து இந்த வில்லூப்பாட்டில் குந்தனம் என்று கும்பிட்டு தொடங்குவார். கதை சொல்ல.

ராமயணக்கதையில் ஆர்வமாக இருந்தார்கள்  பெரியவர்கள்.

சாந்தியின் பதில் எப்படி இருக்கும் என்ற எண்ணத்தில் கல்லு எறிந்து சைகைகாட்டிய பாலன்  அண்ணனுக்குத் தெரியாது .

சாந்தியின் மச்சான்  பரமசாமி பின்னால் பார்த்துக் கொண்டு இருப்பது.

 நிலவு வெளிச்சத்தில் நிறையக்கதை சொன்னார் வில்லுப்பாட்டில் சின்னமணி.

 பின் இருந்த பரமசாமி காத்திருந்தவன் பொண்டாட்டியை நேற்றுவந்தவன் கொண்டு போன கதையைக் கேள்விப்பட்டவர்  .என்பதால் .

எடுத்தார் சைக்கிள் செயின்.
விழந்தது நிலவு வெளிச்சத்தில் நிறைய இடங்களில் அடி  பாலன் அண்ணாவுக்கு .பதிலுக்கு அவரும் இடுப்புப்பட்டியாளும் விளாசினார்.

 புழுதிமண்ணில் புரண்டு எழுந்தார்கள். அதற்குள் சலசலப்பு வர . அதில் இருந்த ஒரு பாட்டி இவள் சாந்தியிடம் யாரோ வம்பு செய்தவையாம் .

அதுதான் அவள் மச்சான் அடிக்கின்றானாம் .என்று காற்றில் ஒரு பக்கம் கதை வர .

வேட்டி தொலைந்து டவுசர் மட்டும் தெரிய உன்னை விடமாட்டன் பரமசாமி .

வருவேண்டா என்று அவமானத்தில் சொல்லிப் போட்டுப் போனார்!

என்னைக் காதலிக்காத சாந்தியை நினைத்து இயக்கத்துக்குப் போறன் என்று எழுதிவைத்துவிட்டுப் போவது அப்போதுதான்  ஊருக்குள் புதிய வழிமுறையாக  !ஒருதலையாக காதலித்த காதலர்கள்  கண்டு கொண்ட விடயம்.

சாந்தியும் பின் நாட்களில் போராளியாகிய போது  தான் ராகுலும் நினைத்திருந்தான் பாலன் அண்ணா மீது அவளுக்கும் மையல் இருந்து இருக்கு என்று.

. அப்போது
இவனுக்கு சின்னமணியின்  பத்துவிரலிலும் இருப்பது தங்கமோதிரம் தானா !என்ற மயக்கம் இருந்தது .

அப்போது நல்ல நிலவு நேரம்
.ஊரில் .

புழுதியில் புரண்டு படுக்க வேண்டாம் வாங்கோ
வீட்ட போவம் .
நாளைக்கு எங்கள் திருவிழா தேர்த் திருவிழா! என்று பங்கஜம் பாட்டி சொல்ல .

சின்னத்தாத்தா கொஞ்சம் இருங்கோ. வில்லுப்பாட்டு முடியும் போது போகலாம் மச்சாள் .

ராகுல் உனக்கு நித்திரை வரவில்லையா ?என்றாள் அனோமா .

ஊருக்கு வாரதே திருவிழாவிற்குத்தான். நான் பதுளை போகும் போது ரயிலில் நித்திரைகொள்ளுவன்.

இப்ப இந்த அரிச்சந்திரன் மயாணகாண்டம் கேட்டு முடித்துவிட்டுத்தான் வருவேன்.

உனக்கு
நித்திரைவந்தால் பாட்டியின் மடியில் சாய்ந்து கொள்! சினத்தாத்தா தூக்கிக் கொண்டு வருவார்.

 வில்லுப்பாட்டு விரைவாக முடிந்ததும் செளந்தரம் பாட்டி வில்லுப்பாட்டுக் குழுவிற்கு!பொண்ணாடையும் போர்த்து வெற்றிலையில் காசும் கொடுத்தா !

அப்போது செளந்தரம் பேர்த்தி போட்டு இருந்தது. அக்கோபார் துணியில் கையில்லாத் சட்டை   .

இப்போது அந்த வடிவம் பழக்கத்தில் இல்லை .

பின் நாட்களில்  ஐரோப்பாவில் அவளைப் பார்த்தபோது ராகுல் கேட்டவன் என்னைத் தெரியுமா? என்று  ஓம் என்றாள் பல நிமிடங்களின் பின் .

சின்னமணியின் காரில் எப்போதும் இனிமைதான பாடல் ஒலிக்கும் இந்தப்பாடல் அவர் காரில் ஒலித்தது அன்று!
///////////////////////////////////////////////////////


விரைவாக தொலைந்தவன் வருவான்!........

வம்பு-மோசமான செயல்
சின்னமணி -ஈழத்து வில்லுப்பாட்டு கச்சேரி செய்வதில் பிரபல்யமான ஒரு கலைஞர்!