கொழும்புக்கு வாரீயா??

கொழும்பு தலைநகர வாழ்க்கை ஒரு ராமாயணம் போல பல பாடங்களை அனுபவரீதியாக கற்றுத்தந்த நகரம் .

.உறவுகளின் முகத்திரை ,தொழில் தேடும்படலம்,நல்ல நண்பர்களின் சுகதுக்கங்கள்,வாழ்க்கையின் கனவுகளுக்கும் கற்பனைக்கும் இடைப்பட்ட யதார்த்த வாழ்வு எல்லாவற்றையும் பரந்து விரிந்த இந்த மாநாகரம் மனதில் வாழ்க்கை என்றால் என்ன என்பதை போதித்த போதி மரம்.

தொழில் தேடி வந்த பின் கொழும்பின் பயம் தெளிந்தது .காரணம் கிடைத்தது விற்பனைப்பிரதிநிதி வேலை  அது பல்தேசியக் கம்பனி கொழும்பின் பல பாதைகளை பொடிநடையாக நடந்தே பலருக்கு பொருட்கள் விற்பது( புகையிலை விற்பது ஊருக்குள் விற்பனைப்பிரதிநிதி என்றால் இப்படித்தான் நக்கல் பண்ணூவார்கள் இப்போது மாறிவிட்டதாக நண்பர்கள் சொல்கின்றார்கள்)  

இந்த வேலையின் விளைவால் வந்தது பல முதிர்ச்சியான அனுபவங்கள் தான் இன்றும் தனிமரத்தை வழிநடத்தும் ஆசான்!

அப்படிச் சென்ற நேரங்களில் சந்தித்த இந்த நண்பர் ஈஸ்வர் (இவர் தனக்கு வைத்துக்கொண்டது )இசைப்பேழை வெளியிட வேண்டும் என்ற ஆர்வத்தில் அப்போது இருந்தார்

. வார இறுதியில் இவரின் வாடகை அறைக்குப் போய் காத்திருந்தால்!

 இதோ வாரன் என்பார் வரமாட்டார் கேட்டால் இசையமைப்பாளர் கணேஸ் அவர்களுடன் இருக்கின்றேன் என்று தொலைபேசியை தொல்லை பேசியாக்கிவிட்டு இருப்பார்.

கோபப்பட்டு திட்டிவிட்டு என் இருப்பிடத்திற்கு வந்த நாட்கள் அதிகம்.


 ஒய்வான பொழுதுகளில் கல்கிசை,தெகிவளை  கடற்கரை ஓரங்களில்  இருக்கும் உல்லாசவிடுதியின் ஓரங்களில் சந்ததித்தால் .

இசைபற்றியதும் , அரசியல் ,வாழ்வின் அடுத்த நிலை பற்றிய தேடலாக இருக்கும் இந்த நேரத்தில் நண்பர் தான் எழுதியிருக்கும் பாடலை பாடிக்காட்டுவார்.

காட்சி அமைப்பு இப்படி இருக்கணும் என்று பாலகுமார் மூக்குடைத்தது போல இந்தக் காட்சியில் என்று கையில் இருக்கும் கிளாஸ் உடைத்தநாட்கள் அதிகம்.

 அப்படி இருக்கும் போது இவர் நவீன இசைபற்றி பேச நானோ மெல்லிசையின் தீவிர ரசிகன் .இப்படி இருந்தால் நல்லம் என்றால் உனக்கு இசைபற்றி தெரியாது என்று சண்டைக்கு வருவார்.

 உனக்கு வேனும் என்றால் பாட்டு எழுத சந்தர்ப்பம் தருகின்றேன் என்பார்.

ஏதோ நான் கிறுக்கிய ஏழுத்துக்களை இதயசங்கமம் நிகழ்ச்சி (இ.ஒ.கூ)தாங்கி வந்து இருக்கின்றது. அந்த நேரத்தில் .

அதுவும் இல்லாமல் ஏதோ எழுதுறான் என்று அன்று  ஒத்துக்கொண்டான் .அவனா  சொன்னான்? இல்லை அன்று  கையில் இருந்த ரையின் (gin)அப்படிச் சொன்னதா தெரியாது .

சந்திக்க நிற்கும் நேரத்தில் ஐராங்கனி கண்டால் அன்று கஞ்சிதான். இன்று இரவு அப்ப சிவராத்திரிதான்   எனக்கு .

நீங்கள் வந்து படுக்க விடிந்துவிடும் இரவு சத்தமாக பாட்டைப்போடூவீங்க  .நான் வேலைக்குப் போகணும் என்று  ஒப்பாரி வைப்பாள். அருகில் வாடகைக்கு குடியிருக்கும் சகோதரமொழி நங்கை.

 சண்டைதான்  அவளுடன் சில நாட்கள் என்றாலும் என் கைமோதிரத்துடன் போனவள் பார்க்க இங்கே-http://www.thanimaram.org/2011/06/blog-post_7624.html
.சிங்களவரின் வீட்டில் தான் வாடகை அறை எடுத்திருந்தான் ஈஸ்வர் .

அதன் பின் நான் புலம்பெயர்ந்து விட்டேன்.

இடையில் ஒருநாள் தொலைபேசியில் தான் பாடல்கள் பதிவு செய்துவிட்டேன் .இரு பாடலுக்கு காட்சியும் அமைத்துவிட்டேன். ஒலிப்பேழை வெளியீடு செய்யப்போறன் என்றான்.

 நானும் அப்படியா !ஒலிப்பேழை வெளியிட்டால் எத்தனை பேர் ஈழத்து இசையைக்கேட்க ஆர்வமாக இருக்கினம் .,ஊக்கிவிக்கத் தயக்கம்  ,வெட்டித்தனம்  இது ,நம்கலைஞர்களுக்கு திறமை போதாது என்றுதானே உபதேசம் செய்வார்கள் .

உழைக்கும் பணத்திற்குக் கேடு என்றேன் .தொலைபேசியைத் துண்டிந்துவிட்டான் .

சில வாரத்தில் ஒரு  இறுவட்டு அனுப்பியிருந்தார். நீ (nee). .தான் வெளியீடு செய்துவிட்டதாகவும் .

இந்தப்பாடலை முடிந்தால் .இங்கு இருந்து அன்நாட்களில் ஒலி/ஒளிபரப்பாக்கப்பட்ட தமிழ் ஒலியில்  ஒலி/ஒளிபரப்பாகும் நிகழ்ச்சியான ஒளிக்கீற்றுக்கு கொடுத்துவிடு என்ற.


  .. நானும் கொடுத்த நேரம் அந்த நிலையம் சேவையை முடக்கிவிட்டது

.பாடல் ஒலி/ஒளி ஒளிபரப்பாகவில்லை.

நேற்று வேற ஒரு இசைபேழையைத் தேடும் போது இந்தப்பாடல் கையில் கிடைத்தது . இப்பேழையில்  12 பாடல்கள்  வெளிவந்துள்ளது இரண்டு பாடல் மட்டும் ஒலி/ஒளியாக  செய்துள்ளார் ஈஸ்வர்.




அதனை உங்களுடன் பகிர்கின்றேன் பாடலுக்கு குரல் கொடுப்பதுடன் காட்சிக்கு நடனம் அமைத்து பாடல்வரியும் தீட்டியிருப்பவர் ஈஸ்வர் .

அவரோடு சேர்ந்து குரல் கொடுப்பதுடன் நடனத்தில் கூடவருவது சதீஸ்


. இந்தக்காட்சிகளில் தோன்றும் சகோதரமொழி நங்கைகள் சின்னத்திரை மற்றும் விளம்பர காட்சியில் நடிப்பவர்கள்.

தனிமரத்தின் வலையில் ரசியுங்கள்-: