மலையகத்தில் முகம் தொலைத்தவன்-24

கிராமத்தவன் வானம் பார்த்தவன்  பட்டணத்து பகட்டு வாழ்வு தெரியாதவன் என்பார் முத்துக்குமார் கிராமம் நகரம் மாநாகரம் தொகுப்பில்!

 அப்படித்தான் கிராமத்து வாழ்வும் ராகுலுக்கு .இனிய தாகப் போய் கொண்டிருந்தது .

மீண்டும் தன் பள்ளியில் பழைய நண்பர்கள் நண்பிகளுடன் சேர்ந்து கொண்டான் .அவன் வழமையாக சேரும் தோழிகள் எல்லாம் நீ பதுளையில் போன பின்பு பேச்சே மாறிவிட்டது. நீ மலையகத் தமிழ் (இதில் வார்த்தை மாற்றிவிட்டேன் யாழ்ப்பாணத்தவர் எப்படி பேசுவார்கள் என்பதை எழுத்தில் வடித்து பிரிந்து நிற்க முடியாது தனிமரம் .ராகுலும் அதைத்தான் என்னிடம் கேட்டான் அதனால்   தவிர்க்கின்றேன் .சில இடங்களில்) பேசுகின்றாய் என்று அன்று அருகில் இருந்து சொன்ன ராஜி .

இன்றும் ஐரோப்பாவில் காணும் போதும் நீ அப்படியேதாண்டா இருக்கின்றாய். என்று செல்லமாக சொல்லிச் சிரிக்கும் போது நான் கேட்பது வழமையாகத் தானே கதைக்கின்றன்.

.ராகுல் நீ சரியாப் பேசிறீயா?
 .ராஜி!

.நீ அப்புறம் என்பதே நாங்க சப்பறம் பார்த்த ஞாபகம் வருகின்றது.

.குமார் அவளுக்கு சார்பாகப் பேசும் போது அன்று பள்ளியில் சிரிப்போடு அதைவிட்டு விட்டான். நீங்க பாலம் தாண்டி போய் வாருங்கோ புரியும் எல்லாம்!

 பங்கஜம் பாட்டியிடம் சொல்லுவன் என்ர பாட்டி யார் தெரியும் தானே ?

ஓம் நாங்க பகிடிக்குச் சொன்னாங்க !ராகுல் இனி ஒன்றும் பேசமாட்டம் நீ புது ஆட்களோட ஊர் சுற்றியதைத் தான் இப்படி பகிடி பண்ணினோம்.

 இனிச் சரி நல்லா படிப்பம்டா !
நீ படி ராஜி நான் வாய்ப்பாடு பாடமாக்கணும்..கள்ளுக்குடித்துவிட்டு வரும் கணக்கு வாத்தியார் கருக்கு மட்டையால் தலையில் அடிப்பார் 12 வாய்ப்பாடு பாடம் இல்லாதவர் எழும்புங்கோ என்றாள்.

 இந்த மேனகா என்னைத்தான் கைகாட்டுவாள் ராஜி .

நீ யோசிக்காத இன்று பள்ளி
முடிய அவள் மயிரை இழத்து அடித்துப் போட்டு வாரன்.

 வயலுக்கால ஓடிவிடலாம் வீட்டை. சரியா அப்போது சரி என்று தலையாட்டிவிட்டு அடுத்த பாடம் நடந்து.

 சண்டை போட்டு வீட்டு போனான்

. கிராமத்துக்காற்றில் விவசாயம் வீச வெளிக்கிட்டது. வயல் உழுதார்கள். வரம்புகட்டினார்கள். வளவுகள் அளந்தார்கள்.

 பங்கஜம் பாட்டியிடம் ராகுல் கேட்ட பக்கத்துவளவு எனக்குத் தான் தரனும்! எதிர்வீட்டு மேனகா கொஞ்சநாளா என்னொடு சண்டை போடுகின்றாள்.

 வேலி போடேக்கிள நான் யாற்ற பேரன் என்று காட்டணும் பாட்டி .

சீச்சீ சின்னப்பிள்ளைகள் சண்டை போடக்கூடாது .

அவள் பெரியவள் ஆனால் நீதான் கட்டுறியோ? யார்கண்டா !பேராண்டி.

 பேரணுக்கு நல்லாத் தான் செல்லம் கொடுக்கின்றீங்க பொரிமா ஊட்டிக்கொண்டு. பேசுற பேச்சா மாமி!

. அப்ப
வந்தார் ஐயா.

நெல்வயல் நிறைந்து வசந்தம் வாழ்வை பூத்துக்குழங்க வைத்திருந்தது.
 நெல்விளைந்த இடங்கள் எல்லாம் எள்ளு விதைத்தோம். இடையில் கவுப்பி போட்டோம். பயறு, சோளம்,சானை என   வயல்கள் பருவம் தந்தது .

கிளிகள் வரும் கொத்த என்று வலை வைத்தும், சட்டிபானையில் பொம்மை செய்தும் வயலில் வைத்தோம்!

.பனைமரப்பொந்தில் கிளிகள் பிடித்தோம் .மாலையில் பட்டம் விட்டோம் .கேணியில் குதித்தோம்.

 கேட்க யார்?

 இது எங்கள் ஊர் என்று குயில்களாக திரிந்தோம் .

கிளிகள் பச்சை மட்டுமா ?

பக்கத்துவிட்டு பாறாத்தையின் பேத்தியும் ஒரு கிளிதான் .

தண்ணிக்குடத்துடன் வயலுக்கு வந்தா  !

அன்று வரும் வழியில் தள்ளிவிட்டு பானை உடைந்ததால்.

 பங்கஜம் பாட்டி கிளுவங்கம்பு முறியும் வரை காலுக்கு கீழ் அடித்தா.

 பெட்டைப்பிள்ளையோட என்னடா வீரம் காட்டுற .

அவள் உடைத்தது மண்பானை என் வீட்டில் இருப்பது பித்தளைப் பானை.

 இப்ப அதை அல்லவோ கொடுக்க வேண்டிக்கிடக்கு .

நீ பதுளை போய் வந்த பின் குழப்படி கூடிப்போச்சு

.அம்மா அடுப்படியில் இருந்து சொல்லுவா.

அந்த வாழ்க்கை எப்படித் தொலைந்தது.!ஏக்கமான நாட்கள் கிராமத் தென்றல் கூவியது மழைமேகங்கள் வரும் என்று வந்தது யுத்த மேகங்கள். !!


அதுவரை எங்கள் வீட்டில்
k.s ராஜா,ராஜேஸ்வரி சண்முகம்,சற்சொரூபவதி நாதன்,மனோகரி சதாசிவம்  என்பவர்களின்  இலங்கை வானொலிக்குயில்கள் போய்.

 ஐஸ்பழ வான் வரும் போது !

"கடல் ஏன் பிறக்க வைத்தான் எங்களை கண்ணீரில். நனைய வைத்தான் ""
பாடல் போய்

"தோல்வி நிலை என நினைத்தால் மனிதன் வாழ்வை இழக்கலாமா."

என பாடிக்கொண்டு தெருக்கள் எங்கும் சுற்றிவந்தது ஐஸ்வான்.

"காந்தி தேசமே காவல் இல்லையா பாடல் போய் புதிய குரல்கள் குந்தியிருந்த .

சந்தி எங்கும் கீதம் இசைத்தது.

 "எதிரிகளின் பாசறையைத் தேடிப்போகின்றோம் தமிழ் ஈழமண்ணை மீட்க ஓடிப்போகிறோம்"

எங்கும்  அழைப்புச்  சங்கு ஊதியது இடைவிடாத இசையாக இதயத்தில் இருந்தது ராகுல் மனதில் இந்தப்பாடல்!
                    
முகம் தொலைந்தவன் வருவான் விரைந்து!!!!!!!
//////
.
பகிடி-நகைச்சுவை -யாழ் வட்டார மொழி
அப்புற்ம்- பிறகு -மலைய்க வட்டார மொழி